هل النساء خادمات للرجال؟

مشكلتي · 2012-08-09, 12:38

المشكلة فظيعة حقا و هي تنغص حياتي كثيرا

تخيلو معاي .........خواتي الذكور معتاقدين إعتقاد أن البنات في الدار موجودات لخدمتهن فقط ، ماشي مقيمينا أبدا الهدرة اللي نقولوها ولا الرأي اللي نقولوه دائما مهمش و غير نبداو نهدرو يقولونا أسكتو خاصة أخي الكبير
وهذه الحالة زادت دعمتها أمي ..... دايمن جاية معاهم حتى لو كانو ظالمينا ....تخيلو لوكان نشاحنوهم في حاجة ولا نحاولو ندافعو على أنفسنا ينهرونا و إذا أصرينا على رأينا و حاولنا نبينو بلي تاني حنا عندنا الحق في الكلام يحتمل دائما أن واحد فيهم يجي يضرب
و أمي قاعدة تشوف ما تحرك والو وكي نقولولها شفتي وش دار إبنك تقولنا أنتي علاه تشاحنيه
يا عباد الله أنا و أختي رانا ايتين 23 سنة وخدامات و الحمد لله نعاونو الأب في المصروف و متربيات من الدار للخدمة ومن الخدمة للدار
وبالرغم من هاك يشوفو فينا لازملنا نكونو كيما الخدم في الدار نهار كامل لازم يشوفونا في شغل الدار و إذا شافونا نتفرجو يقولونا هاك قاعدات للتفراج برك ياخي بنات ياخي؟؟
فهل صحيح أن النساء موجودات لخدمة الرجال فقط

راني قريب نتعقد وليت خايفا لا يكونو قاع الرجال هاك

فهل هذا صحيح
وما هو الحل؟؟؟؟؟؟؟؟؟؟؟؟؟؟؟؟؟

aissam .3820 · 2012-08-09, 20:45

مش كامل الرجال كامل هكذا يا اختي...
..

الله اعلم هذي ترجع للتربية في العائلة والمجتمع بصفة عامة..

..

حاولي تغيري معاملتك معاهم يا اختي ورايحة تكسبيهم ان شاء الله..

..

بنت الحجاج · 2012-08-09, 21:19

اصبري بركْ نيجيوْ نْساهم

و تشوفي كيفاه يْـوليوْ يْبـعبْعُُُو !!

النجمة القطبية · 2012-08-09, 21:53

ر يا اختى مش كامل الرجال هكا
والمراة شقيقة الرجل لم تخلق لخدمته بالمفهوم اللى فهمتيه بصح كاين تكامل بين الاثنين
يعنى البيت من مهمات المراة ومش الرجل والرجل يخدم عليها برا ههه هو تان خدام
انا خاوتى الحمد لله مش هاك وجامى حاسبونى وبابا تانى عمرو ولا حاسبنى الحمد لله
يعنى الحمد لله مش كامل الرجال يفكرو بنفس الطريقة
بصح اعمال البيت من مهمات المراة يعنى عادى اخدمى ولما تكملى صلى او اعملى شئ مفيد وتجنبى الخوض فى النقاشات وكونك مليحة مع خاوتك وذكية فى التعامل معهم ومع الوقت راح يتبدلو
وبالتوفيق

maiar · 2012-08-09, 21:56

اقتباس:

المشاركة الأصلية كتبت بواسطة بنت الحجاج

اصبري بركْ نيجيوْ نْساهم

و تشوفي كيفاه يْـوليوْ يْبـعبْعُُُو !!

100%

مبروكة الصحراء · 2012-08-09, 22:11

أحس بكلامك لأبعد الحدود
أختي صبري و عند ربي راكي كاسبة ماتقدري ديري والوا إن شاااااااااااااااااااااااااااء الله ربي يعوضكم بأزواج حنان و متفهمين تنساو كلش معاهم
المههههههههههههههههههههم خلي بلاصتك نقية كيما يقولوا
إذا سمعت قولي واه حتى و ماشي مقتنعة (لأنو المشاحنة كيما قلتي ضرك غي نتي حتى نفسيا) و تعاملي معاهم بالحسنة فعقاب السيئة هو الحسنة و هاذو خوتك مهما كان
ربي يفرج اختي

peaceful spirit · 2012-08-09, 22:43

اقتباس:

المشاركة الأصلية كتبت بواسطة بنت الحجاج

اصبري بركْ نيجيوْ نْساهم

و تشوفي كيفاه يْـوليوْ يْبـعبْعُُُو !!

و الله غير جبتيها هاديك هي بعد

ام سلمة الجزائرية · 2012-08-09, 21:44

الحالة واحدة مي متعمريش راسك بيهم هداك النقص ديالهم يفرغوه في الهدرة والتقرعيج

mimi jiji · 2012-08-09, 22:28

عندك لتقولي بللي غير انتوما
انا والله صاير في الباطل من خاوتي عندي 3 خاوتي 2 ملاح بصح واحد والله تالمو نكرهوا ندعيلو في الصلاة يموت انشالله *في لحظة غضب ندعي بصح برجع نقول ربي يهديه* وش نقولك وش نحكي لوكان نبدا مانكملش
اصبري برك
ونقولك اديهم على قد عقولهم وقوليلهم هيه وخليهم انت رايحة لدارك رايحة وهما ضرك يتعقلو بربي انشالله
ماتشاحنيهمش
نقولك حاجة انا عندي اختي لكبيرة دارو فيها خاوتي 2 منهم دارو فيها لباطل كرهولها حياتها وصبرت وضرك راهي مزوجة من واح الله يبارك يقدرها فور وعايشة في فرنسا وخاوتي ندمو على بكري كيفاش دارولها واحد عقال واحد ربي يهديه وربي يبعدو علي
اصبري برك

عُضو مُحترم · 2012-08-09, 22:57

الساع تتزوجي

و تتوحشي خاوتك

مريم الصابرة · 2012-08-09, 22:49

السلام عليكم اختي ربي يكون فالعون هكذا كنت نعاني لما كانو خاوتي تقولي خدامتهم ولو بالشهرية معليش الرحمة وما فيهمش ولما تحلي فمك يكونو معاك زعمى هوما فاهمين او لانهم ذكور عندهم الحق المرا ما عندهاش لسان وما تهدرش عندها اليدين للخدمة وبرك
لما يتزوجو راحا تتشفاي فيهم راحين يولو كالمعيز قدام نساهم ارواحو منا يروحو منا روحو من هيه يروحو من هيه وخضهم يحلو فمهم يشطارو في حوتاتهم واش نقولك طليتي على قلبي انا تهنيت منهم تزوجو وراحو واحد راح للخارج ولاخر راه هنا مي ما يجيش اوف راني مرتاحة واش نقولك العقوبة ليك من الاحسن ما تهدريش معاهم ولا تقيميخم عندك خدمة اخدميها ما عندكش احكمي بلاصة وخليك منهم لما يهرو وما يلقاوش اللي يهدر يسكتو وزيد احكي مع يماك واش العقلية هذي الصراحة الامهات كلهم يحبو الذكور والبنات مساكن للشغل ربييبعثلكم نصيبكم ترووحو تتزوجو تتهناو شكرا

NOUR14 · 2012-08-09, 23:33

اختي انا في راي كامل الرجال كيف كيف وعدهم لي قولوها لازم تكون حاصرة انا لكبيرة فالدار وعدي خويا سغير عليا غير بشوييا بصح بابا كي عود فالدار تقولي 10 رجالة ويحوس كلش يعرفو بالتدقيق و التفصيل الممل وعندوا حاجة ايجابية بصح مرات كي نزعف نقول مناقص هو يزقي بالزاف على الصلاة و القراية ياختي وش نقولك ربي يهديهم وينحلهم هاد الشك و الطفلة بطبعها خوافة بالصح الراجل عدو قوتو وجبروتو مانطولش عليك ربي يهدي ما خلق............................................... ...........

.................................................. .................................................. .....................................

ولد حمد الباتني · 2012-08-10, 00:03

ربي يفتح عليكم تتزوجو بالزوج الصالح الراجل
لمرا كي تكبار ماكانش قد تتزوج وتولي بالقدر

khawlita.dz · 2012-08-10, 00:46

اقتباس:

المشاركة الأصلية كتبت بواسطة مشكلتي

المشكلة فظيعة حقا و هي تنغص حياتي كثيرا

تخيلو معاي .........خواتي الذكور معتاقدين إعتقاد أن البنات في الدار موجودات لخدمتهن فقط ، ماشي مقيمينا أبدا الهدرة اللي نقولوها ولا الرأي اللي نقولوه دائما مهمش و غير نبداو نهدرو يقولونا أسكتو خاصة أخي الكبير
وهذه الحالة زادت دعمتها أمي ..... دايمن جاية معاهم حتى لو كانو ظالمينا ....تخيلو لوكان نشاحنوهم في حاجة ولا نحاولو ندافعو على أنفسنا ينهرونا و إذا أصرينا على رأينا و حاولنا نبينو بلي تاني حنا عندنا الحق في الكلام يحتمل دائما أن واحد فيهم يجي يضرب
و أمي قاعدة تشوف ما تحرك والو وكي نقولولها شفتي وش دار إبنك تقولنا أنتي علاه تشاحنيه
يا عباد الله أنا و أختي رانا ايتين 23 سنة وخدامات و الحمد لله نعاونو الأب في المصروف و متربيات من الدار للخدمة ومن الخدمة للدار
وبالرغم من هاك يشوفو فينا لازملنا نكونو كيما الخدم في الدار نهار كامل لازم يشوفونا في شغل الدار و إذا شافونا نتفرجو يقولونا هاك قاعدات للتفراج برك ياخي بنات ياخي؟؟
فهل صحيح أن النساء موجودات لخدمة الرجال فقط

راني قريب نتعقد وليت خايفا لا يكونو قاع الرجال هاك

فهل هذا صحيح
وما هو الحل؟؟؟؟؟؟؟؟؟؟؟؟؟؟؟؟؟

نا نشوف انو موش لازم تتساهلو معاهم اكثر...وحاولي ان لا تحتكي بهم كثيرا.وماتكثروش الهدرة معاهم بزاف يعنى كل واحد يحكم قدرو ...قلت انك في 23يعني المفروض انك لديك شخصية مستقلة......هدا راجع للتربية وللولدين ونقص التوعية(الذكر سيد واانثى خادمة) اما سؤالك هل المرأة خادمة لا بل هي اميرة في بيت والدها او زوجها لها احترامها وصون كرامتها ..اما عملها في البيت فهو جزء من التكامل والتعايش ....وليس بالعيب او العار ........الكثير من الامهات يروجن لهذه لعقلية لانهن تربين هكذا فلا لوم عليهم...في وقت كانت المرأة غير متعلمة ولا تعرف حقوقها وواجباتها التي اقرها لها الله ووصى عليها سيد الخلق(استوصوا بالنساء خيرا)(لا يكرمهن الا كريم ولا يهينهن الا لئيم)....لكن الحق على بنات اليوم يقبلن بهذا ويسكتن كانه قدر محتوم.................حاولى ان تكلمى والدك في الموضوع ليتصرف معهم الله يعينكم

NOUR14 · 2012-08-10, 01:05

مادامهم خاوتها ماتحلهمش العين كيما نقولو