مشكلتي حيرتني

[مشكلتي]

السلام عليكم قصتي وربما تختلف تماما عن باقي القصص تبدأ عندما كنت في 15 تعرفت على شاب يكبرني ب 5 سنوات و 6 أشهر في الأنترنيت أحببته بشدة و هو أيضا كان متحملا للمسؤولية معي لم نكن ننام إلا و نحن متراضيين و كان يحفزني على دراستي إن اخدت علامات سيئة يزعف و لا يكلمني علمني كل شئ و في جميع الجوانب أعطاني المفاهيم صحيحة لكل شي في الحياة علمني كيف أمشي كيف أتكلم (برزانة زعمة) نزع مني كل شئ سئ ووضع كل شئ جميل علمني كيف أكون أنثى بكل معنى الكلمة كان أبي الثاني أمي الثانية أخي و أختي حبيبي و صديقي ملئ كل شيئ في حياتي بتصرفاته الرائعة (ا بدأت أبكي ههههه) و بعدهافي العام الثاني دفعنا هدا الحب الكبيرإلي ارتكاب المعاصي و في نصف العام الثالث و بعد بلوغي 18 و إجتيازي البكالوريا إعترفنا بمعصيتنا وقررنا التوبة و الرجوع إلى الله وننساو واش درنا مقبل هو إتبع المنهج السلفي و أنا إقترح عليا أن أتحجب (حجاب شرعي) فوافقت وو أعطينا بعضنا فترة نحبسو إلتقاء و هدرتنا تكون يعلمني دين و نتبادلو معلومات على دين و برك و بعد هاد الفترة نحبسو كلش حتى لهدرة (تكمل هاد لفترة من نحس روحي تعلمت ديني ) اياومين يوجد ماديا و أنا نكمل قرايتي يجي يخطب

سرات و أنا حبستها و كان آخر كلام و إلتقاء بناتنا هو يوم الخميس (للغدوة رمضان) قالي بلي يبغيني و تواحشني و راه بغيني نكوون مرا صالحة و نكون زوجة صالحة ليه (كان فشحال مقاليش هاد لهدرة باسك كان قاسي بزاف بصح أنا فهمت علاش باش أنا نفتن من غيبوبة لي كنت فيها مام هو قسى على روحه بزاف

نضن حكيتلكم المختصر المفيد دروك نبد فلمشكلة هو متعلم دكتور و غادي يدير لحييية و قالي نديرلك نقاب و مكانش خدمؤ أنا نورمال مدبيا نتزوج بواحد محافض على صلاتو و يخاف ربي بصح أهلي مشي مدينين بزف كيما الجزايريين قاع و راني خايفة ميقبلوش بيه و تاني راني خايفته يتعصب بزاف و منطيقش هديك لحياة مع لعلم دروك معندي حتى معارضة مدابيا نكمل حياتي فدين الله و طايعة زوجي

مزال باقي بزاف باش يجي بصح رايو عليا نصحوني فوجه الله

[حكيـ الجَزآئِرِي ــم]

ربي ايسر أموركم ان شاء الله
أعتقد أنه لا يوجد أحسن من طريق الالتزام
او إن شاء الله ما دام متعلم ومثقف لن يكون من ذلك الصنف
ولو كان من الغلاة لما بقي معك ولما بقي ينصحك
ولنظر إلى جانب المعاصي التي ارتكبتموها فقط
أسأل الله لكم التوفيق والسداد

[elise]

يا اختي ماكاش حاجة تتمناها المراة كيما راجل يكون مدين و يخاف ربي surtt في هذا الوقت .كي يكون الراجل خطيه دعاوي الشر كيما يقولو هذاك هو الصح.و بخصوص داركم إن شاء الله ما يكون حتى مشكل معاهم و ربي يسرك طريقك و طريقنا اجمعين

[تائبة الى ربها]

أختي أنت لا تعرفين النعيم الذي أنت فيه بحصولك على زوج يتبع المنهج السلفي بعد كل الضياع الذي كنت فيه لديك فرصة بعد أن تبت(التي أتمنى أن تكون توبة صادقة حقا من كليكما ) و الحمد لله على أن تتثبتي بالصراط المستقيم ليس عليك أن تتردي أو تسالي اطلاقا فقد أنعم الله عليك بمن يعينك على طاعة الله ,هو وحده من عليك أن تستخيريه
أما بخصوص أهلك فحتى ان لم يكونوا من المتدينين كما تقولين فان عرفوا أنك متمسكة بسنة نبينا عليه الصلاة والسلام فلن يعارضوا على رغبتك, فقط اظهري لهم ذلك تحدثي معهم عن المستقبل الذي تريدينه و ارسمي لهم الحياة التي اخترتها حتى ان أبدوا معارضة بالبداية لكنهم سيوافقون باذن الله ومشيئته في النهاية
و ان كان هذا الرجل متبعا السلف حقا فليس عليك أن تخافي و لا تقولي متعصب فقد أصبح الكل يستخدم هذه الكلمة في حق كل من يرونه ملتحيا .... فان كان سلفيا حقا فاعلمي أن كل ما سيحرمك منه انما هو لمصلحتك
أعانك الله ووفقك

[vivaldi]

على ما أظن أنك أنت من سوف تتزوجين به و ليس أهلك !!! يعني شروطه أنت من تقبلين بها و خاصة في القفص الذهبي . هذا من ناحية
و من ناخية أخري لم أجد أخا ملتزما و يتحدث إلى النساء و خاصة أنه فعل المنكر معها !!!؟؟؟؟
نسأل الله العفو و العافية

[صُبح الأندلس]

أريد التعليق في نقاط :
- قصتك أختي ككل القصص التي نقرؤها و تمر علينا يوميا فلا جديد فيها
- أحببته عندما كان عاصيا وعندما التزم تخافين أن يضيّق عليك !!!
-قلتِ (صح أهلي مشي مدينين بزف كيما الجزايريين قاع )، من أخبرك و كيف حكمت ؟

- -قلت هو دكتور و يكبرك بخمس سنوات فكيف ذلك ؟ و ما سنك الآن و لماذا بقي له الكثيير حتى يأتي ؟

[بنت الحجاج]

هذا كاااااااااااامل و ماجاشْ خطبكْ !!!!!

فيقي يا طفلة فيقي لعمركْ

[yesican]

هههههههه سمحيلي بصح حكايتك ضحكتني كي درتوها معابعض و تبتو معا بعض و دوك تزوجو مع بعض .........انا نقولك ربي يسهلك و جربي تقنعي اهلك باش يزوجوك بيه سينو تكمليها مال ........اما بخصوص قولك ان اهلك غير متدينين بزاف كيما قاع الجزايريين من المحبب ان تغيري هده العبارة لانك قد حكمتي على اغلب الجزائريين بالباطل فان قلتي ان اهلك فقط دالك حريتهم اما تعميمك لاغلب الجزائريين لا يجوز يمكن ان اكون انا من بينهم ههههههههههه....................ربي يسهلك

[*أمنيآت لآمتنآهية*]

لا تفكري في أي شيئ الآن ما عدا أن يعجل في خطبتك،فان لم يفعل فحاولي ان تقنعي نفسك بالابتعاد عنه،لم التماطل وتضييع الوقت وكل هذه الشروط وهو حتى لم يتقدم لأهلك،صدقيني أعحبتني القصة لكني لم أقتنع بعد بأن نهايتها ستكون سعيدة جدا،لا تمني نفسك كثيرا أخيتي
وفقك الله ورعاك وحفظك وثبتك على صراطه المستقيم

[Rachid_ HD]

يأختاه لا لحية ولا لهم يحزنون نهار ايجي يخطبك من الدار من ثمة تبداي تعلقى الأمال عليه
أما الأن راهو مكان والو
بالتوفيق لك

[مبروكة الصحراء]

ربي يوفق بينكما في الحلااااال ان شاء الله
ما عندك ماديري و واحد ماعندو الحل
الحل هو الدعوة لله و خصوصا كي مازال مايجي
ما دام شاد فيك هذي حاجة مليحة
كثري الدعاء في هذا الشهر الفضيل وربي يسهلك كل حاجة صعيبة عند ربي ساهلة
و ممكن تكوني غاطلة في داركم بلاك يقبلولك بالانسان المليح
يااااااااااااااااااااااااااااااااااااااااااااااااا ااااا رب توفق أختي هذه و تزوجها بلي في بالها و تجمعهما على طاعتك
قولووووووووووووووووووووووووو آمييييييييييييييييييييييييييييييييييين

[salimsalm]

هو يتلاعب بك لحية و توبة و نقاب لو أنه تاب فعلا لتقدم لك ،هو يتماطل و يكذب عليك ،مثلما يفعل اشباه الرجال يجيب بيك في الوقت.........................

[b.mayssouna]

السلام عليكم
ارجو ان يكون مروري خفيف
اولا اختي بما انك في حيرة تضرعك يجب ان لايكون الا لله وحده فهو المستعان اما نحن فمجرد زيادات
المهم ولكي تتضرعي الى ربك يشترط صفاء القلوب مع الله لدا حاولي قدر المستطاع ان تستغفري مافاتك ولا تفكري فيه ابدا
لانو لو كان نصيبك صدقيني لوكان تروحي لاخر دنيا وتعيشي ماتعيشي مايكون غير ليك دونك حاليا خممي في مستقبلك برك وهو اقطعي معاه العلاقة
علابالي بلي لي بيناتكم تبدل جوهرا ومضمونا حتى في اقتناء مواضيع الكلام لكني صدقيني ماتبدلتش حاجة كبيرة لانو المطلوب الحقيقي انك تبعدي عليه كليااااااااااااا....
ولاجاتك صعيبة هزي يديك ربي وقوليلو اني لقيت متعتي في دلك لكن مخافتك تركت.. وفي هاد الحال مايكتب ربي غير لي فيه خير ليك لانك دعيتيه واحاطك ربي سبحانو بحفظو
درك هو انت حاولي تفهميه وادا يحبك صح راح يفهمك ويخاف عليك لانو ليوم راكم هكا مي غدوة الحياة ماش مضمونة وكل واحد يتحاسب وحدو وفي ديننا ماكانش الشي هادا
مانيش متشددة ولا متعصبة ولا معقدة مي حكيتلك شي اللازم حنا كامل نغلطو مي الصح واش نديرو. من بعد .. الانسان مافيهش لامان وماش رايح يشفعلك غدوة غير اللهم الا ادا حابة دنيا ولي وراها مايهمكش..
الاخ هادا ادا حب ربي وتقدم والتقدم هادا مانقولش الخطبة قادر يبينلك صدقو من مجرد انو يهدر علليك ويحط النقط فوق الحروف...هادي ماتخافيش منها لانك انت لي رايحة تكملي حياتك معاه ماش اهلك المهم صلاحك انت واخلاصك في دينك وشي اخر كلو زايد كي لا اقول غير مهم

حاولي تاخدي بنصيحتي وعودي دايما لصلاة الاستخارة وبادن الله لو تلاقينيا مرة خلاف رايحة تحكيلي اشياء اجمل صراو وتقوليلي الان وين حسيت للدنيا وفعالي ورتحت برضى الله وثقة اهلك
وفقك الله وجمعك ليس به ...ولكن بالدي هو خير لك هو او سواه

[مريم الصابرة]

السلام عليكم اختي
اولا موفقة في حياتك معاه او بدونه اختي هذا طبيب يعني قادر ماديا وقلت مازال بزاف باه يجي يخطبك علاه واش يستنى وزيدي نصحك وتوبك وعلمك الدين ربي يجازيه رجل كيفو قليل فالميدان هذا لكن لما يعرف الدين علاه يتماطل وعاه مازال يحكي معاك وعارف حرام كيفاخمن جهة يقولك النقاب ومن جهة يحكي معاك بصغتك واش ماكان حتى علاقة شرعية بينك وبينو اختي من الأحسن تقوليلو نحبسو الهدرة خلاص وارواح تخطبني ما نستناش لانك درت كل شي قالك عليه وبالنسبة لاهلك اكيد إنت راحا تتزوجي وإنت المسؤولة قوليلهم انا قابلة بيه وحابة نتنقب وراحا نكون مرتو وهو حر في حجاب مرتو وحاولي مع امك اكيد رحا تتفهمك ونزن راه يتماطل اختي والعلم عند لله موفقة

[أم معاذ أم معاذ]

بالنسبة للتدين تعلمي أنت أيضا دينك منا لحتى يجيك
باه تكونو متوافقين
و أهلك إذا كانو كيما تقولي غير متدينين حاولي معاهم و إدعيهم بالتي هي أحسن
هكذا راح تهيئيهم للقبول
و أيضا أنت اللي راح تتزوجي مش أهلك
و ربي يسرلكم ما فيه خير لكم
و ربي يثبتكم