رايكم يهمني

[مشكلتي]

السلام عليكم و صح فطوركم.انا فتاة في 27 من العمر.منذ حوالي 8 اشهر حدث عطل في كمبيوتري فاتى ابي بجارنا لتصليحه...هذا الجار لم اكلمه في حياتي مع اننا كبرنا و ترعرعنا في نفس الحي.في ذلك اليوم اعطاني حسابه في f c b k و قال اذا حدث اي شيء.نقدر نعونك بلا مانجي لخاطر يخدم و ما يجيش بكري لدار..و هذه كانت بداية العلاقة كنا نتكلم عن اشياء عامة و بعد شهر و نصف اعترف انه معجب بي و انا كذلك..ولالعلم هذا الشخص متدين و وليد عايلة و كامل الحي يشهد له و لصفاته...المشكل الان انه يفاتحني في الزواج حينا و اجده مترددا حينا اخر.و كي نهدر انا يقولي راكي مقلقة و راكي عارفة situation تاعي...البارح كنا نحكيو و قالي منين ذاك نشوفك انتي هي زوجتي و منين ذاك لالا و تاني راني خايف من ردة فعل يما و لوكان ماتحبش....تم انا قلتلو لازم ضرك ماشي نزيد نبقى معاك و من بعد تجي تقولي يما ماحبتش....مانيش عارفة وش ندير راني sur بلي ناوي الحلال لكن عندو ظروف ....راني مودرة شورو عليا الله يخليكم و ادعيولي ربي يسهلي يا خاوتي و خياتي لخاطر عييت و الله عييت....

[~~ أغيلاس ~~]

اقطعي العلاقة معه نهائيا، و لما يستعد للزواج و ترضى بك أمه حينها فباب الدار معلوم و ليس مجهولا،،،،،،،،،،،، ياو يعرف باب الدار، حافظي على نفسك و على سمعة عائلتك .

[مريم الصابرة]

السلام عليكم اختي
هذا في حد ذاتو بلا يماه راه متردد مرة بشوفك زوجة ومرة لالا من راي اختي حبسي العلاقة معاه خلاص عرفك عرفتيه وجاركم ويعرف اهلك وتعرفي اهلو هذي الوضعية كلها كذب يتهرب بيها الشاب من الزواج راه خدام واش يخصو واللي يحب الحلال يجي والله يا ختي صحبتي تعرف واحد منين قاتلو ارواح تخطبني يخدك فالشبكة لإجتماعية وجا وخطبها اللي راجل راجل لا ظروف لا هم يحزنون من راي حبسي معاه وشوفي كان يجي يخطبك لأانو من الواصح تكملي معاه ما يتزوجكش صحا فطورك

[نصر الدين 17]

ربي يسهلك ويسهل لكل المؤمين جميعا ان شاء الله

[*أمنيآت لآمتنآهية*]

حسنا،مبدئيا يبدو أنه صريح جدا ولو لم يكن كذلك لما قال لك أنه أحيانا لا يراك الوجة المناسبة،لكن ما يجدر بك ان تفعليه الآن هو قطع صلتك به،لا تمني نفسك كثيرا أختي ولا تخدعي نفسك،ماذامت ظروفه لا تسمح الىن فأخلاقك أيضا لا تسمح لك بمحادثة غريب عنك قد لا يكون زوجك مستقبلا
أختي كل شيئ في الحلال طيب فلم تستعجلين،اتركيه يفكر ويشاور أمه ومتى كان جاهزا فليتقدم وان لم يفعل فتعودك على بعده أحسن لك
وفقك الله وجعله من نصيبك ان كان طيبا

[aissam .3820]

المشاركة الأصلية كتبت بواسطة مشكلتي

فاتى ابي بجارنا لتصليحه...

كي يحب لحلال رايح يزيد يدخل لداركم مرة ثانية وبرضايتو مش باباك يجيبوا ...


..

اقطعي العلاقة..

...

[saleh sabsoub]

اذا حبك يجي لداركم.....ماكانش حاجا فدنيا هادي تخلي الواحد لا يستطيع الزواج أنا نعرف واحد و الله بطال يا ناس و ماعندوش دار و ما والو و الزوج و درك راهو بدراري و ربي فتحها في وجهو
ربي يسيرك و يطيحك فولد الحلال

[أبو صهيب ناصر السنة]

السلام عليكم

أتعجب من مدى تغلب عاطفة النساء على عقولهن..كل ما قلتيه يدل على أنه ليس جاداً وأنت تقولين " راني سور باللي ناوي الحلال " الأمر الذي انا متأكد منه أنكما في الحرام الان اقطعي علاقتك به مرضاة لله فإن كان جاداً طرق الباب وان لا رزقك الله خيراً منه

[داعي الله ياسين]

المشاركة الأصلية كتبت بواسطة أبو صهيب ناصر السنة

السلام عليكم

أتعجب من مدى تغلب عاطفة النساء على عقولهن..كل ما قلتيه يدل على أنه ليس جاداً وأنت تقولين " راني سور باللي ناوي الحلال " الأمر الذي انا متأكد منه أنكما في الحرام الان اقطعي علاقتك به مرضاة لله فإن كان جاداً طرق الباب وان لا رزقك الله خيراً منه

لا أزيـــــــــــــــد حرف .

[السي محمد]

تصوري هذا الشخص يتحول إلى انسان خبيث و يبتزك بتصوير المحادثلت التي تمت بينمكما


و ربما كاين صُور و كلام في الهاتف و الله يعلم؟؟؟؟

واش تديري ساعتها؟؟؟؟

[صفاء الروح]

ماديريش فيه الثقة واقطعي علاقتك بيه وكي يبغاك يعرف الباب منين

[أم محمد و آيه]

شوفي يا اختي ..متخليهش يتحجج عليك ويتغشش الى يجي على بركة الله وادا لا اقطعي العلاقة ...

راكيكبيرة وفي سن الزواج ....وهاد السبايب تاع واحد صغير ......ماما متحبش ....

ان شاء الله يسرلك امورك بصح قفزي مع روحك متبقايش غير تساعفي فيه ...

صح فطورك

[منهاج]

السلام عليكم ..............................مبارك عليكم الشهر

الله يقدملك لي فيها الخير

[faty05]

لا اراه جادا
اذا لما يتحجج و هو جاركم ممكن يحكي مع باباك في اي وقت
و زادا ماماه
ربي يجيب الخير
اختي يوليهالو صراحة انا ما نزيدش نحكي معاك حتى تفهم وش باغي
كي يفهم رآه يجي طول لداركم
مش يحكي معاك في الفايسبوك
سلام

[سارة البوسعادية]

اختي اول شئ لم ارتح لكلامه ثاني نقطة طريقته في التقرب اليه لم تعجبني

يعني يعرف باباك ومدلك الفيس نتاعو تعرف عليك بطرقة طريقته تشبه طريقة الذئاب في التصيد بالفريسة

اجبدي