تارت التفاح

شذا الربيع · 2012-08-01, 01:40

السلام عليكم ورحمة الله وبركاته
أخواتي الكريمات إن شاء الله تقدرو تساعدوني البارح شفت وصفة تارت التفاح من بعد راحتلي قد ما حوست عليها ما لقيتهاش لقيت وصفات أخرى بصح لي كنت شفتها ما لقيتهاش ونسيت صاحبتها وأنا بأمس الحاجة ليها
هاد الوصفة فيها العجينة الأساسية لكل أنواع التورتات وفيها أنو تسكرفجي 2 حبات تفاح في الجهة لخشينة للسكرفاج وتحطيه في مقلة مع 50غ زبدة و 100غ سكر حتى يصبح كالكرامال من بعد تخلطي مع لاكريم باتسيير
وهنااااا راحتلي تريسيتي وراحت الوصفة معاها
تعيشو لي تعرفها تعطيني الرابط نتاعها
وصح سحوركم

oum salim · 2012-08-01, 10:52

نديرلك un copier coller لوصفة الاخت ياسمين 177 .اتمنى ان تكون الوصفة اللي تحوسي عليها.

تارت التفاح

العجينة الحلوة:250غ زبدة+250غ سكر+فاني اخدميهم مليح100غ لوز مرحي هذا اختياري+3 بيض بالوحدة ونخلط + 500غ فرينة ونص باكي خمارة اجمعيها وخليها ترتاح هذه العجينة اساسية تقدري تخدمي بيها كل انواع التورتات
الكريم باتسيير:لتر حليب + 300غ سكر+140غ نشا+ فاني+3 بيض الاخت ميميشة راها حطتها بالشرح طيبيها
2حبات تفاح نسكرفجهم خشان نحط في مقلة التفاح و50غ زبدة و100غ سكر حتى يصبح كالكرمال نخلطوه مع كريم باتسيير
نحل العجينة في مول تارت نديريلها الكريم باتسيير ونقطع حبة تفاح ابراج ونستفها كامل على الوجه ثم ندردر عليها سكر احرش على الوجه وندخلها تطيب ثم نخليها تبرد تماما وندهنها بالجولي.

شذا الربيع · 2012-08-01, 14:11

ربي يحفظك يا أختي هذي هي لي راني نحوس عليها ربي يعطيك واش تتمناي

سيرين سندس · 2017-02-17, 21:18

كريم باتيسبار ما طيبيهاش