مقروط بجاوي100/100****ذوق وبنة ****

[لينا11]

المقادير :
03كيلات سميد
كيلة مارغارين
شوية ملح
ماء الزهر
قرنفل
زيت للقلي
الحشو :
تمر
جلجلان
قرفة
ملاحظة: يفضل ترك العجينة ليلة كاملة كي نتحصل على مقروط يدوب فالفم

طريقةالتحضير بالصور
نذوب مارغارين ونوجد سميد ونصبو عليه وهو سخون باش سميد يشربو مليح ويجي مطمن الله الله وماننساوش رشة ملح ونخلوه ليلة كاملة يرتاح فالثلاجة

هنا نوجد الغرس تاعي نفورو ونرحيه ونزيدلو مطيبات ونعجنو مليح وماننساوش جلجلان ممممم


هنا غدا من داك جبدتو وزدت حليتو مليح بيدي باش مايبقاش فيه حبيبات
ونلمو بالماء مخلط معاه ماء الورد او ماء زهر

ندير حربوش طويل ونحاول نعدلو بيدينا ونحط الغرس فالوسط ونقفل عليه
وننلفو مليح باش نعدلولو شكلو يجي مدور ومبطبط الله الله

نقصو بسكين حاد باش مايفسدلناش شكلو
وانا درت نوعين نوع درتو سامبل ولخر نقشتو بالنقاش

بالنسبة لطريقة القلي
ديري مقلاة غامقة وعمريها بالزيت (مقرط المقلى يحب زيت ) وديري الحبة تاعك ولازم تعوم داخل باش ماتقلبيهاش لازم تطيب من تحت والفوق في نفس الوقت
بالنسبة للتحمار انتي حرة تحبيه اصفر او محمر الله الله كي تاعي

[nabila40]

sabah el nour khrajlak hayel ya3tik el saha

[ام ملاك و عبدو]

رائع كيفاه درتي الشكل المخطط

[ام احمدي]

هااااااااااااااااااااااااااااااااااايل يسلموووووووووووووووووووو الايادي امممممممممممممممممم

[أم أيوب 11]

ماشاء الله خرجلك روعة انا نموت على المقروط

[amirateljazayer]

خرجلك فور لينا ربي يعطيك صحة على صحة ان شاء الله

[لينا11]

امو ملاك نقشتو بالنقاش حنونة

[دنيازاد بزاري]

شكرا لينا

[sara74]

يعطيك الصحة يسلمووووووووووو

[رقة8]

ما شاء الله روعة
فمادا سميد استعملتي بارك الله فيك
لا اله الا نت سبحانك اني كنت من الظالمين

[SAMAH SAMAH]

ما شاء الله روعة
يعطيك الصحة اختي
ممكن صورة النقاش الي استعملتيه

[بشرى2008]

أممممممممممممممممممممممممممممممممممممممممممممممممم ممممم

[idron0]

يعطيك الصحة

[nazima]

اهلا حبيبتي لينا انا ذابلي في المقلة

[aouniak]

يشهي يعطيك الصحة