خبز بالحليب الصيني

[إلهام07]

البسملة1

صحة فطوركم بنات ...

وأخيرًا كملنا حراسة البكالوريا أفففففف ... كيما وعدتكم هذي وصفة خبز الحليب الصيني (بريوش) ، هو يشبه بزاف خبز الحليب الفرنسي Le pain au lait ولكن يختلف عنه في إضافة وهي حشوة جوز الهند اللذيذة اللي خلاتي يتفوق على الوصفة الفرنسية .

يتباع بزاف في المخابز الصينية وهو المعشوق الأول للصينيين مع الشاي .. أتمنى تعجبكم الوصفة كيما عجبتنا كامل وماتنساونيش بدعوة خير فقط ... أترككم مع الشرح والصور ( هاه ماكثرتش الهدرة ..... غالبني رمضان )

جربوه بنات طعمو رائع ونكهة الحليب في العجينة باينة وخفيف جدا
سخفت وأنا نحكي عليه

Pain au lait Chinois à la noix de coco

المقادير لـــــ 10 وردات :

2كاس فرينة كبير ممسوح،
4 م ص خميرة خبز،
3 م ك سكر،
2 بياض بيض،
1 م ك فاني،
1م ص ملح،
3 م ك حليب بودرة،
حليب دافئ للعجن (حوالي كأس متوسط)،
رشة محسن خبز(يمكن الاستغناء عنها ولكن تعطينا نفس نتيجة المخابز)،
½ كيس خميرة حلويات (5غ)،
2 م ك زبدة طرية (حوالي 40غ)


للدهن : 2 صفار بيضة + 2 م ص قهوة سائلة أو حليب سائل ، لا جولي ، معجون مشمش ، جلجلان محمص


للحشو: 1 م ك سكر بني (ممكن تستعملو سكر عادي إذا ماعندكمش)، 1 م ك فلان كاراميل (اختياري بصح يضيف ريحة روعة ، هذه لمستي انا في الوصفة) ، جوز هند (حوالي كأس متوسط)، زبدة ذايبة (حوالي 2 م ك )


الطريقة :

في صحن نضع كل المكونات الجافة ونخلط ثم نضيف بياض البيض ونبدى نضيف الحليب الدافئ تدريجيا مع العجن حتى نحصل على عجينة طرية ورخوة نعجنها جيدا حوالي 10د ثم نضيف الزبدة الطرية ونكمل العجن حتى تصبح مطاطية جدا وملساء ( استعملت العجانة)


نضع العجين في صحن مدهون بالزيت ونغطيه ببلاستيك ونضعه في الرف الوسطي للفرن ليختمر (طبعا الفرن طافي) وفي الرف السفلي نضع إناء فيه ماء مغلي حتى تتخمر العجينة على البخار ويتضاعف حجمها .


نحضر الحشو : نخلط المكونات كلها جيدا و نقسمهم إلى 10 باش يجي الحشو متساوي و نغطيها حتى لا تنشف

نرش سطح العمل بالفرينة و نقسم العجينة إلى 10 كرات متساوية الحجم ( أقسمو العدد اللي حبيتو على حساب الحجم اللي تحبوا )



نكورهم ونرشهم بشوية فرينة (خفيف برك ) ونغطيهم ببلاستيك ونخليهم يريحو حوالي 15د .


التشكيل: هو عادة الشكل نتاعو يديروه كرات أو خبزات وأنا حبيت ندير شكل باهي

نفتح كرة العجين ونضع الحشو ونغلق مليح ونكورها ونفتحها بالرولو على شكل قرصة ومانرققش بزاف ( نستعين بالفرينة )

ننقلها إلى صينية الفرن مدهونة مليح بالزبدة ونقطعها بسكين حاد إلى 4 أرباع وكل ربع نقسمو إلى 3 فيكون المجموع 12 بتلة للزهرة ونشكلها مثل ما هو واضح في الصور ونغطيها ببلاستيك ونخليها تتخمر في الفرن (طافي) وتحتها ماء مغلي (كل ما يبرد الماء نبدلو)

لما تختمر الوردات ندهنهم بخليط البيض برفق (نستعمل بانسو السيليكون) ونحط في الوسط ملعقة صغيرة معجون مشمش وجلجلان محمص وندخلهم لفرن مسخن مسبقا على 180°

لما تتحمر من تحت ومن فوق نخرجها وهي سخونة ندهنها بلاجولي .

تقدم ساخنة مع قهوة أو حليب روعة في الطعم والخفة ونكهة الحليب في العجينة مع طعم الحشو من أروع مايكون .

وهذي صورة الكاس اللي كيلت بيه :



Pain au lait Simple

اللي حبوا يديروه سامبل مافيهش جوز هند او عايلتهم مايحبوهش ممكن تعملوه بهذا الشكل :

للحشو: 1 م ك سكر بني (ممكن نعوضوه بسكر عادي ولكم البني أفض يجي معسل) ، 1 م ك فلان كاراميل ، زبيب (حوالي نصف كأس)، زبدة ذايبة (حوالي 1 م ك )

نخدم العجينة بنفس الطريقة الموضحة الفوق فقط الاختلاف في التشكيل :

قبل ما نبدا العمل : ننقع الزبيب في ماء مغلي ونتركه ينتفخ و نحاول نغير الماء المغلي مرة أو 2 للتخلص من الشوائب الموجودة في الزبيب.

نطرح كل كرة بالطول و وندهن بالقليل من الزبدة الذايبة ونرش خليط الفلان والسكر البني ونوزع حبات زبيب ونلف باش نشكل خبيزات ولكن نرخف ما نشبحش باش تلقى فراغ وين تختمر العجين وجي خفيفة ماشي معجنة ونسوي الحواف باش يجيو كلهم نفس الطول.

والباقي التخمير والطياب بنفس الطريقة وندهن بلاجولي بعدما يطيب

ملاحظة : في هذا الشكل حتى لو حبيتو ديروه فارغ بدون حشوة نهائيا لازم تلفوه بالشكل الموضح في الصور باش يجيو فيه هذوك اللفات هي تقسموه بالعرض يجي مممممم يهبل وخفيف وهشوش






وهذو اللفات اللي فيه من داخل :




صدقوني حبيباتي طعم ولا أروع جربوه ماتندموش إن شاء الله


تحياتي .... أنا لهلوبة

[&ام ايوب&]

روووووعة رووووعة
يعطيك الصحة لهلوبة

[طيور الجنان]

وااااو رووووووعة الله يبارك عليك لهلوبة يشهي يشهي يعطيك الصحة على الوصفة

[naila166]

يشهي ...بارك الله فيك ربي يرزقك كل خير

[fleur de lili]

يعطيك الصحة ويعطيك ما تتمناي....مجهود في ميزان الحسنات
راكي دائما في القمة...راني ماننسكش بدعوات الخير في هذ العشر الاواخر أمين

[ام إسراء]

ربي يحفظك ويصونك مشاء الله فحلة ونص وخمسة وعشرين ههه نموت على وصفاتك ونجربهم وينجحولي روعة اختي الهام تعيشي حطيلي مودال قاطو باهي للعيد في هذه الايام وصح فطورك وصحورك اني انتظر مع الف الف سلامة

[soussou-safsoufa]

اممممممم باين يشهي

[كنزة88]

يبان يشهي يعطيك الصحة ختي

[هدى المتفائلة]

يمممممممممممم
يعطيك الصحة

[kamili1]

روعة ياشاطرة

[السعادة قرار]

عيدك مبارك كل عام وانتي بالف خير و جزاكي الله خيرا كثيرا
اريد ان اطلب منكي وصفة القهوة الملكية بمقادير مضبوطة اللي وعدتينا بيها و ايضا طريقة صنع تارت زكازيكو بموس الشوكولا على شكل رقم واحد مصنوعة من طرف اختك رائعة اريد تطبيقها من فضلك و جزاكي الله عني كل خير

[شمس الملوك]

يعطيك الصحة وبارك الله فيك وصفاتك في القمة والشرح كذالك جربت الكثير منها وكانت ناجحة الف شكر

[ilinafatna]

ام بايييييييييييييييييييييييييييييييييييييييييييييييي ييييييييييييييييين بنين

[fati13]

444444444444444444444444444444

[كاميلياس]

روعة روعة دائما تتحفينا بالجديد وعندي ثقة في وصفاتك لاني مجربتهم والبريوش رحماني نجرب فيه من بعد نقولك النتيجة