اعادة ادماج بعد انقطاع

[jihanne]

السلام عليكم

عندي باك 2008 قريت عام و انقطعت ليومنا هذا
عندي حق في اعادة الادماج بعد انقطاع ؟
و فاتو عليه 5 سنوات نقدر نعاود نسجل و الا ندير اعادة ادماج ؟

[سطايفية بكل فخر]

وشا خصرتي ختي جربي وان شاء الله يقبلوك لكن احتمال اذا كان مش نفس التخصص يحولوك لتخصص جديد تابع لل م د
بالتوفيق
الدوسي شوفيه في موضوعي المثبت في الاعلى

[romaissa ruby]

تعيشو خاوتى عاونوني انا جديدة فى المنتدى وما لقيتش وين نكتب المشكل تاعى شكون يقدر يعاونى تعيشو انا عندى باك 2007 قريت حتى السنة الاخيرة باه نجيب شهادة الليسانس لكن ما خرجتش العام كانو عندى مشاكل عائلية و تدهورت حالتي النفسية بعد وفاة اخى و ابن اختى حبست عام بلا ما نبلوكى مبعد حاولت نكمل درت اعادة ادماج مى و الله ما قدرت نقرى فى وقتها كرهت كلش المهم حاولت نكمل العام اللى فات قالولى بالمعرفة تقدرى تولي نورمال جريت جريت ما بان والو زدت حطيت طلب اعادة ادماج هاد العام من 03 سبتمبر ما ردولي حتى خبر عندها شهرين علما انو نقرى بيولوجيا بجامعة سطيف و عندى 3 مواد برك ماشى مخرجتهم باه نهز الليسانس قلتلهم يا لوكان تمدولى شهادة تسجيل نروح نقرى فى جامعة اخرى مبعد نائب العميد قالى التخصص تاعكم بدلوه قتلو معليش غير نكمل قرايتى برك رانى كل يوم ثم و هوما كل خطرة يقولولى حاجة و الله عييت صح يا خاوتى رايحة نهبل و نبات نبكى فى الليل عندى غير قرايتى دبرو على وش ندير و ادا كاين امل نولى ولا لالا

[سطايفية بكل فخر]

اختي نورمالمون يقبلولك اعادة الادماج وفي حالة تغير الشعبة وتغير النظام يديرولك ليكيفالونس او يرجعون من السنة الاولى
اختي اجري على روحك ومتسكتيلهمش اطلعي للعميد واحكي معاه
ولكاش معريفة شوفيها
ربي يوفق