بطاطا ذائبة روووعة fondant potato

[minina2601]

بسم الله والصلاة والسلام على رسول الله
اللهم اتنا في الدنيا حسنة وفي الاخرة حسنة وقنا عذاب النار

اليوم وصفة جديدة بنينة اقتصادية بامتياز والاهم صحية سر البنة تاعها فالبصل المقلي المكرمل
نبداو بسم الله
ادهنو قوالب يدخلو للفرن بزيت الزيتون مع اضافة فتات الخبز

وجدي الخليط السائل لي راح يكون حشوة البطاطا وهو عبارة عن جبن طري مثل كيري ولا باربار وتخليطه مع الحليب الدافي حتى يذوب ويولي كريمة سائلة ممكن تضيفي مايوناز اذا حبيتي دور هاد الكريمة السائلة هو كي تاكلو البطاطا جيكم من الداخل ذائبة او مايسمى fondante

ببطاطا مسلوقة مع شوية جزر لي راح تخففها احسن من انو تحطو بطاطا وحدها جيكم ثقيلة ومع الوقت تزيد تنشف اهرسوها بالشوكة وهي سخونة باش جيكم ساهلة

بصل مقلي مليح واكدولي على مقلي مليح لان كرملة البصل هي سر البنة مشي معنتها تحرقوه حتى يولي مر ديروه كيما راهو باين فالصورة انا قليتو في زيت الزيتون وضفتو بالزيت ديالو للبطاطا المهروسة وزدت اضفت جبن طري ملح فلفل ابيض وشوية زنجبيل مطحون وبيضة كاملة تقدرو تخليو منها شوية باش تدهنو بيها من فوق

خلطوها مليح وزيدولها الحليب حتى تولي طرية كيما راكم تشوفوا
هنا كلش راهو واجد برك زدت جبن مبشور


الخطوات مصورة كالتالي
نحط كمية من البطاطا ثم بواسطة ملعقة ندير عمق لاستقبال الجبن السائل حاولو ميخرجلكمش عبر الجوانب ثم اضيفوا كمية اخرى من البطاطا وما تضغطوش بزاف باش ما يخرجش السائل ادهنو بالبيض ولكم الاختيار في اضافة الجبن مبشور

راني خليت وحدة بلا جبن مبشور دوك مباشرة الى الفرن حتى تشوفوهم تحمرو من الجوانب زيدو حمروهم من الفوق

هاوليك My fondant potatoes

هنا قدمته مع طاجين الزيتون

شوفو من الداخل شحال يشهي والبنة اكثر من رائع

تجربوه بالصحة والهنا عليكم وبارك الله فيكم
لي عجبها موضوعي تكتبلي دعاء فالرد هكذ باش نفرح
استودعكم الله الذي لا تضيع ودائعه والسلام عليكم ورحمة الله وبركاته

[غير هام]

السلام عليكم



يعطيك الصحة

[أم ملك]

أمممممممم هايلة و صفة رائعة قيد التجريب إن شاء الله
ربي يعطيك ما راكي متمنية

[MaroufHm]

huuuuuuuuuuuuuuuuuuuuuuuuuuuuuuuuuuuuuuummm

[oumhana]

يسرني أن أكون أول وحدة ترد و تقولك ما شاء الله الله يبارك راني خذيت هدا الصحن باه نتعشى إن شاء الله نجربها.دمتي في رعاية الرحمان

[*جوهرة الجنة*]

يعطيك الصحة

[عازفة الناي]

امممممممممممممممممممممم يعطيك الصحة

[tokio hotel]

رائع اختى ربى يجعلها فى ميزان حسناتك
فرحتك و لا نزيد ههههههههه

[ام نوردين]

يعطيك الصحة وفعلا يبان يشهى الله يجعلها فى ميزان حسناتك ويفرحك عن قريب ان شاء الله وييسر امورك و يعطيك ماتتمناي براكة عليك ولا نزيد ههههههههههه شكراااااااااااااااااااااااااااااااااااااا

[cuisineshowdalatifa]

طبق راقي و كأني في مطعم 5نجوم تشكريييين

[ام محمد78]

الله يبارك
يعطيك الصحة

[بيان 5]

يعطيك الصحة

[OM DHOHA ANES]

بوركت اختي وحفظ الله اناملك الذهبية

[كاتي حياة]

يعطيك الصحة

[ام هاديل وياسين]

يعطيك الصحة رائععع