|
|
|
|||||||
| قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
Ratatouille الغاتاتوي على طريقتي
 |
|
|
أدوات الموضوع | انواع عرض الموضوع |
|
|
2016-07-29, 22:59
|
رقم المشاركة : 1 | ||||
|
Ratatouille الغاتاتوي على طريقتي
البسملة1
Ratatouille هبلتوني عليها هذي الوصفة و ياربي كي نخلص ونحطها.. نلقاكم ماجربتوهاش وتشوفو ... نعضكم وحدة وحدة  هذي طريقتي الخاصة في عمل الغاتاتوي الطبق التقليدي الفرنسي ... كانوا يديروه المزارعين من الخضار الطازجة الموسمية وصراحة طبق صيفي اقتصادي وسريع وبنين بزاف يعني ماشي شرط ديما يحضر اللحم ... هذا من الأطباق المفضلة عند عائلتي ونهار نديرو ديما يخلاص على آخر لقمة أكيد كامل تفرجتوا الفيلم نتاع Ratatouille نموت على هذيك اللقطة منين دخل الطباخ لقى الفار قاعد يزيد في التوابل للشربة خخخخخ تقتل بالضحك  هي الغاتوي طيب في الفرن يعني الخضار يطيبو على البخار نتاعهم ماعجبتنيش الفكرة على هذي خممت نغير في الوصفة ونديرها في المقلاة ونشوح الخضار في الزيت باش جي بنينة وسريعة هي في الأصل جي هكذا : على العموم أنا هذي الطريقة عجبتنا كامل جي بنينة وسريعة وأكيد لمسة التوابل والدبشة أعطاتها نكهة خاصة .. أتمنى جربوها باش ندي من عندكم دعاوي الخير  وأكيد لوكان مانكونش متأكدة من الوصفة باللي تعجبكم مانحطهاش المكونات : 3حبات باذنجان،3حبات جريوات،2حبات فلفل حلو،1فلفل حار(اختياري)،1بصلة،2حبات طماطم كبار،3فصوص ثوم التوابل: رشة فلفل أسود،م ص كمون،رشة زنجبيل،نصف م ص ثوم بودرة، ملح ، دبشة مقطعة رقيقة الطريقة : - نقطع البانجان (بدون تقشير) بالطول على زوج إذا كانو الحبات كبار ونقطعو شرائح رقيقة وإذا ماتحبوش القشرة نقشر شريط بشريط باش نخلي شوية قشرة لأن القشرة تخليه يحافظ على شكلو ومايتفتتش في المقلاة ... نملحو مليح ونحطو في كسكاس يقطر . - في هذا الوقت، نقطع الجريوات والبصلة (بعد مانقسمها طوليا على زوج) والفلفل والثوم دوائر رقيقة . - نحط حوالي نص كاس زيت في مقلاة تكون كبيرة باش الخضار تتشوح مليح ماشي طيب على البخار ( والأحسن لوكان المقلاة تكون ماتلصقش ) ونحط الباذنجان والفلفل والجريوات والبصلة يتقلاو (بدون ملح) على نار متوسطة وكل شوية نحركها مانخليهاش تتحرق.. لازم يتقلاو مليح حتى يرجع لونهم ذهبي ويبداو يتحمرو قلبوها بهذي باش ماتتفتتش الخضار  - كي يتقلاو مليح نضيف الطماطم والتوابل ونقص للنار خلااااااص ونخليها طيب على مهل. - كي تقرب تنضج نذوق الملح إذا محتاجة نزيدها . لما تنضج نرمي فيها كمشة مليحة دبشة ( قصبر ) مقطعة ونخلط ونطفي النار . - نكومها في وسط المقلاة ونخليها دقائق رايح يتصفى الزيت الزائد نتخلص منه ونقدم الغاتاتوي في طبق التقديم. تقدم مع بطاطا مقلية أو مع قراتان بطاطا أو سمك مقلي أو سلطة ..... لذيذة جدا جدا .       هذي درتها اليوم للعشاء مممممممممممممم صورتها مع الخضر خاوتها   لوكان ماجربوهاش تحياتي ............ أنا لهلوبة
|
||||
|
|
2016-07-29, 23:16
|
رقم المشاركة : 2 | |||
|
مشكووووووووووووووووووووووووووووورة على كل هدا الدوق |
|||
|
|
|
2016-07-30, 00:13
|
رقم المشاركة : 6 | |||
|
خفاشة تدخلي غير فالليل هههه يعطيك الصحة. وراني نستنى ف بريوش خلية النحل. مزية مانيش نتوحم |
|||
|
|
|
2016-07-30, 00:42
|
رقم المشاركة : 7 | |||
|
مانيش وحدي خفاشة راكم كامل خفافيش هههههههههههههههه |
|||
|
|
|
2016-07-30, 09:32
|
رقم المشاركة : 8 | ||||
|
اقتباس:
|
||||
|
|
|
2016-07-30, 02:05
|
رقم المشاركة : 10 | |||
|
مشكورة اختي.. |
|||
|
|
|
2016-07-30, 10:15
|
رقم المشاركة : 11 | |||
|
طبقوها على ضمانتي طبق مجربتو من زمان نكلوه في الصيف بزاف لأنو يجي خفيف |
|||
|
|
|
2016-07-30, 11:18
|
رقم المشاركة : 14 | |||
|
واخيرا خرجت الوصفة من كوزينتك ههههههههه نا وحدة من لي هبلوك عليها ..ماتخافيش نجربها اكيد اها تبااااان اممممممممممممم يعطيك صحة لهلوبة دايما تحفينا بلوصفات توووووب كيفك سلاااااام |
|||
|
|
|
2016-07-30, 11:49
|
رقم المشاركة : 15 | |||
|
شكرًا وصفة جد رائعة ربي يعطيك ماتتمناي |
|||
|
|
|
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض المتطور
