|
المواد العلمية و التقنية كل ما يخص المواد العلمية و التقنية : الرياضيات - العلوم الطبيعة والحياة - العلوم الفيزيائية - الهندسة المدنية - هندسة الطرائق - الهندسة الميكانيكية - الهندسة الكهربائية - التسيير المحاسبي و المالي - تسيير و اقتصاد |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
|
أدوات الموضوع | انواع عرض الموضوع |
|
2017-06-03, 22:39 | رقم المشاركة : 1 | ||||
|
~ مساعدة~
السلام عليكم ورحمة الله تعالى وبركاته
|
||||
2017-06-03, 22:53 | رقم المشاركة : 2 | |||
|
السلام عليكي يا اختي وصح فطورك |
|||
2017-06-04, 10:50 | رقم المشاركة : 3 | ||||
|
اقتباس:
شكرآ جزيلآ تبدو فكرة جيدة وحمدا لله أنكِ تخلصتِ منه ^^ في أمان الله |
||||
2017-06-03, 23:05 | رقم المشاركة : 4 | |||
|
السلام عليكم ورحمة الله
صحّ فطورك نفول ، ان شاء الله تكوني سافا الأخت ، الشي اللي راكي تحكي عليه اني مجرباتو اني مجرباتو اني مجرباتو ومجرباتو ياسر بعد ، لكن في الماضي لدرجه ما كنتش نقدر نعبر على رأيي وعلى شعوري وعلى وجهات نظري مانقدرش نحكي نحس بالضعف مانقدرش ننطق لدرجه ما تصوريهاش نحس بالحُمق والسُخف ، إي فعلاً ما ننكرش اني كنت ضعيفه شخصية لدرجه كبيره لذا ، الحاجه لي راكي تعاني منها نوع من أنواع الضعف يعني تتوصل لدرجة عندك سؤال في الكلاسه وما تقدريش تهدري ؟ وهو حقك ؟ والله حنا في الدنيا كل واحد عندو الحُريه الحريه التامه في أنو يتكلم اللي ظهرتلو بشرط ما يأذيش غيرو أهدري وش حبيتي وقتا ما حبيتي ؟ ووين ما حبيتي حُطيها في بالك مليح : كل واحد عندو شخصيه وعندو شعور وعندو رأي تجاه حاجه مش محتم تكوني كيف غيرك ، وعندك حرية التعبير كيما حبيتي ، أحكي أحكي عادي خليها كتجربه جديده في حياتك خطوة جديدة ، تجاوزي هذا العائق والحاجز اللي صراحه انتي شكّلتيه وبنيتيه وحدك ، أفكارك لي بانيه هاذ الحاجز مانيش رح نقلك فرد خطره تخلصي من المشكل ولكن بالتدريج ، إبدايها من بيئتك الصغيره المحيطه بيك أحكي مع عائلتك ناقشيهم واحكي وحسي ب"حريتك" ، اشعري "بك" ، اشعري "بذاتك "، أنا انفال عندي الحق نحكي و ما يقدر حتى واحد يأذيني طيب خلينا نشوفوا نتيجة اللي رح تتعلميه ؟ يعني مثلا لو هدرتي لو نطقتي رح يأذيوك ؟ ياكلوك ؟ تخيلي نفسك برك في موقف اكي في جماعه تاع ناس وحابه تحكي حاجه ، و فعلا تغلبتي على ضعفك وحكيتيها ، تخيلي وش تكون ردة فعلهم مثلا ؟ يقولوا هذي عبرت على نفسها ما عندهاش الحق ؟ رح يشعلوا فيك ؟ س ما ياكلوك ما يديرولك والو واذا واحد انتقد رايك او وجهة نظرك ؟ عادي تقبليها لأنو كل واحد ونظرتو للأمور ، قوليلو انا ليا رأيي وانت ليك رأيك ؟ وانا نحترم رايك مهما كان ؟ وانت تقبل رايي قلتلك أبدايها بالتدريج تدربي مثلا فاتحي واحد قريب منك صديقتك ولا واحد من عائلتك وتناقشوا واحكي بحريتك ، براحتك التامه ، ماكانش حتى ضغوط من حذاك ، عادي كامل الناس يحكيوا ويتواصلوا وين المشكل بالضبط ؟ عادي جدا جيبي المراية واهدري مع روحك وقولي كلام ايجابي : أنا قويه ، انا نقدر ، انا نعبر على نفسي ، انا بطله ، .. الخ ايه قولي هكا ، انا كيفاش تخلصت من مشكلتي؟ بهذي الطريقه صدقيني نجيب المراية ونحكي معاها ونحكي قصة قصة قصة حياتي من الاول للاخير ؟ وما نملّش ، المهم نستشعر حُريتي وبلي مانيش مقيده خُلقتي حره تماما مجرده من كل القيود ، ولكن بحدود شرع ربي وبحدود ما تأذيش غيرك وهذي باينه طبعا أختي ماحبيتش نكتبلك زوز كلمات ونحبس ، لأنو فعلا مشكلتك ماهيش بهذيك البساطه ، وما تتنحاش مع الوقت ، لازم انت تغيري من نفسك التغيير بيدك ، إبداي من داخلك ، كي تتعلمي تهدري وتناقشي مع واحد قريب منك ؟ وسعي الدائرة وجربي تحكي مع مجموعه من الاصدقاء ، وبعدها مع الناس وصدقيني عالأول تجيك واعره ، ولكن كل حاجه عالمره الاولى تجي واعره ، كل حاجه عندها "المره الاولى" تاعها ، تفوت المره الاولى ؟ يعني خلاص تجاوزتي المرحله الصعبه ، تجربي مرة مرتين ؟ وتوالفي تحسي فعلا باللي راكي كيما العباد تحكي بلا أي عقده تضغطيش نفسك ماتخليش المشكله هذي تكبر معاك ، انا من خلال تجربتي كون ما حاولتش نغير من نفسي ونغير فكرتي عن نفسي ؟ نقولك نبقى كيما كنت صغيره كيما ضرك ما يتبدل والو لذلك في كُل مره حاولي وحاولي وحاولي وحاولي ، فشلتي مره مرتين ؟ تنجحي المرة الثالثه ولو المرة المليون ، خليه تحدي وفوزي بيه ، هذي حياتك انتي عيشيها بالشكل اللي ينبغي ، تحرميش نفسك من نفسك ، ماتخليش مُجرد عائق يسببلك ازمه في التعبير عن نفسك في القسم اهدري عادي وكلمي الاستاذ لانو حقك ، وشيهو ؟ " ح ق ك " ، و سمحيلي كي تسكتي وتخلي السؤال هذاك خانقك في داخلك ؟ هذا قمة الغباء والسُخف والحُمق ، وقت لي ما تفهميش حاجه تحدي الرجفه هذيك لي تحصلك ودقة القلب والعرق لي يصب منك ؟ وارفعي صبعك : استاذ انا مافهمتش النقطه الفلانيه ، وخلي يصرا وش يصرا ، المهم انتي بالتدريج حتى تخف وتوالفي ، صدقيني اللي نقولو عن تجربه كوني قويه ، اقراي كتب تنميه بشريه وطوري من نفسك ، كل ما قريتي حاجه حاولي تطبقيها لأنو قراءه من دون تطبيق ما توصلك لوالو من الآن حاولي تتغيري ، ليس لأي شيئ إنما ليك ولنفسك ، باش تتحسني وتطوري جانب من شخصيتك ، حقك اللي تتمتعي بيه واللي ناس ياسر متمتعه بيه دون ضغوط ولا اي مشاكل علابالي بيك تقدريلها فقط ما تضغطيش نفسك وخليك بالتدريج اني نقولك بال ت د ر ي ج هذا السن رانا نكونوا شخصيتنا ونصقلوها ، ماتخليش روحك لين تكبري وهذا العائق يلازمك ويلصق فيك ، لا ، تأكدي انك كل مره حاولتي فيها ؟ كل ما بانتلك ساهله المهمه وكلما تشجعتي اكثر باش تكملي الحياة حياة شكون ؟ حياتك ، شخصية شكون ؟ شخصيتك شكون يتحكم فيك ؟ انت تتحكمي ف نفسك شكون باش يغيّر منك ؟ انتي تغيري من نفسك القرار قرار من ؟ قرارك كل شيئ ينبع من داخلك وقريت مره مقوله يقولك : الحياة مغامره جريئه او لاشيئ لذلك هذا الشي بالنسبه لك في هذي الحاله راهو مغامره ، غامري وتجاوزي كل طريق يستصعبك ويقولك ثاني : افعل الشيئ الذي تخاف منه ، لانك اذا درتي الحاجه لي تخافي منها ؟ وتلقاي مافيهاش هذيك العواقب الوخيمه والكبيره لي كنتي تخافي منها ، وخلاص تتخلصي منه نهائي تنفسي بعُــمق ، إسترخي تماما ، انظري للعالم وقوليلو ؟ انا جيت هنا باش نحكي أنفال خُلقت للتعبير عن نفسها ، هك برك قولي لنفسك عبارات كيما هذي باش تتحفزي اكتبي هك في وراقي مثلا : انا قوه ، انا حريه ، انا الثقه ، انا كل شيئ رح توحي لنفسك بأفكار ايجابيه كثيره جدا وتزيد ثقتك في نفسك واشي كي تهدري رح تفنى الدنيا ؟ رح تتقرقع ؟ رح تصرا حاجه كبيره و تخلا ؟ عادي تجربه عابره حتى ولو طُحتي يوما ما في موقف محرج عادي مكانش واحد فالدنيا هذي ما مرش بموقف محرج والدنيا فانيه وكلش عابر وفي النهايه كُلنا زائلون ما تخليش حوايج كيما هذي تأثرلك على حياتك بسطيها هوّنيها تـهُـن لذلك نقولك كل شيئ بيدك و Go ahead ولايغير الله بقوم حتى يغيروا ما بأنفسهم صحا سحورك اتمنى افدتك |
|||
2017-06-03, 23:14 | رقم المشاركة : 5 | ||||
|
اقتباس:
|
||||
2017-06-04, 10:56 | رقم المشاركة : 6 | |||
|
السلام عليكم
شكرآآ جزيلآآ على المرور أخيتي في أمان الله |
|||
2017-06-04, 10:53 | رقم المشاركة : 7 | ||||
|
اقتباس:
وآو والله ردّك الرآآآئع أفرحني وشجعني جدآآ، رآح نطبق واش قلتي خطوة بخطوة بإذن الله وشكرآ جزيلآ حبيبتي الكلمات لا تكفي لشكركِ جزاكِ الله خيرا ^^ في أمان الله |
||||
2017-06-03, 23:11 | رقم المشاركة : 8 | |||
|
انا تاني عندي هاد البروبلام بصح ماشي نحشم برك نخاف السؤال يكون سخيف و لا نكون لهيت فترة صغيرة كي جاوب على السؤال وانا مسمعتوش
كي نسال الاستاذ يقلي وين كنتي ههههههه |
|||
2017-06-03, 23:14 | رقم المشاركة : 9 | |||
|
ايه صح دي كاينة حتى انا وتصرالي هههههه
|
|||
2017-06-04, 10:55 | رقم المشاركة : 10 | ||||
|
اقتباس:
إييه هذا تاني من العوامل اللي خلوني نحشم في أمان الله |
||||
2017-06-03, 23:19 | رقم المشاركة : 11 | |||
|
الصمت متعة في زمن الثرثرة |
|||
2017-06-04, 08:17 | رقم المشاركة : 12 | |||
|
صح مرات تسقسي استاذ يقولك حوس عليها وجيبها هههههه وكان كنت نعرفها منسقسيكش ههه
|
|||
2017-06-04, 10:57 | رقم المشاركة : 13 | |||
|
السلام عليكم
معكَ حق في أمان الله |
|||
2017-06-04, 13:06 | رقم المشاركة : 14 | |||
|
اساليني اجيبك على هذا السؤال لانني اظن نفسي انني اكثر فتاة مندفعة في العالم |
|||
2017-06-04, 14:06 | رقم المشاركة : 15 | ||||
|
اقتباس:
وآو خطوات رآئعة سأطبقها أيضآآ بإذن الله شكرآآ جزيلآآ عزيزتي جزاكِ الله خيرآ في أمان الله |
||||
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc