دورة للمبتدئات في رسم الباترون البسيط

[crono]

السلام عليكم و رحمة الله وبركاته
صباح الخيراات


سبق واخبرتكن ياعزيزاتي ان شاء الله راح تكون دورة بسيطة في تعليم رسم بالباترون
ان شاء الله الدورةراهي رجعت كونو فى الموعد و حضرو انفسكم


و المشتركات ليكانو معانا هن :

https://www.djelfa.info/vb/showthread...1709270&page=4
ثلوج الشتاء
الخروبية
ملك الروح
NADIANADINE
ام محمد معاد
linat
الخروبية
لؤلؤة مسلمة ~
ام حمزة22
حورية38
manara2008
همس الحروف
salima14
amel...
imi122009
ام سهيل ولجين

القياسات واجده
لكل وحده تدخل و تثبت حظورها في الموضوع نبداو يوم الاثنين لانو ليوم راح نستنا كامل المشتركات باش يلتاحقو :بالدورة 19:
اول شي راجعومليح قياساتكم قبل وضعها على الباترون
كل الاسئلة و المناقشات على الباترون راح تكون في هاذ الموضوع اي نقطه ما فهمتوهاش ما تتاخروش باش تسألو عليها


"
الادوات المطلوبه
مقص.. نخصصه لقص الورق
ورق باترون خاص بالخياطة او ممكن تبديله بورق تغليف الهدايا او ممكن ورق الجرائد أو بابيي كارتون

l]
مسطرة طويلة

ممحات

مثلث.. مفيد جدا لرسم زوايا صحيحة وخاصة أول زاوية نبدأ بها رسم الباترون



كذلك نوفر آلة حاسبة حتى نتفادى أي خطأ في العمليات الحسابية
وبالتاكيد المتر
البيسطولي والبيروكي هادو باش نطراسيو العنق ودورة الابط


هادو هما الادوات الي نحتاجوها





ملاحظة : يفضل عمل كراس مخصص للخياطة ونكتب فيه طريقة عمل البترونات لإسترجاعها في اي وقت

كونو فى الموعد


بالتوفيق للجميع

[amel...]

فرحانة بزاف كي راني الاولى لي نثبت حضوري ... يعطيك الصحة يااستاذتي ربي يحفضك
راني وجدت كل الاشياء المطلوبة ... في الانتظار

[linat]

ana rani hadira
merci crono

[biba19000]

انا اسجل حظوري اختي كرونو و مقاساتي وجده

[stayfiya]

مبروك افتتاح الدوره كرونو بالتوفيق لبنات

[djamilach23]

شكرا لك اخت كرونو اتمنى ان اكون معكن وقياساتي حاضرة.

[ام امجد و انفال]

شكرا لك اخت كرونو اتمنى ان اكون معكن

[باسم وبيسان]

اتمنى ان اكوووون معكم

[selma2013]

راني حابة تشارك معاكم بلييز

[*منى*]

وانا ثاني حابة نشارك

[ثلوج الشتاء]

في انتظار انطلاق الدورة شكرا

[maramrym]

من فضلك حابة نشارك معاكم في الدورة

[ام حمزة22]

سلامي الحار للجميع
ان شاء الله تكونو كامل بالف خير
استادتنا الغالية كرونو ربي يقدرك على كل خير لراكي تقومي بيه وجزاك الجنة ان شاء الله
استادة رغم انشغلاتي الكثيرة في هاده الايام اتحديت نفسي باه نكون معاكم بهاده الدورة وراح يستعجب البعض عن مشاركتي
انا بالفعل نخيط لاكن جميع الملابس لي قمت بخيطاتها استخرجت باتروناتها من مجلات بوردة لاني بدون هاد المجلات اعجز عن الخياطة
ولهدا حبيت نكون معاكم بهده الدورة وربي يوفقنا جميعا

استادتي الغالية امس رحت شريت لوازم الدرس لاكن ما لقيتش مطارة البيستولي قالي صاحب المحل ما كلش منها هاد الميسطارة لي راكي تحوسي عليها الا عندها اسم آخر قوليلي باه نبعت ولادي يشرولي
تحياتي للجميع

[crono]

المشاركة الأصلية كتبت بواسطة ام حمزة22

سلامي الحار للجميع
ان شاء الله تكونو كامل بالف خير
استادتنا الغالية كرونو ربي يقدرك على كل خير لراكي تقومي بيه وجزاك الجنة ان شاء الله
استادة رغم انشغلاتي الكثيرة في هاده الايام اتحديت نفسي باه نكون معاكم بهاده الدورة وراح يستعجب البعض عن مشاركتي
انا بالفعل نخيط لاكن جميع الملابس لي قمت بخيطاتها استخرجت باتروناتها من مجلات بوردة لاني بدون هاد المجلات اعجز عن الخياطة
ولهدا حبيت نكون معاكم بهده الدورة وربي يوفقنا جميعا

استادتي الغالية امس رحت شريت لوازم الدرس لاكن ما لقيتش مطارة البيستولي قالي صاحب المحل ما كلش منها هاد الميسطارة لي راكي تحوسي عليها الا عندها اسم آخر قوليلي باه نبعت ولادي يشرولي
تحياتي للجميع

مساء الخير أختي ام حمزة22
مسطرة البيروكي لرسم منحنيات
هي سبيسيال تاع الطايور

اذا ما لقيتيش ديري بيهادو

المهم طبقي
ماتتقلقيش كلشي في وقتو مليح

[amel...]

صباح الخير ... راني صححت القياسات تاعي وهاد المرة تاكدت منهم
في انتطار الدرس ثم التطبيق باذن الله