recette de pain d'épice fooooooooooooort

zahia05 · 2012-04-18, 13:33

السلام عليكم و رحمة الله تعالى و بركاته
أخواتي أنا آسفة بعثت صور خبز التوابل ونسيت ما حطيتش الوصفة كنت مزروبة وأخطأت المهم إليكم الوصفة التي كل مكوناتها صحية مفيدة جدا جدا للقلق أو الإرهاق أو الإكتئاب مليحة خاصة للاطفال يرفدو صحتهم

أولا تخلطي السوائل وحدهم و المواد الجافة وحدها
500غ فرينة تضيفيلها قرصة ملح + 2 مغارف قهوة معمرين بيكاربونات + التوابل لي هوما ( مغرف صغيرة قرفة + 2 مغارف قهوة من حبة الحلاوة مهرسة رطبة + وتهرسي 2 حبات قرنفل أو الطيب + قشور البرتقال إذا تحبي نكهة البرتقال أنا أضفت حتى حبات جوز مكسرتخلطي هذه المكونات بالمغرف
و تحضري السوائل في كسرونة حطي 2 كيسان حليب + كاس معمر عسل + 4 مغارف كبار من السكر العادي حتحطيهم على النار يدفاو برك ما يغليش باش يذوب لعسل و السكر في الحليب ومن بعد بعدي الكسرونة من النار لما تبرد ضيفي 2 صفار بيض وخلطيهم مليح
و في الأخير ضيفي المكونات الجافة مع السائلة و خلطيهم مليح مع بعض وصبيه في المول لي شفتوه في الصورة وشهية طيبة موفقين ان شاء الله
ملاحظة تقدري تخدميه طويل في مول الكيك لكن ديري نصف الكمية لكن التوابل نفس الكمية
طيبت واحدة لأمي. لأنها مريضة حطيتلها فيه عسل حر بيض العرب و حليب الماعز نفعها بزاف

بشرى2008 · 2012-04-18, 13:42

مشكوووووووووووووووووووووووورة

zahia05 · 2012-04-18, 15:20

اقتباس:

المشاركة الأصلية كتبت بواسطة بشرى2008

مشكوووووووووووووووووووووووورة

العفو أختي شكرا لك على مرورك و تشجيعك

houdehoud · 2012-04-18, 13:49

ya3tik essa7a

zahia05 · 2012-04-18, 15:26

اقتباس:

المشاركة الأصلية كتبت بواسطة houdehoud

ya3tik essa7a

saida08 · 2012-04-18, 14:00

شكرا بزاف على الوضفة
بان دي بيس من الحلويات التي احبها كثيرا
واش نقدر نعوض الصفارين ببيضة واحدة .
شكرا مرة اخرى و ربي يشفي الوالدة.

zahia05 · 2012-04-18, 15:36

اقتباس:

المشاركة الأصلية كتبت بواسطة saida08

شكرا بزاف على الوضفة
بان دي بيس من الحلويات التي احبها كثيرا
واش نقدر نعوض الصفارين ببيضة واحدة .
شكرا مرة اخرى و ربي يشفي الوالدة.

العفو أختي أنا ثاني من عشاق بان ديبيس و خاصة لما نكون أنا لي عاملاتو ناكلو بشراهة. و نعمل بيه حتى الحلوة لي تجي بالبان ديبيس يجي خير من لي ينباع البرة. يا أختي أنا ماجربتش ندير بيضة كاملة مي شفت في النات يديرو بيضة كاملة لكن ما تتصوريش وشحال بنين هذا . ربي يسمع منك ويشفيلي ميمتي يعافيها و يعفو عنها