أسهل طريقة لصنع البريوش مضمونة

نوالز · 2010-10-24, 14:57

السلام عليكم ورحمة الله وبركاته

اليوم حبيت اقدم لكم طريقة سهلة لصنع البريوش ومضمونة 100/100 وجربتها عدة مرات

المقادير :
بيضتين
1 كأس حليب
01 كأس سكر
نصف كأس زيت
ملعقة كبيرة خميرة الخبز محللة في حليب دافئ
01 خمارة كيميائية
قشور ليمونة
فرينة

نضع كل المقادير في وعاء ما عادا الفرينة ونخلطهه بخلاط كهربائي حتى يبيض الخليط ثم نضيف الفرينة حتى تتشكل عندك عجينة لصقة غطيها وتركيها تتخمر
بعد الاختمار نلمها بقطعة زبدة ذائبة وشكلي اساور او اي شكل تحبيه ضعيها في صينية مرشوشة بالفرينة و اتركيها حوالي 15 د وامسحي سطحها بصفار البيض ممزوج بالحليب و ادخليه الفرنة ساخن حتى يأخذ اللون الذهبي

اتركيه يبرد ثم امسحي سطحها بالعسل ورشيها بالقليل ومن الكاوكاو مفتت و السكر الرطب

وبالهنا والشفا ، البريوش هذا يجي خفيف بزاف

ملاحظة : حتى ينجح هذا البريوش لازم خميرة الخبز تكون جديدة

remadna · 2010-10-24, 15:19

بارك الله فيك ، عندي طريقة أخرى و يجي خفيف و بنين ، ندير قشور الليمون و البرتقال، لكن طريقتك لخلط المكونات جديدة ان شاء الله نجربها ، شكرا

نوالز · 2010-10-24, 16:15

شكرا على مرورك جربيه وردلي بالخبر

remadna · 2010-10-24, 17:05

اقتباس:

المشاركة الأصلية كتبت بواسطة نوالز

شكرا على مرورك جربيه وردلي بالخبر

قبل حين اقترحت على أختي أن تجربه فقالت لي انني تعبانة و انا راني حابة ميتة نجربه لانني نموت عليه خاصة بحبة تاع شكلاطة في داخله ، لكن راني تعبانة من الدخول الجامعي وبداية الدراسة ، لكن ان شاء نجربه و نعمل كمية مليحة كبيرة و نحطها في الثلاجة و كل ما نحب ناكل نسخن بالحبة . شكرا

remadna · 2010-10-28, 16:40

اقتباس:

المشاركة الأصلية كتبت بواسطة remadna

قبل حين اقترحت على أختي أن تجربه فقالت لي انني تعبانة و انا راني حابة ميتة نجربه لانني نموت عليه خاصة بحبة تاع شكلاطة في داخله ، لكن راني تعبانة من الدخول الجامعي وبداية الدراسة ، لكن ان شاء نجربه و نعمل كمية مليحة كبيرة و نحطها في الثلاجة و كل ما نحب ناكل نسخن بالحبة . شكرا

سلام

راني جربت البريوش أمس بنفس المقادير ، لكن جاني ثقيل و مكندل يعني ما تنفخش ، أخواتي كل ما عجبهمش ، جاب ربي نموت على البريوش و كيما حاني ناكله ما نقدرش نصبر عليه خاصة اذا درت فيه حبة شكلاطة في الوسط ، المهم راني خليت العجينة تخمر 1/2 ساعة ثم لوزتها و دخلتها ثم ثم للفرن يعني كي لوزت كعابر تاع البريوش ما خليتهمش يخمرو ، كيما قلتي . و الفرينة درت شوية ( 1 كغ و 200 غ ) تقريبا و درت العجينة مرخوفة شوية . اذا توصفيلي كم تخمر العجينة بعد ما تلوزيها و ردي الخبر. في الحقيقة دائما نديرو بدون بيض بخميرة العجين فقط و يجي خفيف .

نوالز · 2010-10-30, 09:54

اقتباس:

المشاركة الأصلية كتبت بواسطة remadna

سلام

راني جربت البريوش أمس بنفس المقادير ، لكن جاني ثقيل و مكندل يعني ما تنفخش ، أخواتي كل ما عجبهمش ، جاب ربي نموت على البريوش و كيما حاني ناكله ما نقدرش نصبر عليه خاصة اذا درت فيه حبة شكلاطة في الوسط ، المهم راني خليت العجينة تخمر 1/2 ساعة ثم لوزتها و دخلتها ثم ثم للفرن يعني كي لوزت كعابر تاع البريوش ما خليتهمش يخمرو ، كيما قلتي . و الفرينة درت شوية ( 1 كغ و 200 غ ) تقريبا و درت العجينة مرخوفة شوية . اذا توصفيلي كم تخمر العجينة بعد ما تلوزيها و ردي الخبر. في الحقيقة دائما نديرو بدون بيض بخميرة العجين فقط و يجي خفيف .

اختي ما تتقلقيش قلتلك خليه يخمر حتى يتضاعف الحجم نتاعو في الصيف ممكن ساعة لكن في البرد يطول شويا بالصح يجي كي البونج خفيف ، خليه يخمر مليح وكي ديريه في الصينية خليه يزيد يخمر شي 15 د
اذا حبيتي يجيك شباب اتبعي الخطوات

remadna · 2011-01-15, 08:42

اقتباس:

المشاركة الأصلية كتبت بواسطة نوالز

اختي ما تتقلقيش قلتلك خليه يخمر حتى يتضاعف الحجم نتاعو في الصيف ممكن ساعة لكن في البرد يطول شويا بالصح يجي كي البونج خفيف ، خليه يخمر مليح وكي ديريه في الصينية خليه يزيد يخمر شي 15 د
اذا حبيتي يجيك شباب اتبعي الخطوات

السلام عليكم
اختي نوالز لقد أعدت صنع البريوش للمرة الثانية امس و جاني خفيف كالريشة بعدما خمرته 2 سا و عملتو كعابر خليتو يزيد يخمر 1 سا في البلاطو و طبخته ، و جاني لذيذ و كانه اسفنجة مع العلم أن العجينة عملتها خفيفة، و اذا قدرت أضع صورة له لكن لا اعدك بذلك (مشغولة بالدراسة).
ملاحظة : 30 دقيقة و أنا أبحث على موضوعك لأجده في الصفحة 33 و هذا لأنني و عدتك بأن أرد لك بعد ان اجربه مرة ثانية ، و الحر عند وعده