والله انا في حيرة ساعدوني

[مشكلتي]

السلام عليكم ورحمة الله وبركاته

معكم اخت في عمري 27 سنة توقفت عن الدراسة منذ سنوات عن قناعة وأكملت الدراسة بالمراسلة والحمد لله وفقت ونجحت ب الباكالوريا هذا العام و الحمد لله انا بطبيعتي قليلة الخروج إلا للضرورة القصوى حشامة ونبغي السترة وأهلي نصحوني باش نكمل قرايتي فالجامعة وانا مترددة بززاف خايفة من نفسي خايفة من الفتن خايفة على روحي خايفة نتبدل وانا نلقا راحتي في البيت ونحس بالأمان خير من برا ولكن مرات نخمم فالمستقبل ولازم يكون عندي دبلوم بالاك نلقاه في وقت الشدة وهذا تخمام أهلي وراني حايرة خايفة نكمل قرايتي ونندم وخايفة نرفض وممبعد نندم
بواش تنصحوني نتوكل على الله ونكمل قرايتي ولا نحبس واذا كان رأيكم أنني نكمل ماهو احسن تخصص تنصحوني به وانا أدبية ؟
..والسلام عليكم

ارجو حذف الموضوع بعد غلقه وشكرا لكم على هذا القسم

[صفيان 11]

انا نقولك حاجة راكي مشاء الله في بيتك و الغيب ميعلمو غير ربي او متبيعيش اشباه النساء لي تقولك سلاح المراة هو شهادة تاعها و الخدمة هدوك رام فات اعليهم القطار و يصبرو في روحم برك و يدو معاهم بنات نية زيد دوك الجامعة ولات ترفد اصحاب الجهل من كترت الغش اكتر من اصحاب العلم و الامر يعود ليك

[هدآية]

السلام عليكم
مبااارك عليك اختي
اكملي دراستك احسن من بقائك في البيت
انا من رأي اهلك
و الحمد لله لست صغيرة
من سنك اراك تعديتي مرحلة الطيش
تستطيعين التمييز بين الجيد و السيئ

الا اذا كان هناك سبب يمنعك
كالزواج مثلا
موفقة اختي

[سفيان31]

اختى ننصحك وانت تعرفي صلاحك
اذا كنت تحبين العفة تزوجي اذا جاء مكتوبك احسن لك
ماتعبعيش بنات الجامعة وبلاك تسمعيهم ديبلوم سلاح المراة وشهادة والخدمة مليحة ....
بسكو يفوتك القطار ولا تنفعك ديبلوم ولا اباي

[first first]

توكلي ربي وكملي قرايتك وان شاء الله ماتزيد فيك الجامعة غير قراية وفهامة وتمسك بالاخلاق والدين

[تقوى القلوب ^_^]

السلام عليكم
أولاً أختي مبارك عليك شهادة البكالوريا وما شاء الله عليك يعني وحدة في سنك راهي واعية وناضجة وأعتقد أنك قبل ما تجتازي البكالوريا كان عندك هدف وإلا ماكنتي سجلتي !!
أنا يا أختي اقترح عليكي إن كان طبعاً معدلك يسمحلك أن تختاري مدرسة عليا للتعليم الإبتدائي ، يعني ثلاث سنوات وتكملي وخدمة مضمونة وشريفة ؛ أو أيضاً مساعدة إجتماعية وهو تخصص في الشبه الطبي ( ثلاث سنوات ) ،، وانتي مش محتاجة ديري علاقات كثيرة طيلة الدراسة ؛؛

والقرار يرجع إليك في الأخير ،، بالتوفيق

[سلمى_2008]

سلام اختي الف مبروك اولا ثانيا الي بنت اصل تبقى بنت اصل حاجة متزعزعها ديريها في بالك اعرفي شكون تخالطي في الجامعة قرينا في الجامعة وكملنا وازوجنا و بقينا محافظين الحمد لله لاننا بنات اصل انتي عندك عقل وعلاه الخوف هذا انك تتبدلي ؟؟؟ اذا كان معدلك مليح ديري مدرسة عليا للتعليم واذا لا ديري اختصاص علوم شرعية على الاقل تتفقهي اكثر في الدين وممكن يعطيوك اجازة تعودي تقري في الجامعة احكام القران وهك تربحيها دنيا واخرة ان شاء الله

[ملكة القمر]

أنا انصحك باكمال الدراسة
و بالنسبة للزواج منك من كامل الناس تزوجي عادي و تبقى اكمال الدراسة بينك و بين زوجكمنقدروش نعرفو المكتوب و واحد ماراح يكون وراك غير قرايتك
و انا بالنسبة لا نتخلى على كلش غير القراية لالالالالالالالالالالالالالالالالالالالالالالالالا لالالالا

[حضنية28]

السلام
عليكم
مبروك عليك
اختي
نصيحة اختي كملي دراستك في جامعة اقرب لداركم
واللي بنت اصل ومتربية متزعزعها حتى حاجة
وكيما اشارت الاخت من قبل ديري علوم شرعية
تتفقهي في دينك ودنياك
وربي يسهلك ان شاء الله

[غربة أهل السنّة]

السّلام عليكم ورحمة الله وبركاته
أختي الفاضلة مادمتِ تبحثين عن شهادة (دبلوم) لوقت الشّدة
فمن الأفضل أن تسجّلي لدراسة حرفة أفضل
لأنّ دبلوم الجامعة لن ينفعكِ بقدر ما تنفعك الحرفة ،،، هناك آلاف المتخرجين وحاملي شهادات الماستر
ومنذ سنوات وهم يواجهون شبح البطالة
أنا أنصحك بالتّوجه لدراسة حرفة تنفعكِ وتستطيعين العمل وأنتِ في بيتكِ
ربما أنتِ تتخيلين الجامعة شيء لكنها في الواقع شيء آخر لا علم لا أخلاق لا عدالة بين الطلبة
المستوى تدنّى كثيرا ولا يزال يتقهقر والله أعلم إلى أين سيصل
تقبلي رأيي أختي
_________________________
أرجو عدم اقتباس مشاركتي وشكرآآآ...

[إيزابيل]

من رايي تبقاي فالدار خير وتتزوجي سترة ليك ربي يرزقك بولد الحلال

[~رآقية بأخلآقي~]

مـــآآ شـــآآء الله ألف مبروووك أختي

توكلي على ربي وسجلي في الجامعة وإذا جاك مكتوبك اقبلي بيه و متديريش الدراسة حجة

ربي يوفقك اختي وييسر لك أمورك

[روح المي]

ألف مبروك اختي
استخيري الله ويجب ان تجاهدي نفسك
وادعي ربي يثبتك
انت حرة لانها حياتك لكن كاخت لك ادرسي
واكملي واذا جائك شخص محترم تقدري تحبسي
عصفور في اليد ولا 10 على الشجرة

[heureuse05]

انا انصحك بتخصص الشريعة يفيدك في دنياك واخرتك وربي يرزقك الزوج الصالح ان شاء الله

[اياد حياتي]

مبروك عليك باك اختي ننصحك انك تكملي قرايتك راكي متخوفة لانك ما تخرجيش وعلاه راكي خايفة مدام متخلقة ريح وما يطيحكش الحمد لله قريت في الجامعة وراني تزوجت وبوليدي واش فيها الجامعة كل واحد باخلاقو ما يصرا والو وزيد نقلك حاجة الي يهدرو على بنات الجامعة كاينات قاعدات فالدار ودايرين العجب وشفناهم وزيد كامل يولو عندهم بنات ويحوسو يقروهم في جامعة كملي قرايتك ديبلومك هو سلاحك وان شاء الله تلقاي ولد الحلال