قلوب الصابلي بالبيمو من مطبخي

&أسيل& · 2011-05-02, 22:48

المقادير
2علب بيمو-3بيضات-1خمارة اوملعقة صغيرة بكربونات-3ملاعق ك عسل-2 ملاعق ك كاكاو-250غ مرغرين -الفرينة حسب الحاجة
الكريمة
كاس حليب+2مك ونصف مايزينة-قرصة ملح فوق النار حتى تخثار
بعد ماتبرد نضيفولها 125غ مرغرين باردة+كاس سكر رطب+فاني او عصير ليمون او عطر الفراولة نضربهم مليح بالباتور
الطريقة
نرحي البيمو رقيق جدا نضيف له المرغرين الطرية (ليست ذائبة)ثم البيض - العسل+الكاكاو+الخمارة او البكربونات ونبداو نلمو لعجينة وبعدها نضيف الفرينة بالشوية حتى
نتحصل على عجينة طرية نحلها بالرولو ونقطع شكل قلوب ونديرها في الفرن بعد ماطيب وتبرد نلصق كل قلبين مع بعض بالكريمة ونغطسهم فالشوكولا الذائبة ونزينها بالطلية البيضاء
ملاحظة هذي الكمية تقطع حوالي 80حبة على حساب القلب اللي تقطعو يه

nawelz · 2011-05-03, 09:33

شكرا لك على الوصفة لكن الطريقة ماشي واضحة يعني نخلطو كامل المقادير كيف كيف نضربوهم بالباتور ولا بالفوي والعجينة طيب ولا لا ياريت الشرح وشكرا

&أسيل& · 2011-05-03, 21:52

اقتباس:

المشاركة الأصلية كتبت بواسطة nawelz

شكرا لك على الوصفة لكن الطريقة ماشي واضحة يعني نخلطو كامل المقادير كيف كيف نضربوهم بالباتور ولا بالفوي والعجينة طيب ولا لا ياريت الشرح وشكرا

لالا مانستعملوش الباتور غير بيدينا عادي كيما عجينة الصابلي
واكيد نديروها طيب لانها فيها البيض
واي سؤال انا في الخدمة

dlola · 2012-08-11, 16:40

شكرا نديرو في العيد الفطر ان شاء الله ومبعدا نقولك كيفاه جاني

ملاك7 · 2012-08-11, 21:19

روعة
شكراا

ناصر رندة · 2011-05-03, 09:44

بارك الله فيك
رووووووعة

lyna2007 · 2011-05-03, 10:30

اجيبك في مكان الاخت اسيل
بالنسبة للعجينة الصابلي القاعدة دائما مهما كانت الوصفة لا نعجنها .
وما عليكي الا ان تخلطي المواد السائلة ثم اظيفي المواد الجافة اجمعي العجينة فقط حتى تتحصلى عليها طرية لا تعجينها .

اكيد الطيب في الفرن مادام هناك الخميرة و البيض والفرينة خاصة ان الخميرة لا تعطي مفعول الا بعد ان تدخل الفرن .

&أسيل& · 2011-05-03, 21:56

اقتباس:

المشاركة الأصلية كتبت بواسطة lyna2007

اجيبك في مكان الاخت اسيل
بالنسبة للعجينة الصابلي القاعدة دائما مهما كانت الوصفة لا نعجنها .
وما عليكي الا ان تخلطي المواد السائلة ثم اظيفي المواد الجافة اجمعي العجينة فقط حتى تتحصلى عليها طرية لا تعجينها .

اكيد الطيب في الفرن مادام هناك الخميرة و البيض والفرينة خاصة ان الخميرة لا تعطي مفعول الا بعد ان تدخل الفرن .

شكرااااااا حبيتي على ردك بالنيابة عني
لكن فالوصفة نتاع الصابلي ماكاش مواد سائلة كاين الزبدة ولازم تكون طرية ماش ذائبة شرط باش يجي القاطو طري