شوفو لقاطو تاعي لي درتو في حفلة بنت خويا لينا

[أم محمد تاج]

السلام عليكن ورحمة الله تعالى وبركاته حبوباتي بنات المنتدى الغالي والله توحشتكم راني غبت شهرين على خاطر كان عندي مشكل تقني في الانترنيت تاعي والحمد لله فريناه مانطولش معاكم وهاذو تصاور القاطو الي درتو لحفلة بنت خويا زينالها ودرنا حفلة وهاذا القاطو لي درتو وإذا شفت تفاعلكن راني نزيد نحط قاطوات خرين ساهلين واقتصاديين روعة بلا مانطول عليكم هاذو التصاور ومبعد الوصفة
الوصفة:
300غ مارغارين طرية+ 300غ سكر قلاصي+ 50غ كاكاو الأسود+ 2صفار بيض+ 2بيضات+ باكي خميرة+ 4ملاعق كبار نشاء+ رشة ملح ومغرف صغيرة فاني والباقي تلمي بالفرينة حليه على النيلو تاع السني من الفوق ومن تحت باه ما يتشققش وأطبعيه بطابع عادي مدور وطيبيه كي يطيب لصقي كل زوج حبات بالكريمة التالية: باطة صغيرة حلوة الترك+ 6مغارف معجون مشماش سخنيهم وخبطيهم مليح وحطيهم يبردو مليح ومن جهة أخرى طلعي 50 غ كرام شانتيي بالحليب وخلطيها برفق مع خليط المعجون وحلوة الترك ولصقي القاطو تاعك ثم قلاصيهم بالشيكولا عادي وخطوط الزيقزاق معمولين بالشيكولا أومباسادور البيضاء ذايبة ونشالله نكون وفيت وراني هنا لأي استفسار وشكرا لصبركن.

[زينة سلمة]

قاطو روعة يعطيك الصحة

[kang hunna]

baraka alaho fik okhti

[ام نظال]

بارك الله فيك

[ام عماد الدين]

قاطو هايل يعطيك الصحة

[sarra5]

raw3a

kifeh jak yebrilleer heka

[أم محمد تاج]

المشاركة الأصلية كتبت بواسطة sarra5

raw3a

kifeh jak yebrilleer heka

تعيشي ربي يخليك الشيكولا ذوبي عادي وزيديلها الماء البارد بالشوي ومغرف كاكاو ومغرف زيت وخبطي مليح هذي هي.

[ساندي 28]

واو تحفة اختي يعطيك الصحة عمل متقن

[zineb_saib]

ماشاء الله جاك تحفة

[شهـرزآد]

قاطو هايل يعطيك الصحة

[sosou13]

يعطيك الصحة عمل ممتاز

[أم أسامة 07]

بارك الله فيك

[monitaa]

alah iabarek dartih chebeb wdécoritih bien ga3 kif kif alah yahfek mel 3ayne w merci pour le recette

[meriama13]

مممممممممممممممممممممممممممممم روعة
يعطيك الصحة نموت على القاطو بالشكلاط

[نسائم الصباح]

جميل .ومتقن .تعطيك الصحة