~ ~ ~طلباتكم مجابة بإذن الله ~ ~ ~

[زينب 83]

هذا الموضوع كما هو موضح في العنوان تم فتحه لاستقبال استفساراكم و طلباتكم فيما يخص قسم الطبخ و سأقوم انا و من أحبت المساعدة من العضوات الإجابة عليها
جاءتني الفكرة بعدما رأيت العديد من الأسئلة توضع في الكوزينة و ربما لا ننتبه لها احيانا و يضيع السؤال و ربما الإجابة بين الصفحات ، و كذا رأيت مواضيع تفتح فقط من اجل استفسار او طلب وصفة لذا قلت نظموا الطلبات في موضوع واحد و نحاولو تساعدو كل الاخوات في الإجابة على استفساراتهم ، الموضوع مفتوح للجميع و الكل يمكنه المساعدة سواء كان مبتدأ او محترفا فمن كانت لديه الإجابة فليقدم الإفادة و ليحتسب الأجر عند الله

ارجوا ان يكون الموضوع للاستفسارات و الأجوبة فقط ، لذا من الاحسن تفادي الردود الجانبية اقصد الدردشة

اتمنى ان يثبت الموضوع لتسهيل الامر

[قمر 77]

اللهم صل على الحبيب المصطفى و سلم تسليما كثيرا رانا معاك زينوبة و ان شاء الله ينثبت الموضوع و ان شاء الله يتفاعل معاه الكل انا عجبتني الفكرة اول ما شفت اخت طرحتها في الكوزينة اللي فاتت مبصح ما عنديش النت دائما على بيها ما غامرتش بارك الله فيك

[soltanabelkiis]

فكرة هايلة بارك الله فيك

[soltanabelkiis]

فكرة هايلة بارك الله فيك

[عازفة الناي]

فكرة هايلة بارك الله فيك زينوبة

[زينب 83]

هههههه قمر انا الفكرة جاتني غير ليوم ما علاياليش بلي طرحوها من قبل ، مليحة هكذا خير

[kaouka]

فكرة مليح بزاف هكذا نستفادو كملين شكراً زينب

[أم ملك]

فكرة هايلة زينب إن شاء الله نستفادو منها

[fadila34]

مشكورة اختي زينب فكرة هايلة رني معك

[أم ياسين الزهراء]

الفكرة نسيت شكون طرحتها عندها يومين وقيلة وقالت موضوع مستقل افضل بارك الله فيك ان شاء الله نفيد ونستفادو شكرا زينب

[أم شيماءْ]

فكرة هايلة

[عائشة حسان]

يعطيك الصحة زينب فكرة هايلة
ياليت يثبت الموضوع لتسهبل البحث

اماﻻ انا ندشنها لولى ههههههه
ياريت وصفة ام رامي لباتيسري بالفﻻن والبنان رحت للمدونة لقيتها مقفولة لقيت غير العساس

[زينب 83]

المشاركة الأصلية كتبت بواسطة ام رشدى

والله اختي زينب الموضوع في محلو وجزاكي الله خيرا وسؤالهو
كنت خدمت من مدة لاصوص تومات خدمت بلارة كبيرة ونسعمل منها للبيتزا او الكوكا او.....
لكن بعد مدة فسدتلي شميت فها ريحة ماش مليحة مع اني درت فيها التوابل البصل عادي وحطيتها في بلارة وغمرتها بالزيت من فوق وغطيتها وحطيتها في الثلاجة اول مرة تصرالي وما عرفتش السبب ياريت تجاوبوني وماهي افضل طريقة للاحتفص بيها

شوفي حبوبة انا الطماطم نحيلها قشور و الزريعة و نعثر هذا مليح و و نرحيها و نطيبها حتى تنشف مليح و مباعد نحتفظ بيها في بلارات زجاج لكن لازم يتعقمو في ماء و خل 45 دقيقة و و نحط الطماطم و نغلق مليح لازم الهواء ما يدخلش نهائي و مباعد نعاود نغلفهم بمنشفات و نزيد نحطهم يتغلاو مليح و الله نحتفظ بيها لأشهر خارج الثلاجة تبقى جديدة رووووعة بصح نهار نحلها ندخلها الثلاجة ، انت ممكن خسرتلك لانو البلارة مش معقمة و زيد مي تفتحي و تغلقي يدخل لهواء و هو لي يدير التعفن

المشاركة الأصلية كتبت بواسطة scorpionoir

مساء الخير زينب وربي يحفظك على هذه المبادرة
اول سؤال ليا على اللوز .فاش نرحيه باش يرجع غبرة
انا نرحيه في الروبو كينوود بصح يبقالي متوسط ونغربلو يطيحلي الغبرة ولاخر يبقالي مرحي متوسط
ياريت تقولولي فاش راكم ترحيوه ؟

انا نرحيه في رحابة القهوة يجي هايل و نزيد نغربلوهم لكن لازم يكون جاف ماشي مندي

[ام رشدى]

والله اختي زينب الموضوع في محلو وجزاكي الله خيرا وسؤالهو
كنت خدمت من مدة لاصوص تومات خدمت بلارة كبيرة ونسعمل منها للبيتزا او الكوكا او.....
لكن بعد مدة فسدتلي شميت فها ريحة ماش مليحة مع اني درت فيها التوابل البصل عادي وحطيتها في بلارة وغمرتها بالزيت من فوق وغطيتها وحطيتها في الثلاجة اول مرة تصرالي وما عرفتش السبب ياريت تجاوبوني وماهي افضل طريقة للاحتفص بيها

[أم امتنان]

المشاركة الأصلية كتبت بواسطة ام رشدى

والله اختي زينب الموضوع في محلو وجزاكي الله خيرا وسؤالهو
كنت خدمت من مدة لاصوص تومات خدمت بلارة كبيرة ونسعمل منها للبيتزا او الكوكا او.....
لكن بعد مدة فسدتلي شميت فها ريحة ماش مليحة مع اني درت فيها التوابل البصل عادي وحطيتها في بلارة وغمرتها بالزيت من فوق وغطيتها وحطيتها في الثلاجة اول مرة تصرالي وما عرفتش السبب ياريت تجاوبوني وماهي افضل طريقة للاحتفص بيها

اختي راه خسرتلك لانو حطيتيها في الثلاجة قبل ما تبرد وكان الاولى تحطيها بعد ماتتاكدي انو بردت تماما وادا كنتي مستعجلة باش تخبيها خليها مفتوحة حتى تجمد في الثلاجة منبعد اغلقيها لانو البخار السخون هو لي يفسدها نتمنى نكون افدتك سلامي