ماذا افعل مع امي

[مشكلتي]

السلام عليكم و رحمة الله و بركاته و رمضانكم بالصحة و الهناء بعد ما تعمر قلبي ما عرفتش لمن نحكي و لا نفرغ قلبي جيت ليكم لعلي نلقى لي يريحني
انا متزوجة و حامل في شهري الثامن و عندي مشاكل صحية من الحمل المهم مشكلتي هي مع امي بعد ما خويا فوت الباك و ما جابوش تغيرت و رجعت ان صح القول مخرجة زعافها و غيضها فيا بالرغم من اني بعيدة عليها ب 200كم و نحكي معاها غير بالهاتف الا انه كل ما تحكي معايا تحكي ببرودة و رجعت ساعات ترمي كلمات يجرحو
بالرعم من انه من نهار خرجو النتائج نحكي معاها ب 3 سوايع نصبر فيها و نحيلها على ضيقة خاطرها لكن عندي يومين ما عيطتلهاش رجعت تعيطلي غير واش راكي لاباس و تحبس حتى رجعت نحس بلي كانت تستغلني يعني كي حتاجتني لقاتني و نهار رجعت مليحة رجعت تحكي معايا ببرودة و بالرغم من اني واش كانت تحكيلي واش صرا فالدار و كيفاش بابا زعف و و و انا كنت نصبرها و نخبي في قلبي حتى رجع عندي تخثر في الدم و ضغطي مرتفع بالرغم من اني نشرب دواء و صبرت لكن هي دايما هكذا نحسها كي تقضي صالحتها تنساني و ديما نفس الشيء علاجال خويا تسمح في كلش و اذا هو رجع هكا تان بسبتها لانها هي فتحتلو العين انا كنت رايحة عروسة و باش يفوت البارمي اعطاه ابي دراهم و صرفهم عشات قاتلي بيعي فلايكك باش تمديلو دراهم و نوغمال و كل مرة ديرلي ضربة و نقول معليش لكن انا ضرك راني في دار الناس و محتاجة لي يساعفني وعلاش غير انا لي نساعف؟و كي ما جابش الباك انا سبتو؟والله و ربي شاهد في فترة الباك كنت في دارنا و سمحت في زوجي مسكين قلت نشدلو و نقريه و وين شديتلو جاب نقاط ملاح و وين ما قريتوش ماخدمش كامل انا درت لي عليا و كثر لكن في الاخير شوفو باش جازاتني امي ببرودة و كأنو انا المذنبة
و رايحة السمانة الجايه لدارنا لانو توحشت ابي لكن من فوق قلبي والله
ادعيولي ربي يفرج عليا و يهديها برك

[amine0007]

ربي يوفقك اختي وهادا امر عادي عادي وماتوسوسيش روحك بزاف وديري في بالك انو كاين الكثير اللي يتمناو انوا تكون الوالدة تاعهم معاهم فهادي الدنيا برك

[*نآدرة~]

سبحان الله،دنيا غريبة حتى قلب الأم صار قاسيا،الله يصبرك ياأختي ويقدرك،ما تخميش بزاف وماتظليش توسوسي في روحك راكي حامل وزيد راكي تقولي راني مريضة ايه مالا حاولي على روحك وخممي في المزيود لي رايح يجي،مرات الظروف تخلينا نديرو حاجات بلا مانحسو بالاك أمك راهي زعفانة وقانطة من خوك علا هكذاك راهي تتصرف هكذا امالا التمسيلها الاعذار وما تعانديهاش مرة كبيرة،روحي لداركم وشوفيها وكانه حاجة ما صراتش وتطمني على باباك وتأكدي اذا راهي صح دير هكذا لخوك غير هي لي رايحة تنضر مسكينة ضرك يولي يطلب منها المستحيل والله غير تنغبن،ماتقلقيش روحك انت وفوتي ياختي الناس كاملة راهي بمشاكلها الله يهون
صح رمضانك والله يرزقك مولود تقي وصالح
تقبل الله اعمالكم

[sali-sali]

السلام عليكم

اختي ماتخميش هكدا..ممكن الام لم تعد كالسابق و ابتعدت قليلا
لكن اتركيها بعض الوقت..ترجع كما في السابق تحكي معك

ربي معاك اختي ..لا تقلقي خاصة و انتي مريضة

[naamane3]

من المفروض ان اقول لك هذه امك ويجب ان تتطيعيها ووووووو
لكني ساقول لك ما قله رسول الله صلي الله عليه وسلم
عن عبد الله بن عباس رضي الله عنهما قَال :
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
( مَنْ لَزِمَ الِاسْتِغْفَارَ جَعَلَ اللَّهُ لَهُ مِنْ كُلِّ ضِيقٍ مَخْرَجًا ،
وَمِنْ كُلِّ هَمٍّ فَرَجًا ، وَرَزَقَهُ مِنْ حَيْثُ لَا يَحْتَسِبُ ) رواه أبو داود

[sarah1424]

ياااااااااااااااا
هدي امك
مستحيل تتبدل عليك ربما ظروفها او من غير قصد اوووو لتمسيلها الاعذار واحمدي ربي ناس يتمناو حس الام في الدنيا
راكي حامل اتلاي في روحك بزاااف ومتتوسوسيش

[Napia]

kAMMI FI el BEBE ELLI JAY BARK RAH YAMLA 3LIK EDDANYA

[ASKme]

وممكن نتي تقراي النقص وقلبك صغير
وممكن امك حاسباتك بخلتي ولدها الذي هو اخوك وهذا عن جهل منها ولا تعلم ماهو الباك على الاقل وضحي الامور
مثلا كي تزوريها المرة القادمة قولي العام هذا مداوش بزاف الباك لانه جاء صعيب وكان التصحيح صعب والنقاط كذا وكذا.... حتى تفهم الام

[*أمة الله*]

صبري يا حبيبتي و تهلاي في روحك و في راجلك و أمك هادي فترة جاتها كيما هاك دوك تولي عادية معاك لأنك بنتها

[Assouma 93]

الله يصبرك حنونة و يفرج همك ان شاء الله

[sisi souad]

سبحان الله،دنيا غريبة حتى قلب الأم صار قاسيا الله يصبرك ربي معاك اختي

[marwa hanona]

اسمحلي هاذي مماك واش دارتلك متزعفيش منها ومتنسايش الجنة تحت رجليها بلاك كيما عدتي حامل ولايتي تتقلقي من كل شي تتفهمي اكثر كي تجيبي طفلة وبلاك مماك متقلق من حاجة

[جمعي البشاري]

وممكن نتي تقراي النقص وقلبك صغير
وممكن امك حاسباتك بخلتي ولدها الذي هو اخوك وهذا عن جهل منها ولا تعلم ماهو الباك على الاقل وضحي الامور
مثلا كي تزوريها المرة القادمة قولي العام هذا مداوش بزاف الباك لانه جاء صعيب وكان التصحيح صعب والنقاط كذا وكذا.... حتى تفهم الام

[ام نبال]

اختي العزيزة امك مش زعفانة منك بصح نتي اقرب الناس ليها تقدر تبين مشاعرها قدامك بدون اصطناع لانك تفهميها وحنينة عليها وتساعفيها بصح لخرين يحسسوها بلي لازم تضحك وهكاك ويلوموها افرحي لانك نتي لي تنحي الغمة على ميمتك انا ماما تقول لاختي انا نرجع زعافي فيك لخاطر نتي لحنينة ونتي لي تفهميني حتان نغير انا ونقول كون غير جيت في بالاست اختي والعلم عند الله

[عاكف]

الله يهديها أيامات و ترجع هاذي امك قربي منها و رح نرجع ان شاء الله