هل تفعـلين أنت هـــذا ، لــيلة الـزفاف ؟؟؟

[عبدالرحيم75]

لو أن واحدة منكن يا بنات كانت مكانها هل تستطيع فعــــــلها ؟

إليــــــــكـــــن القصــــــــــــــــــــة :


شاب راح يخطب وحده وتمت الموافقة على الخطبة ومن ثم الزواج

المهم
واش اللى صار ليلة زفافهم

... بعد مادخل الزوج شقته مع زوجته يدق تلفونه ...
يرد الزوج ويدور الحوار التالي :

الزوج : ألووووو


المتصل : السلام عليك، كيف حالك يا (فلان) و ألف ألف مبروك


الزوج : وعليكم السلام وينكم ماحضرتوا الحفل ؟؟


المتصل : والله تعطلت السياره في الطريق واحنا جايين عندكم ووصلنا وسألنا عنك قالوا انك رحت مع زوجتك فاحنا راجعين .. الأن


((طبعاً البلدة تبعد حوالي 300 كم))


الزوج : المهم ...تعشيتوا ؟؟


المتصل : لا والله


الزوج : كم عددكم ؟


المتصل : عشرة


الزوج : اقولك (حرام و طلاق الليلة عشاكم عندى) قل تم ..


المتصل : يا ابن الحلال حرام والله انت عريس جديد و .. و..


(( المهم الزوج مصر ان يتعشوا عنده ))


الزوج : يالله انا انتظركم مع السلامه ..


وأغلـق الهــاتف,,,,


الزوجة لم تصدق ما يحدث وما يفعله زوجها ليلة الزفاف !!


ثم قال لها يافلانه انا رايح للسوق وراجع ,,

(( على بالها يجيب عشاء جاهز ))


بعد ربع ساعه رجع الزوج وجاب اغراض العشاء


قالت الزوجه : واش هذا .. ؟؟


قال°° الله يرحم والديك قومي حظرى عشاء لصحابى فى العمل جايين من بعيد... تعطلت بيهم السيارة ماحظرو لحفلة وما تعشوا





،،، وفي أثناء الحوار ،،،
....يدق الباب ....


قال : هاذوا هم وصلوا قومى يا مراة

..المهم المسكينه دخلت المطبخ.... تقطع البصل والطماطم بفستان الزفاف وعيونها تدمع وتقول في نفسها ( غدوا الفجر نرجع عند اهلي ونطلب الطلاق)

المسكينه جهزت العشاء وتعشى الرجال وراحوا لمدينتهم و االعروسة مازالت متضايقة ..


والمفاجأة الكبــــــــــــــــرى !!


يدخل زوجها ويرمي لها (عشرة ملايين ....


قال : هذا حقك
قالت : حق ايش


قال : الرهان اللي بيني و بين صحابى العشرة على كل
واحد ( 10.000 دج ) بأنك ستطبخين ليلة الزفاف
وما ستكون ردة فعلك

تقبلى او لا؟؟


وانتي من كسب الرهان

وتمت ليلتهم على خير وصاروا اسعد زوجين


هل تفعلينها أنت لوطلبها منك زوجك ليلة الزفاف ؟؟؟!!
الموضوع منقول ...........

[نسائم الهدى]

عااااااااااااااااااااااادي جدا
نلبس جبّة(قندورة أو بدعية أولا أدري ماذا يسمونها) وندخل للمطبخ ونحضّرلوا عشاء 5 نجوم مي يعطيني شوية وقت على الأقل ساعة
وبلا دراهم بلا والو المهم يبقى راسو ديما مرفوع وحتى حاجة ما تحطلوا من قدروا
والله على ما أقول شهيد
سلااااااااااااااااااااااااام

[ميمنة الجزائر]

المشاركة الأصلية كتبت بواسطة أخت الرجال

عااااااااااااااااااااااادي جدا
نلبس جبّة(قندورة أو بدعية أولا أدري ماذا يسمونها) وندخل للمطبخ ونحضّرلوا عشاء 5 نجوم مي يعطيني شوية وقت على الأقل ساعة
وبلا دراهم بلا والو المهم يبقى راسو ديما مرفوع وحتى حاجة ما تحطلوا من قدروا
والله على ما أقول شهيد
سلااااااااااااااااااااااااام

امراة الله يبارك في اللي رباك يعني لو كان مش العرسوالوحدة تكون كثير تعبانة من العرس فقط لكن انو يجيب صحابو ما فيها والو والدراهم لا اقبلها لانو لست خادمة انما زوجة والزوجة لا تقبض دراهم فهنا تحقير لها وانا لن اقبل انو يقيمني

زوجي بالدراهم احب الهدية اكثر لانها عبارة عن هدية وتقيمك بانك لكي قيمة

[miri_27]

واش فيها هذا الشنا كل لي و لراجلي مافيها حتى شيء

[مشكاة الهدى]

اكيد هذا ما ستفعله كل بنت اصل

اما النقطة التي لم تعجبني ان يتراهن علي زوجي مع اصدقائه ارى فيها نوعا من التقليل وقلة ثقة المفروض زوجته خط احمر وليست شئ للرهان

هي وجهة نظري

[نورسين.داية]

مسألة إكتشاف الرهان صعبة التقبل .....يعني كنت محل رهان ؟؟؟؟
بكل صراحة لا أضمن إيجابية ردة فعلي .........إحترامي و كرامتي فوق كل الإعتبارات ......... و هذا النوع من الأزواج بحر عليه ........الله لا يردو ........ هذا رأي بكل صراحة ..

[أبو رائد عبد الرحمن]

المراهنة في هده الأمور ليست من شيم الرجال

[أبو رائد عبد الرحمن]

صح المرأة أحسنت صنعا وأطاعت زوجها ......................بارك الله فيها ......................لكن الزوج ما كان عليه أن يراهن مع أصحابه في أمر كهدا
كما أنه أعجبني رد ............أخت الرجال ...........أصيلة يا بنت الرجال فالحرة دائما تنور وجه زوجها وترفع رأسه عاليا

[جسور المحبة]

هي صح اصيلة بصح هو التصرف نتاعو مش تاع واحد عاقل كيفاش يتراهن مع صحابو وعلى من مرتو وزيد في ليلتها ينوض يخدمها في الكوزينة واكيد مع التعب ؟؟؟؟؟؟؟؟؟؟؟ا

[خولة الخنشلية]

ماعنديش مشكل المهم يرضى في حدود شرع الله وشيهية ليلة الزفاف قدر ربي يكون ضياف هديك الليلة نردوهم جامي صرات المهم نكونوا متهنيين هد العفايس الصغار ما يهموش لانو الحياة الزوجية مطرتبتش بهدي الليلة

[النجمة القطبية]

لا مشكل طبعا نطيب وين راه المشكل
الواحد يبدى حياتو باكرام الضيف خير وبركة

[عبدالرحيم75]

بارك الله فيكم على الردود القيمة وخاصة الأخوات - أخت الرجال - النجمة القطبية - خــولة الخــنشـلية - والمشكل ليس في الرهان ،وإنما كيف تتقبل كل عروس طلب زوجها في تلك الليلة فقط ،أرجوا تقبل الفكرة ،والموضوع لا زال للنقاش

[الواثق]

بصح هذا ماشكيتش يصرا عندنا هاذو يشبه للغرب يعني دارو حفل في مكان ثم اخذ زوجته لبيته ولوحدهما ...................احنا راهي جيوش من النساء والاطفال والبنات يبقو في بيتنا مدة اسبوع معناه نجيب 100 ومانخممش كلش يحضروه والعروسة ماتمس والو الا اذا كانت صح فحلة وحبت توري شطارتها لزوجها............لن انسى لها هذا ماحييت ................لكن عندي ملاحظة انتم عالجتم العروسة وكيف تعرضت للموقف ...................بصح ماعلجتوش مشكلة الرجل لو كان يجوه ضياف وهو عريس وخرج وراح للسوق ويشتري ويرفع ويسرع وخلا ليلة عرسو اللي بقا يستنا فيها سنين اليست هذه تضحية ................لانكم دايرين المرأة (العروسة هي فقط)................والعريس نسيتوه .........................جاوبوني .....................................

[جسور المحبة]

مدام عندو ضياف علاه يتعب روحو ويتعب عروستو يقول لاهلو يطيبو ليه ويكرم ضيافو ما فيها والو بصح مع تدخل العروس يقولها طيبي وهي باللباس الابيض هذي,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,؟

[امينة تيارت]

اقولك (حرام و طلاق الليلة عشاكم عندى) قل تم ...............من اول ليلة ليه مع مرتو يحلف بهاذ اليمين لا حول و لا قوة الا بالله . ثاني امر الزوجة فيها الخير عليه هو بنت اصل و اطاعته و اسرته امام اصحابه لكن شوف هو كيفاش كافاهادخل زوجها ويرمي لها (عشرة ملايين ....الرهان اللي بيني و بين صحابى العشرة ....نفرض انو خسر الرهان و ماطيبتش هاذ الزوجة واش راح يصرى بهدلتيني مع صحابي و انا كنت مراهنهم عليك و........اين الرحمة و الرافة التي اوصى بها صلى الله عليه و سلم في معاملة النساء
من كسب الرهان....اكيد كسبه هو و ولى يتباهى امام صحابو يهمو اكثر كيفاش ناس تشوف زواجو

وتمت ليلتهم على خير وصاروا اسعد زوجين ....انا نظن انو صار اسعد منها و على حساب مشاعرها

هل تفعلينها أنت لوطلبها منك زوجك ليلة الزفاف ؟؟؟!!
تاكد اخي سافعلها تربيت في دارنا عيب يقصدك ضيف و ما تكرمهش راح يدي واجب ضيافتو و في نفس الوقت ما نقدرش نحشم زوجي امام صحابو لكن موضوع الرهان مانقبلوش .....انا من عندي غير يدير روحو ما علابالوش و يقولي جاو و فقط خير ملي يقولي راني متراهن عليك انا و صحابي .....شكرا اخي على الموضوع فهو يعالج واقع معاش في البيوت و اسفاه لو كان غير جات على الرهان و برك كاين لي راه يحكي لصحابو حاجات من المفروض بينو و بين زوجتو.......الله يهدينا