كسرة رخسيس للمبتدئات من مطبخي ادخلن

ladymillion · 2013-05-29, 19:40

جبتلكم اليوم كسرة رخسيس أو كيما يسميوها البعض الفطير باش يتعلمو المبتدئات وراح نعتلكم طريقتي في تحضيرها مع المقادير طبعا

أنا كيلت بهذا الكاس

3 كيسان سميد
2 ملاعق صغيرة ملح
ملعقة صغيرة سكر
ملعقة صغيرة خميرة الخبز
شوي جلجلان انا درت ملعقة صغيرة واذا حبيتي نقصي لكن تجي بنينة بالجلجلان
نصف كأس زيت
ماء دافي باش تلمي بيه العجين الماء مقدرتش نتي والسميد لي عندك

حطي المكونات الجافة + الزيت وبسسيه حكيه شوي بيديك حتى يولي مرمل كيما في الصورة

الان لميه بالماء الدافي ، الدافي وماشي سخون لميه ودخليه في بعضاه بيديك الاثنين ذهاب واياب لكل يد ومتنسايش تلمي العجين يلي على القصعة متخليش العجين لاصق على اطرافها هاذ الخدمة يديروها الفنيانات ههههههههههه

بعد مايكون تلم العجين مع اضافة الماء تدريجيا حتان يتماسك ومايكونش يابس كي تقيسيه بصبعك يكون طري وغطيه بكيس بلاستيكي وفوقو منشفة متكونش خشينة وخليه يرتاح 20 د وشعلي الطابونة وحطي الطاجين يسخن مليح

الان بعد ما يكون العجين رتاح زيدي أعجنيه غير شوي برك غير يزيد يحكم روحو وديريه كويرات كبار هاذي الكمية تجيك 2 قرص ملاح وحلي العجينة بالحلال وثقبيها بالشوكة وحطيها طيب ولكن كي تحلي القرصة

طيبها مباشرة متقرصيش وتخليها تستنا على خاتر تجي مشلفطة في الطياب
وهاهو بعد الطياب

انشاء الله نكون أفدتكم وتجربوه البنة هايلة يبان قاطو

اللهم صلي وسلم وبارك على سيدنا محمد

dalila setif · 2013-05-29, 20:03

يعطيك الصحة جات تسخف شهيتيني امممممممممممم دمت وفية لنا

Om dora · 2013-10-09, 09:12

اممممم راني جربتو البارح وخرجلي رووووعة

ladymillion · 2013-10-09, 09:59

اقتباس:

المشاركة الأصلية كتبت بواسطة om dora

اممممم راني جربتو البارح وخرجلي رووووعة

شكرا على الثقة اختي بصحتكم

اقتباس:

المشاركة الأصلية كتبت بواسطة رانيا لوك

جاء هايل انا نديرو ولكن يتقسملي علا زوج في الطاجين ف رايك علاه

أختي لانك تبسسيه بزاف بالاك هذا سبب لي يخليه يتقسملك

it's me · 2014-03-18, 09:49

نموت على الرخسيس تاعكم

انتي بلون الورد · 2013-05-29, 20:53

يشهيييييييييييييييييييييييي حنا منديروهش خلاص و تقول طليتي علا قلبي سبحان الله كنت حابة نسقسيكم كيفاه ينداااااار.ربي يجازيك كل خير خرجلك 4444444444444

ladymillion · 2013-05-29, 21:46

اقتباس:

المشاركة الأصلية كتبت بواسطة انتي بلون الورد

يشهيييييييييييييييييييييييي حنا منديروهش خلاص و تقول طليتي علا قلبي سبحان الله كنت حابة نسقسيكم كيفاه ينداااااار.ربي يجازيك كل خير خرجلك 4444444444444

اميييين يارب كي تجربيه قوليلي اذا عجبك

الامل نور · 2013-05-29, 21:39

يعطيك الصحة

أم ياسين الزهراء · 2013-05-29, 21:43

راح نوريه لبنتي باش ديرو انا اسوء معلمة هههههههههههه سخفتيني يعطيك الصحة

طهراوي ياسين · 2013-05-29, 21:50

الله يعطيك الصحة

أم حازم · 2013-05-29, 21:57

يعطيك الصحة انا اليوم طيبتو في العشاء المقادير كامل كيما اتاعك ولكن انا اما نعملو 2 مغارف حليب بودرة او اني نعجنو بالحليب ولكن قبل ان اكمل العجن وهو مازال محتاجح شوي حليب اضيف له البيض يعني اكمل عجنه بالبيض والله يجي هاااااااااااااااااااااااايل والبنة والطعم روووووووووووووووووووووعة يعطيك الصحة واتمنى انو اتكون افادة جديدة

Oum yousra · 2013-05-29, 22:25

يعطيك الصحة يا أختي راه بيان يهبل حتان سخفتيني ولكان ماشي رانا قريب 12نتاع أليل راني نضت درتو ولكان بقالك شويا ابعتيلي مورصو نفطر بيه الصباح ههههههها

ladymillion · 2013-05-29, 23:25

اقتباس:

المشاركة الأصلية كتبت بواسطة أم حازم

يعطيك الصحة انا اليوم طيبتو في العشاء المقادير كامل كيما اتاعك ولكن انا اما نعملو 2 مغارف حليب بودرة او اني نعجنو بالحليب ولكن قبل ان اكمل العجن وهو مازال محتاجح شوي حليب اضيف له البيض يعني اكمل عجنه بالبيض والله يجي هاااااااااااااااااااااااايل والبنة والطعم روووووووووووووووووووووعة يعطيك الصحة واتمنى انو اتكون افادة جديدة

أنا بصراحة منديرش فيه الحليب البيضة ساعاااات باش ندير لكن وليت نحبو بلا بيض نتاعك ثاني باين يجي بنين بالحليب والبيض شكرا نزيد نجربو بالحليب

أَوْتَآرُ الأَمَلْ · 2013-05-29, 22:22

الله يبارك يعطيك الصحة شهتيني

نورسين سوف · 2013-05-29, 22:36

44444444444444444444444444444444