نداء الى المهندسين المعماريين .........

[amouna 07]

سؤالي بخصوص عمل المهندس المعماري بعد التخرج وعن الاجرة وهل يوجد عمل عند الحكومة ..فانا على حد علمي فان المهندس عمله بسيط واجرته ابسط فاذا كان اعتقاادي خاطىء ارجوا التصحيح .في وقتنا الحالي اللى درس فرع عادي مثل (رياضيات واعلام الي .لغات .اقتصاد.حقوق.........................) له اولوية العمل احسن من المهندس .اخاف ان يكون اختياري للهندسة المعمارية ليس في محله ارجوووووووووووكم ساعدوني ولو بفكرة بسيطة وارجوا من كل مقبل على دراسة الهندسة المعمارية ان يقول رايه واكون ممتنة للجميع .0بالتوفيق

[لطفي 90]

ما تتقلقيش أنتي أقري وكل واحد يدي مكتوبه

[imanou91]

المشاركة الأصلية كتبت بواسطة لطفي 90

ما تتقلقيش أنتي أقري وكل واحد يدي مكتوبه

جات غير على les architecte
ياربي راهم مدسين و قاعدين و الواحد طلع يدي ما كتبلو ربي المهم
يسعى

[لطفي 90]

المشاركة الأصلية كتبت بواسطة imanou91

جات غير على les architecte
ياربي راهم مدسين و قاعدين و الواحد طلع يدي ما كتبلو ربي المهم
يسعى

وانتي واش يخصك

[w_saif]

اها وانا تاني مهندس معماري وهدرت مع مقاول نعرفو قال نحوسوا عليهم بالضو ادم زيد المهندس يقدر يخدم وين احب انا واححد اوخر نعرفو يخدم عند الحكومة في مديرة تاع الهندسة والعماران تاع الاراضي وزيد حال مكتب وحدو وزيد تاني يخدم مع مقاولية

[archioui]

السلام عليكم
مثلما قال الاخ لطفي : ما تقلقيش أنتي أقري وكل واحد يدي مكتوبه
أنا مهندسة معمارية و مكتوبي كان مع أولادي في البيت و أنا راضية بهذا النصيب لأن أولادي أولى بي من العمل خارجا .
و هناك الكثيرات ممن اخترن أولادهن عوضا عن العمل من طبيبات و مهندسات و ......الخ
و مع ذلك هناك الكثيرات فتحن مكاتب للهندسة المعمارية و أخريات يعملن في المجال الحكومي (opgi-duch-cadastre-dlep-....)
و كل هذا و مكتوبو
أنت عليك تدرسي مليح لأن الهندسة المعمارية صعيبة و ليست في متناول الجميع
و من جد وجد يا أختي العزيزة
و الله يكون معاك

[أمنية الجزائر]

يا أختي اختيارك للهندسة المعمارية بإدن الله راهو في محلو ، على خاطركل يوم الشركات اليابانية و الصينينة توظف ،و زيد أنا نعرف بزاف لي خلصو هندسة معمارية و راهم يخدمو في الخليج ، خصوصا في أبو ظبي و يبقى الله عزوجل الرزاق.

حاجةأخرى.............. إدا افترضنا انك حلتي مكتب دراسات و تستقبلي حوالي 3 مشاريع في الأسبوع و علابالك المشروع الواحد قداه تسلكي عليه؟؟؟؟؟؟؟؟؟؟؟؟؟؟؟؟ 2 ملاين و ربعمائة سوا من عند الدولة كبناء مدارس أو مشستشفيات و لا تاع الناس مثلا لي رايحين يبنيو .


على العموم حاجة في بلادنا ما بقى عندها قيمة ، بصح كل واحد و شطارتو ، اقراي ، خلصي ، و اقفزي بخدمة و رايحة تشوفي حياتك كيفاه تولي.

وفقك الله زميلتي و في أمان الله.

[youcef_99]

الصح في هذي الدنيا ماشي الدراهم كون جات في الدراه روحي تقراي ممرضة
الصح انك تقراي في مجال معين وتحبيه وتتوسعي فيه , لتوسعي علمك وتزيدي ثقافتك

[amouna18]

اهلا حنونة


مزالك مقلقة على الهندسة المعمارية مليحة و لا لالا ..

راكي قريب تبداي تقراي .. مبقاش بزاف

على كل حال .. مليحة و لا لالا سي ترو تار اقرايها و ستنجحين بإذن الله

[نظام الفوضى]

يا أختي

واش من جامعة راكي

أنا جامعة شلف هندسة معمارية وعمران

نتمنى نكونوا في القراية قاع متاحدين ان شاء الله

لآنه تخصص يتطلب قراية كبيرة وسهرات ودراهم بزاف ...................وتخيل واسع

[amouna 07]

المشاركة الأصلية كتبت بواسطة فارس الإسلام

يا أختي

واش من جامعة راكي

أنا جامعة شلف هندسة معمارية وعمران

نتمنى نكونوا في القراية قاع متاحدين ان شاء الله

لآنه تخصص يتطلب قراية كبيرة وسهرات ودراهم بزاف ...................وتخيل واسع

انا في جامعة محمد خيضر بسكرة

[المهندس الجزائري]

المشاركة الأصلية كتبت بواسطة فارس الإسلام

يا أختي

واش من جامعة راكي

أنا جامعة شلف هندسة معمارية وعمران

نتمنى نكونوا في القراية قاع متاحدين ان شاء الله

لآنه تخصص يتطلب قراية كبيرة وسهرات ودراهم بزاف ...................وتخيل واسع

أنا ثاني من الشلف هندسة معمارية , امالا نقراو كيف كيف العام هذا إذا انت راح تقراها .

خويا حبيت نسقسيك أنا سجلت بصح ماعلاباليش وين رح نقراو , انت ماعلابالكش ؟

ربي يوفقك خويا .

[المهندس الجزائري]

شكرا لك إيمان على الموضوع المفيد و شكرا لكل المشاركين فيه ( بالرغم من أنك خوفتينا فالأول ولكن مشاركات الإخوة عاودت طلعتلنا المورال ) .
ماشي شرط الإنسان يروح وين حاب هو باش ينجح , الله ييسر كل إنسان لما خلق له , والنجاح ليس فالدراسة فقط , المهم النجاح في الحياة .
على كل حال الهندسة المعمارية كامل قالولي مليحة و أنا مانيش ندمان كي خيرتها .
ربي يوفق كل الطلبة .

[amouna 07]

المشاركة الأصلية كتبت بواسطة فارسي

شكرا لك إيمان على الموضوع المفيد و شكرا لكل المشاركين فيه ( بالرغم من أنك خوفتينا فالأول ولكن مشاركات الإخوة عاودت طلعتلنا المورال ) .
ماشي شرط الإنسان يروح وين حاب هو باش ينجح , الله ييسر كل إنسان لما خلق له , والنجاح ليس فالدراسة فقط , المهم النجاح في الحياة .
على كل حال الهندسة المعمارية كامل قالولي مليحة و أنا مانيش ندمان كي خيرتها .
ربي يوفق كل الطلبة .

العفو.عندك الحق المهم الواحد ينجح في حياته ويبذل كل مجهوده بش ينجح في قرايته .الصح الصح انا نتمنى اذا ان شاء الله تخرجت حابة نخدم خدمة تكون ثمن للمجهود اللي بذلته .المهم كيما تقول ماما انتي اقراي والارزاق على الله .مشكور اقبال على تفاعلك معايا لازم نشجعوا بعضانا بش هاكا نوصلوا للمراد ان شاء الله

[amouna 07]

يعطيكم الصحة كامل كي تفاعلتوا معايا .راكم فرحتوني بزاف وطلعتولي المورال ربي يحفظكم وينجحكم كامل .درك حببتولي الهندسة المعمارية مشكورين