عدم قبول ابنتي في القسم التحضيري

نوشكا · 2015-09-13, 09:37

السلام عليكم
من فضلكم لدي انشغال يخص ابنتي الكبرى من مواليد اكتوبر 2010 . لم يتم قبولها في القسم التحضيري . وانا جد قلقة لانني خائفة ان يؤثر دلك سلبا على مستواها الدراسي في السنة الاولى .سؤالي لدوي الخبرة في الميدان وكدلك للامهات اللواتي مررن بنفس التجربة هل فعلا يستفيد الطفل من القسم التحضيري وهل هناك فرق بينه و بين الطفل الدي دخل مباشرة للسنة الاولى لان البعض اخبرني ان القسم التحضيري لن يستفيد منه الطفل الشيء الكثير و لن يؤثر على مستواها في السنة الاولى. افيدوني ارجوكم فانا قلقة من الموضوع . للعلم ابنتي في الروضة للسنة الثانية.وجازاكم الله كل خير.

ام تقوى 34 · 2015-09-13, 09:58

انا نقولك مريت بنفس المشكلة تاعك بصح ابعثتها
تقرا بدون وثائق درت وساطة التحضيري مهم
مهم جدا وخاصتة انها العام المقبل يسجلوهالك في السنة الاولى

محتاجة لعفو الله · 2015-09-13, 11:18

شوفي أختي ما تتقلقيش انا وليدي مادخلش تحضيري دخل قبالة سنة اولى و ماكانش يعرف صوالح بزاف تاع لقراية مخلاف شوية حروف و يعرف يشد ستيلو و كان اداي نظرة على الحفظ لانو كان يحفظ بعض قصار الصور ، و مع ذلك صدقيني هو الأول في القسم ديالو و لم أجد صعوبة في تدريسه في البيت و الحمد لله و راهو الآن في الصف الرابع
المهم انت أول شيء اتكلي على ربي لأن التوفيق و النجاح من عنده ووقفي عليها و علميها في الدار الحروف و الأعداد و باذن الله منا للعام الجاي تلقايها تعلمت ما شاء الله ..
و شوفي اختي ننصحك باه تشفالك على الحروف و تولي تعرف تقرى النصوص ما تتقلقيش في تعليمها الحروف دفعة واحد بل عطيلها الوقت فمثلا كل حرف درسيهولها تقريبا مدة 4 أيام و خليها تكتبو عدة مرات يعني تكتب شحال من ورقة في جميع حالاته يعني مرفوع و منصوب و مجرور و مع الألف ......الخ لأنه من تجربتي مع ابني كل مايكتب كل ما تزيد ذاكرتو للشي اللي كتبو .
و كي تدخل سنة الأولى ساعديها في قرايتها و ديريلها برنامج يومي لمراجعة ما درسته .
و في الأخير نقلك معذرة على الاطالة و نتمنى التوفيق لبنتك و تكون من الأوائل المتفوقين باذن الله

نوشكا · 2015-09-13, 11:47

بارك الله فيك اختي الغالية . الله ينجحلك ابنك ويوفقو و يصلحو يا رب

ام دارين · 2015-09-13, 11:53

شوفي اختي ماتقلقي روحك ما والو
انا وليد سلفي دخل ديراكت سنة اولى والله يبارك عليه هو الاول في القسم
ونزيدك حاجة انا بني ثاني مازال مالقيتلوش في التحضيري
وراني معولا اذا مالقاش هاذ السمانة بلاصة قلت نذخلو للجمعية العام ليفات قرى فيها
والله روعة يقرو التحضيري خيرمن المدرسة
وفي الاخير ربي ينجح بنتك ويحفظها

نوشكا · 2015-09-13, 13:12

شكرا اختي شجعتوني بالتوفيق لكل ابناءنا ان شاء الله

ابوزكرياء · 2015-09-13, 19:24

انصحك ان تسجليه في المسجد فهو احسن بكثير من القسم التحضيري

أكاريم · 2015-09-13, 19:37

اقتباس:

المشاركة الأصلية كتبت بواسطة نوشكا

السلام عليكم
من فضلكم لدي انشغال يخص ابنتي الكبرى من مواليد اكتوبر 2010 . لم يتم قبولها في القسم التحضيري . وانا جد قلقة لانني خائفة ان يؤثر دلك سلبا على مستواها الدراسي في السنة الاولى .سؤالي لدوي الخبرة في الميدان وكدلك للامهات اللواتي مررن بنفس التجربة هل فعلا يستفيد الطفل من القسم التحضيري وهل هناك فرق بينه و بين الطفل الدي دخل مباشرة للسنة الاولى لان البعض اخبرني ان القسم التحضيري لن يستفيد منه الطفل الشيء الكثير و لن يؤثر على مستواها في السنة الاولى. افيدوني ارجوكم فانا قلقة من الموضوع . للعلم ابنتي في الروضة للسنة الثانية.وجازاكم الله كل خير.

أرواحي عندنا نسجلوهالك و بعد بدليها

لوز رشيد · 2015-09-13, 20:01

المناهج التي تعدها وزارة التربية الوطنية سلسلة
حلقاتها متكاملة ففي السابق كانت فترة التهيئة
في السنة الأولى تدوم ثلاثي كامل أما بعد اعتماد
التربية التحضيرية فتم تقليص فترة التهيئة لتدوم
شهرا واحدا فقط
و بالتالي فإن التربية التحضيرية مهمة جدا

noureddine27 · 2015-09-13, 20:21

شيء عادي يا اختي . خي احنا الجزايريين شعب مقلق بزاف كون صابو ادخلوهم اعلى ثلاث سنوات صرات عندي فالمدرسة . ننصحك بالمدرسة القرانية احسن و ستكون النتايج افضل و سترين ذالك . ان شاء الله

بنت لبحر · 2015-09-13, 20:23

اختي عادي دخليها مدرسة قرانية راهم يقرو مثل التحضيري

بالتوفيق