شرح طريقة صدر كروشي.........طلبك asmagirl

sakura be · 2014-03-08, 11:17

شكرا لكل الاخوات لي عودة ان شاء الله

السلام عليكم ورحمة الله وبركاته
اهلا بيك اختي اسماء وبكل الاخوات
الشرح رح نحاول نبسطولك قدر الامكان وادا مافهمتيش اي نقطة اساليني ......
بسم الله نبدا:
الصدر

الصدر يحتاج منا نعمل20 ورقة ووردتين بلون و3 وردات بلون مخالف
الخيط المستعمل هو خيط الحريري المسلك (اناماخدمتش كامل الصدر ماعلاباليش قداه يهز من كبة لكن اعتقد للورد +الحاشية نحتاج 2كبب وللاوراق مع الوردات حوالي 4كبب والله اعلم ) باه من بعد ماتقولوليش انت اللي قلتي

اولا رح نشرحلك الوردة اول باول ومن بعد الورقة

دائما نمر بنفس الطريقة اي نعمل 2س في الهواء ونقلب الوردة نركبها ونبدا في السلسلةنتاعي

هادا شرح غرزة البيكو

هنا حبيتك تشوفي الفرق في الاحجار اللي في الوسط تاع الوردة انا مستعملةالمتوسطة (ب5دج) مثل الحمراء اللي في الصورة اما الكبيرة (10دج) وانت الا حبيتي الكبيرة بدل ماتعملي سطرين فقط في البداية اعملي 3

يتبع **********

sakura be · 2014-03-08, 11:17

طريقة عمل الورقة
ملاحظة مهمة : (اخواتي ممكن في الشرح والصور تلقاوني كاتبة 3-2-2-3-5-5 وهوما تدرجات الورقة وفي البداية تلقاوني معلمتهم بالاحمر والاصفر في اخر صورتين وهدا راجع انو لما نعمل 1س ارتفاع وندور نعمل نصف عمود في اول فراغ مايجيش ظاهر نوعا ما علابيها علمتلكم الانصاف العواميد الظاهرة بالاحمر والاخرى بالاصفر والعد يكون من الظاهرة )

العمل مش رح يتغير كثيرا فقط الزاوية والنهايات ورح يكونوا كالتالي :

اخواتي النت عندي ثقيل حملت هادو الصور والاخرين ماحبوش انتوما كملوا عمل الوردات حتان نلحقلكم بقية الشرح

وارجو منكم الدعاء

sakura be · 2014-04-10, 13:59

اقتباس:

المشاركة الأصلية كتبت بواسطة موجو جوجو

بارك الله فيك هاااايل

وفيك بارك شكرا

اقتباس:

المشاركة الأصلية كتبت بواسطة ساندي 28

حبيبى والله العسل كلو سكورة تسلميلي انتى وعيونك الجميله
شوفي حبيبتى الدور الاولل عرفت ندير بصح تتلفلى فى الفتحات الى فى الوسط شايفا ورقه اخت لمسه الفتحات الى فى الوسط كيفاش نديرهم وبقداش نعمرهم با غرزة الحشو اسمحيلي حبيبتى نتعبك معايا

اهلين
الفتحات يبداو من اللدور الخامس احنا لما نوصلوا للوسط ونبقاو ندوروا نعملوا (1حشو و3س و1حشو ) كلهم في نفس الغرزة اي الوسط
شوفي الصور راني اقتبستلك من وين يبداو بالضبط

اقتباس:

المشاركة الأصلية كتبت بواسطة sakura be

طريقة عمل الورقة
[
العمل مش رح يتغير كثيرا فقط الزاوية والنهايات ورح يكونوا كالتالي :

اخواتي النت عندي ثقيل حملت هادو الصور والاخرين ماحبوش انتوما كملوا عمل الوردات حتان نلحقلكم بقية الشرح

وارجو منكم الدعاء

لمسة من الماضي · 2014-04-10, 22:16

اختى ساكورة

لو كان تكملي جميلك و تحطي لي صور تلصيق الورقات

sakura be · 2014-04-11, 09:49

اقتباس:

المشاركة الأصلية كتبت بواسطة لمسة من الماضي

اختى ساكورة

لو كان تكملي جميلك و تحطي لي صور تلصيق الورقات

لمسة راها الحساسية ماخلات في صباعتيا

والله حتى اليوم زاد عليهم الحال وراني حازمتهم ههه

لكن اكيد الا ماكيش مزروبة اول مانركب نتاعي نصورلك الطريقة

لمسة من الماضي · 2014-04-11, 10:38

اقتباس:

المشاركة الأصلية كتبت بواسطة sakura be

لمسة راها الحساسية ماخلات في صباعتيا

والله حتى اليوم زاد عليهم الحال وراني حازمتهم ههه

لكن اكيد الا ماكيش مزروبة اول مانركب نتاعي نصورلك الطريقة

تسلمي يا غالية

مرانيش مزروبة

على فكرة قياس الورقات بالنسبة لتاي تع اختى جاوني فقط ورقتين لان لما درت 3 جاها الصدر عريان بزاف

فقالت لي معليش ندير 2 ورقات

sakura be · 2014-03-08, 11:18

السلام عليكم (راها النت هبلتني وحملت فقط 3 صور واي استفسار اسالو ورح نجاوبكم )

باقي الادوار رح تكون الزاوية بانصاف عواميد حتى المنتصف تماما نعمل في وسط ال3س (1نصف عمود -3س-1نصف عمود) ونكمل بانصاف عواميد عادي للنهاية .
ونكمل العمل مثل الصور التالية :

في اخر دور يكون فقط نصف (الشكل معلم بالاصفر)ولما نصل للوسط نعمل 2نصف عمود وسط ال3س ونغلق العمل ونقطع الخيط.