قريوش عين الجمل للشيف لطفي حيمر

[maryouma46]

سلام صح فطوركم هدا القريوش خدماتو ماما للشيف لطفي حيمر قولولي وش رايكم




هذا رابط الفيديو تاع الحصة تشوفو الطريقة مباشرة
https://www.djelfa.info/watch?v=irN6lDVl2UQ
يما أنو الفيديو محبش يتحل رح نعاود نخدمو وندير موضوع بالمراحل المصورة ان شاء الله راهو سااهل مافيه والو
السلام عليكم
من جديد كيما وعدتكم راح ندير موضوع بالتفصيل على القريوش
المقادير:
3 كيلات فرينة معمرين
كيلة سمن ذايب وبارد هنا ( درت كيلة ناقصة 2 صباع باش تجي ناقصة هشوش)
2 م ص ملح
ماء زهر
الخطوات:
نضع المكونات

نخلطها

ونضيفلها ماء الزهر تدريجيا

حتى نتحصل على عجينة ماهي طرية وماهي يابسة نخليها ترتاح ساعة
هنا قسمتها على 2 لأن الكمية صغيرة

تحلي العجينة و ذرذري النشاء

هنا حليت القرصة 1 وال 2

عندك 2 خيارات اما تحليهم فوق بعضاهم حتى ترقاق ومبعد تخدمي كل وحدة وحدها لاختصار الوقت وإلأا كل قرصة تخدميها وحدها من المرة الأولى
هنا درت كل وحدة وحدها بحكم أني مبتدئة


حلي العجينة حتى ترقاق وقصي الزوائد باش يجي مستطيل قدقد وذرذري النشاء وابداي روليها


كي تلحق للنهاية ديري الفرشاة في الما وادهني النهاية باش تغلق ممبعد

هنا بعد ما تغلقيها تقصيها مربعات




نأخذ الحلال ونضغغط عليها في الوسط

ونحلها للفوق ونرجع نحلها للتحت


لي تخدميها حطيها في كيس حتى تكملي

درك نجو للقلي
متقليش في المقلة لازم حاجة تكون غارقة حطي الزيت وشعلي النار كي يبدا يسخن نقصي النار لازم يطيب على نار قليلة
حطي الحبة في الزيت وخليها حتى تطلع وحدها



كي تطلع قلبيها ووقفيها بالشوكة مع الجانب تاع الكسرونة راح تتشكل وحدها اذا متشكلتش حليلها الطبقات بالشوكة لازم تدخل سريع



انتهينا

صورة مقربة

ان شاء الله تكونو فهمتوني وتجربوه ويعجبكم
صح فطوركم
سلاااام

[ام مهدي 03]

يعطيها الصحة ماماك وبصحتكم
ياريت تعطونا الوصفة وجزاكم الله خيرا
وياريت تقوليلى السر انو جا لونو ابيض

[maryouma46]

المشاركة الأصلية كتبت بواسطة ام مهدي 03

يعطيها الصحة ماماك وبصحتكم
ياريت تعطونا الوصفة وجزاكم الله خيرا
وياريت تقوليلى السر انو جا لونو ابيض

حطيت الرابط تاع الفيديو شوفيه

[أم ريمة*]

للاسف بنيتى الفيديو لا يعمل ياريت تحطى الوصفة والطريقة من فظلك

[ncmagra54]

وصفة هي كيلو فرينة كيلة زبدة ذايبة حوالي 250 غرام رشة ملح كيس خميرة نوارة نخلط الكل ونعجن بماء الزهر العجينة تكون متوسطة نخليها ترتاح نصف ساعة ونشكل قرصة ونحلها رقيقة جدا ونلوي ونغبر بالميزينة ونشكل حربوش ونقطع شراءح رقيقة ونبسط كل وحدة على جنب نسخن الزيت ثم نخفض الحرارة ونقلي الحبات بعد مايبردو نسكب عليهم العسل فقط بصحتكمممممممممممم

[kik!]

المقادير : 3 كيلات معمرين مليح فرينة ، كيلة ميش معمرةزبدة ذائبة،رشة ملح و تلمي العجينة بماء الزهر ،فقط ماكانش الخميرة لانو قالنحب التخمر تاعها طبيعي..و عسل و جلجلانية للتزيبن ...راني جربتو البارح و خرج هاااايل خفبيببف و مقرمش و مايتعبش لا فالخدمة لا فالطياب

[amel miral]

الله ايبارك رووووووووووووووووووعة تسلم الايادي

[LOLILOLI]

جميل جدا فوووووووووووووووووووووووووووور

[hadile21]

صح فطوركم يعطيك الصحة بصح اختى الوصفة مافيهاش خميرة انا جربتها خرجتلى روعة

[زهرة الريف*]

ربي يحفضلك الوالدة ويعطيها الصحة وشكرا على الوصفة

[kik!]

المشاركة الأصلية كتبت بواسطة hadile21

صح فطوركم يعطيك الصحة بصح اختى الوصفة مافيهاش خميرة انا جربتها خرجتلى روعة

نعم اختي راهو مادارش الخميرة ..

[مريم سلمى الجزائرية]

السلام عليكم و رحمته تعالى و بركاته:
بارك الله فيك على نقل المعلومة ،و ما شاء الله على الكيفية قمت بإعدادها يوم أمس و كانت رائعة.

[salamon kalou]

[right][/ri------------------ h---------------------------------------------------------------------t]سلام

[رنيم مهدي]

السلام عليكم هو قال 3 كيلات فرينة كيلة سمن و تلمي بماء الزهر و تخليها ترتاح لمدة 2 سا ثم تحليها لكن اختي حابة نعرف إستعملت السمن و لا زبدة

[kik!]

المشاركة الأصلية كتبت بواسطة رنيم مهدي

السلام عليكم هو قال 3 كيلات فرينة كيلة سمن و تلمي بماء الزهر و تخليها ترتاح لمدة 2 سا ثم تحليها لكن اختي حابة نعرف إستعملت السمن و لا زبدة

انا استعملت سمن المرجان بصح مادرتش كؤلة قدقد نقصت منها