اتوحشت اولاد نايل

الحائر · 2009-04-20, 08:01

اريد منكم اعطائي قصيدة الشعر الملحون التي مطلعها

اتوحشت اولاد نايل جار بجار لمن جا من شوارهم قلت نسالو

اريج28 · 2009-04-20, 22:53

امي تحفضها هي الان نائمة غدا ان شاء الله اسألها عنها وارسلها لك إن كانت تحفضها كاملة وإلا ارسل لك مقاطع منها

اريج28 · 2009-04-21, 15:34

توحشت أولاد نايل جار بجار ولامن جا من شورهم قلت نسالو
ذريت المقبول والشرفة الاحرار ياسعد ليدارهم دايم فالو

ياضايمي ضد العدو جابو لفخار وهدامين أساور كانو يطوالو

ولعو بالصحرا وكل ليلة في دار وليحبو ربي هكذا حالو

عين الريش مقابلة سجرات طوال ومقابلها بو كحيل وتخيالو

والبيت الحمرا تقبل مزالو تلقى عارم تركلي تمحي بضفار
وكرها عالي لامن يصفالو..............
هل تدري ايها الاخ الكريم اني حاولت معها كثيرا لكنها نظرا لكبر سنها نسيتها لم تبقى تحفظ منها الا هذه المقاطع ارجو ان تجد ضالتك.......وتنشرها في المنتدى حتى نحافظ على هذا التراث الجميل

messaoud17 · 2009-04-28, 14:45

اقتباس:

المشاركة الأصلية كتبت بواسطة اريج28

توحشت أولاد نايل جار بجار ولامن جا من شورهم قلت نسالو
ذريت المقبول والشرفة الاحرار ياسعد ليدارهم دايم فالو

ياضايمي ضد العدو جابو لفخار وهدامين أساور كانو يطوالو

ولعو بالصحرا وكل ليلة في دار وليحبو ربي هكذا حالو

عين الريش مقابلة سجرات طوال ومقابلها بو كحيل وتخيالو

والبيت الحمرا تقبل مزالو تلقى عارم تركلي تمحي بضفار
وكرها عالي لامن يصفالو..............
هل تدري ايها الاخ الكريم اني حاولت معها كثيرا لكنها نظرا لكبر سنها نسيتها لم تبقى تحفظ منها الا هذه المقاطع ارجو ان تجد ضالتك.......وتنشرها في المنتدى حتى نحافظ على هذا التراث الجميل

ربي يحفضها ان شاء الله و يطول عمرها

الميعادي · 2009-04-27, 22:01

الله الله الله

mohamed houari · 2009-04-30, 16:46

اعلاه راك اتحوس على القصيدة
اولاد نائل راحوا بكري
الفريسة بقات والروح راحت مع ناس زمان
وذرك اتخلطت الجلفة عاد الواحد ما يقدر يفرز من النايلي من غيرو
حتى الي بقاو من اولاد نايل بعبارة اخرى ( قال الراجل اتحلبوا ) الجال والنواظر عقلية هيب هوب الله يلطف
قال ابي تاخيز الزمان ينكر الواحد اصلوا ويتفاخر بمعتقدات الناس .....
انشاء الله انعيشوا قا ساعة من ذاك الوقت

lebcir · 2009-06-01, 17:26

اقتباس:

المشاركة الأصلية كتبت بواسطة mohamed houari

اعلاه راك اتحوس على القصيدة
اولاد نائل راحوا بكري
الفريسة بقات والروح راحت مع ناس زمان
وذرك اتخلطت الجلفة عاد الواحد ما يقدر يفرز من النايلي من غيرو
حتى الي بقاو من اولاد نايل بعبارة اخرى ( قال الراجل اتحلبوا ) الجال والنواظر عقلية هيب هوب الله يلطف
قال ابي تاخيز الزمان ينكر الواحد اصلوا ويتفاخر بمعتقدات الناس .....
انشاء الله انعيشوا قا ساعة من ذاك الوقت

السلام عليكم معك حق يا اخي ولكن لتزال رائحة اولاد نائل وعاداتهم ودياتهم في الكثير من قرى ولايتي المسيلة والجلفة

نور الهدى19 · 2009-08-06, 11:58

ســــــــــــــــــــــــــــــلام عليــــــــــــــــــــــــــكم واش نقول في ولاد نايل الله الله عليهم ربي يحفظهم

~~دحية الزهرة~~ · 2009-08-06, 14:22

صح أنا مانيش نايلية بصح والله نحب بزاف ولاد نايل ونموت على الجلفة كنت فيها وكي رحت منها بكيت عليها بزاف
وراني متمنية بزاف بزاف نرجــــــــــــــــــع ليها ونعيش فيها وشكـــــــــــــــــــــــــــــرا

المنصور · 2009-08-06, 16:58

اقتباس:

المشاركة الأصلية كتبت بواسطة mohamed houari

اعلاه راك اتحوس على القصيدة
اولاد نائل راحوا بكري
الفريسة بقات والروح راحت مع ناس زمان
وذرك اتخلطت الجلفة عاد الواحد ما يقدر يفرز من النايلي من غيرو
حتى الي بقاو من اولاد نايل بعبارة اخرى ( قال الراجل اتحلبوا ) الجال والنواظر عقلية هيب هوب الله يلطف
قال ابي تاخيز الزمان ينكر الواحد اصلوا ويتفاخر بمعتقدات الناس .....
انشاء الله انعيشوا قا ساعة من ذاك الوقت

السلام عليكم ورحمة الله
صحيت يااااو عندك حق

مسعود حبشي · 2009-10-18, 10:59

هذه القصيدة تتضمن أبيات تحاكي أبيات امرئ القيس في وصفه لجوداه وهي أبيات تثبت جدارة الشعر الشعبي في الوصف

اززق قمري زين شعرة دار بدار عنقه جابي والقفل زاد اتوالو

ابيض ثلج احسوم صب على لوعار ولا برج سحاب جرف ميثالو

ادهم نعت اوصيف متكوري ف الدار واللي قرب ليه يخلع من حالو

espoire · 2009-10-19, 16:40

شكرا اخواني كل مواضيعكم الجيدة وشكرالكم مرسي اسبووار

ali herzallah · 2009-10-19, 17:05

اعدك بأني سأدرجها عن قريب إنشاء الله

شاهين العقاب · 2020-05-29, 23:12

توحشت أولاد نايلْ جَار بجار*** ولا منْ جاني منهم قُلت نســــالُ
ذِرية المقْبول خلاّفين الثــــــــار*** سِلسالة لَشراف بحر الكمـالُ
يا ضَيْمي ضِد العْدو جابو لفخار***هدّامين اسوار كانو يطـــــــــــــوالُ
ماذا ركْبوا مْحاصن للمشـــــــوار*** عوْدات ينّحو على لقلب هْبال ُ
أزرق قُمري من اوْكار فر و طــار*** حِسّوا يُرمق شاف لحمام قبــــــالُ
أبيض ثلج حسوم صب على لُوعار*** ولا برج اسحاب جرف ميثــــــالُ
أحمر بن نعمان كي دار النـــــوّار **عشرة في يَبرير فتَّح تظـــــــــــــــلالُ
أدهم نعت وْصيف يتكوّر في الــدار*** اللي يْقَّرب ليه يُخلع من حـــــــــالُ
عنقو صاري كي تْهوّل فست ابحـار** يا عجبة ذا العود مزيّن تخمــــــــالُ
مثل العطرة كي نوارة لكـــــــــــــدار** ولا بو قرنين شيف ختـــــــــــالُ
أحمر مثل الذهب مافيه عيـــــــــــار ****خبالة من شافها يزكى مـــــــــــالُ
إذا حطّو تشوف زينهم بأبــــــــــــزار*** ولا رحلوا يدّو قلوب لي جـالُ
تلقى طاوس و لحجل و دمى و حبـــار*** جبّارات طوال للقلّة مـــــــــــالُ
تلقى عارم تركل تمجى بأظفـــــــــــار*** ووكرها مرفوع لا من يصفــــالُ
تلقى لبّة و العيون مقابص نـــــــــــار ***هاتولي من شافها و جبر حال ُ
عين الريش و بو سعادة جار بجـــــار** سوّل عنهم كل واحد بســــوالُ
مسعد و الجلفة البيرو الـــــــــــــدّوار ْ*** امجدّل دونوا اسحابات انيـــالُ
حنق الحطبة و السباخ( ) تجيل يسار*** ياسر في الصحر الغالية بأموالُ
يا ويح اللي غشهم يدّوه اشطـــــــــــار ***ما ينفعوا لاطبيب ولا مـــــــالُ
يا حاسدهم راك تعمى من لبصــــار * من عاداتهم راه يسقم بأغلالُ

louglaib · 2023-01-31, 21:29

قصيدة * " أتوحشت أولاد نائل _ديّة الدرّاجي_"**
أ تْوحشت أولاد نايلْ جَار بجار *** ولا منْ جا من شورهم قُلت نســــالُو
ذِرية( ) المقْبول ( )خلاّفين الثــــــــار*** سِلسلة( ) لَشراف بحر الكمـالُ
يا ضَيْمي( ) ضِد العْدو جابو لفخار ***هدّامين اسوار كانو يطـــــــــــــوالُ
ماذا ركْبوا مْحاصن للمشــــــــــوار *** عوْدات( ) ينّحو على القلب هْبالو
أزرق قُمري من اوْكار فر و طـــــــار*** حِسّوا يُرمق شاف لحمام قبــــــالُ
جلدو صافي و المفاصل دار بدار*** عنقوتايق و الكفل جاي توالو
أحمر بن نعمان كي دار النــــــوّار *** عشرة في يَبرير فتَّح تظـــــــــــلالُ
عنقو صاري كي تْهوّل فست ابحـار *** يا عجبة ذا العود مزيّن تخمــــــــالُ
أبيض ثلج حسوم( ) صب على لُوعار *** ولا برج اسحاب جرف ميثــــــالُ
كفلو جابي و القوايم بالتنجار *** في العذرا مربوط صيف بطوالو
أدهم نعت وْصيف يتكوّر في الـــــدار*** اللي يْقَّرب ليه يُخلع من حـــــــــالُ
مثل العطرة كي نوارة لكــــــــــدار *** ولا بو قرنين( ) شايف ختـــــــــــالُ
الخضرة خيط القيام على الادوار *** و لا حشيش الليل عمّر اقدالو
الحمرة مثل الذهب مافيه عيــــــــار *** خبالة من شافها يزكى مـــــــــــالُ
سروج المجبود من خدمة الاشراف *** بالعقرب و الطير نجمة و هلالو
ركبات نحاس من ضي البلار *** مصباح الظلمة ينور تشعالو
الفرسان طيور حاموا على الاوعار ***
اتجفل قاع الهوارب من الاقطار ***
يا ضيمي شدوا العدا على شاو نهار ***
يا خوتي
ولعو بالصحرا و كل ليللة في دار *** ولي ربي عازو هاكذ حالو
ذكروهم في ساحة مساعد والثار *** و حليل لي راه مثلي يجرالو
إذا حطّوا( ) تشوف مزينهم بأبـــــزار*** واذا رحلوا يدّو قلوب لي جـالوُ
اذا طليت على السمايط كي النوار****حطة فيها كياني يصالو
*** التبرنا فيها الكيسان يصالو
من المغرب تشوف قا دش الفنار *** و الجوهر عنو الباب بتقفالو
اذا طليت حذا الحيال عقلك طار***و الصبر مفتاح كنز اللي عالو
تلقى طاوس و لحجل و قنيى و حبـــار*** جبّارات طوال بالقلّة مـــــــــــالُ
تلقى عارم تركل تمحى بأظفـــــــــار *** ووكرها مرفوع لا من يصفــــالُ
تلقى لبّة و العيون مقابص نــــــــــــــار ***هاتولي من شافها و جبر حال ُ
تلقى صاقة للعدو يسقوه مرار **** جوهر و اللاواي وامكاحل يطوالو
البارود يجي صافي من التكرار *** واذا فز يريبو طرف جبالو
يا ويح اللي غشهم يدّوه اشطـــــــــــار *** ما ينفعوا لاطبيب ولا مـــــــالُ
يا حاسدهم راك تعمى من لبصـــــار*** من عاداتهم راه يسقم بأغــــــــلالُ
ذرية المقبول و الشرفة الاخيار ****يا سعد اللي دارهم ديما فالو
مغروسين ولاد نايل غرس اخيار *** و مغروس الصلاح كلش يسجالو
ثنين و ربعين عرش تكون عبار *** سول عنهم كل واحد بسوالو
مسعد و الجلفة البيرو الـــــــــــــــــدّوار*** ياسر في الصحر الفالي بأموالُ
عين الريش و بو سعادة جار بجــــــار ***و امجدّل دونوا اسحابات انيـــالُ
حنق الحطبة و السباخ( ) تجيل يسار*** البيت الحمرا تقبل منزالو
ربع عروش ضناية وليد المختار *** جلالة هي البيرو يحلالو
جنان مزخرف كل شجرة بثمار *** وادويبرق و المشارف ينهالو
اللي جايب لشعار *** طالب ربي سيتو يغفر هالو
كاس المحبين يشفي كل اضرار *** يبرا من لسقام ويفش اعالو
بن محمد قال عمر بن البار *** ادعو لو بالخير يخضار اجنانو