**ملكة الفنون**عرض نتائج التصويت.....كونوا على موعد مع التتويج قرييييبا

[fifiarch]

يومكم سعيد اخواتي ان شاء الله

نتمنى اني نكون لقيتكم كامل على خير....انو اموركم تمام....وانكم بصحة وعافية

صحيح انو غيابنا طال...وانو الظروف منعتنا العديد من المرات انو نكملو مشوارنا

لكن الاكيد انو دوما فيه ترقب وحماسة كما عهدنا من المشتركات معنا وحتى المشجعات لنا

كالعادة لا بد لنا ان نتذكر لمتنا وجمعتنا


***ملكة الفنون ***


اليوم موضوعنا راح يكون تمهيد لوضع النتائج النهائية ان شاء الله

شوي سوسبانس مرة اخرى

نقوم بعرض اعمال النهائي مع اسماء المبدعات لانو في السابق تم الطرح من غير معرفة صاحبات العمل

وهكذا نعدد الاعمال وعدد الاصوات المحصل عليها لكل عمل

ونترقب في القريب العاجل ان شاء الله التتويج للملكة....في رايكم من تكون

يعني بعد لانعرضو الصور والنتائج المحصل عليها في النهائي

ماذابيا كل وحدة تجاوبنا على هاذ السؤال

على حساب ما يقارب ال 5 اشهر من كوننا مع بعض وعائلة وحدة....وكل الاعمال لي كانت معنا

***من برايكن ستكون ملكة الفنون؟؟؟***

والان على بركة الله نستعرض اعمال النهائي وعدد الاصوات المحصل عليها لكل عمل

المشتركة 1--- ام حمزة

عدد الاصوات 34







المشتركة 2--- نور الاسلام 26

عدد الاصوات 4



المشتركة 3--- kika85

عدد الاصوات 71



المشتركة 4--- زينب 83

عدد الاصوات 97



المشتركة 5--- mimimouni

عدد الاصوات 9



المشتركة 6--- حب ووصال

عدد الاصوات 12



المشتركة 7 --- om sabrin

عدد الاصوات 1



هكذا اخواتي يكون الترتيب على حسب تصويتكم كالتالي

زينب 83
*
kika85
*
ام حمزة
*
حب ووصال
*
mimimouni
*
نور الاسلام 26
*
om sabrin

فهل في رايكم هذا ما سيكون عليه الحال مع ملكة الفنون

؟؟؟؟؟

الجوااااب قريبا ان شاء الله مع حفلة تتويج ستقام على شرف المشتركات

راكم كااامل معروضين ماتجيبوش الاولاد برك

[mimimouni]

اهلين وسهلين بيك اختي فيفي العزيزة الحمد لله كي شفناك بخير نتمنى تكوني في احسن الاحوال
ليك وحشة ولبنات كامل ليهم وحشة
ويصال وكيكا وام حمزة وام صابرين ونور نتمنى تكون لباس وزينب
حبيت نقول ي رانا كامل ملكات لانو عشنا اشهر مع بعض وتحدينا مع بعض واتعلمنا اي وحدة تفوز كامل نفرحو
ماكانش الخاسر كامل تعلمنا اشغال ماعمرنا ما جربناها
الفضل لله سبحانه وللغالية فيفي وللاستاذات نور ونهال وكيكا ... مانسيتش كاش وحدة هههه
في انتضار البقية

[ام حمزة22]

المشاركة الأصلية كتبت بواسطة mimimouni

اهلين وسهلين بيك اختي فيفي العزيزة الحمد لله كي شفناك بخير نتمنى تكوني في احسن الاحوال
ليك وحشة ولبنات كامل ليهم وحشة
ويصال وكيكا وام حمزة وام صابرين ونور نتمنى تكون لباس وزينب
حبيت نقول ي رانا كامل ملكات لانو عشنا اشهر مع بعض وتحدينا مع بعض واتعلمنا اي وحدة تفوز كامل نفرحو
ماكانش الخاسر كامل تعلمنا اشغال ماعمرنا ما جربناها
الفضل لله سبحانه وللغالية فيفي وللاستاذات نور ونهال وكيكا ... مانسيتش كاش وحدة هههه
في انتضار البقية

واش راكي ميمي انت تان لك وحشة مثل ما قلتي كلنا فاءزات ولولا هاد الدورة ما كنا خدمنا اجمل الاشياء لبيوتنا
ان شاء الله نتلاقاو في دورة اخرا مع الغالية فيغي

[ام حمزة22]

اهلييييييييييييييييين وسهليييييييييييييييين
والله ملي تعشيت وانا نحاول ندخل ندير رد ما قدرتش النت راهي مهبلتلي
المهم يعطيك الف صحة وعافية غالية وربي يقدرك على اعمالك
اولا فيما يخص السؤال انا وحدة ما نقدرش نجاوبك عليه لان كل وحدة فينا ولي مدة 4 اشهر قدمت اعمال رائعة و في القمة
اعلم ان الفوز لوحدة فينا لاكن اراى اننا كلنا ملكات ونستحق هاد اللقب
ادن اقول لجميع زميلاتي العزيزات مبروك التتويج ومبروك علبينا الحفلة وما تنساوش لبنات فيفي راهي تقوللكم حضور الحفل بدون اطفال انا عن نفسي ولادي كبرو وراهم كامل يسناو فالحفل
تحياتي للجميع
والله كتبت هاد الحروف وانا ميتة بالنعاس بووووووووووون نوييييييييييييييي

[زينب 83]

السلام عليكم
ههههههههه ، اهلين فيفي توحشناك حنونة ان شاء الله تكوني لاباس ، و ان شاء باقي المشاركات الحبيبات يكونو بخير ،

الصراحة الترتيب لي درتيه يعني تاع التصويت راح يكون مقلوب أكيد في النتائج النهائية لأنو صح من ناحية التصويت انا صاحبة اعلى نسبة ، لكن من ناحية العمل اكيد الاخوات تعبو اكثر مني و هما لي يستحقوا اللقب لانهم بداو المسابقة من الاول في حين انا لم أرها ، و في نفس هن مبدعات ماشاء الله كل وحدة و لمستها الرائعة لذا انا أراهن جميعا ملكات متوجات اما عن نفسي فأراها ربما وصيفة لملكة ، لكن مؤقتا فقط ههههههه في انتظار ورشات اخرى ،

شكرًا حبيبتي فيفي على كل ما قدمته و ما تقدمينه لهذا المنتدى دمت وفية لنا يا غالية

[ام حمزة22]

وينك حبيبتي ميمي انا شفتك وتفتحو عينية ما تقوليليش رحتي ترقدي وخليتيني نهدر وحدي

[زينب 83]

فيفي نسيت كاشما نجيبو معانا للحفلة قصدي بقلاوة ، قريوش ، مقروط وووووو اطلبي واتمني

[ام حمزة22]

اهليو زينب واش راكي
زينب حبيبتي ارواخي بلاتاي لان حفلات الغالية ما شاء الله انا حضرت لحفل منقبل والله حسيت روحي نتاع الصح فالحفل واش نحكي واش نخلي
هدا عصير وهادي قهوة وهدا شاي والانواع نتاع الحلويات مانقلكش عليها والله زهاتنا وانا كنت مثلك شاركت في اخر المسابقة واعطاتني الغالية لقب ضيفة شرف

[ام حمزة22]

لبنات راني ندور وحدي ونهدر وحدي
تصبحو بالف خير

[ام حمزة22]

راني نسمع فالتقربيع عند ام صبرين وقيلة مازال ما رقدتش ان شاء الله تدخل ونقعد ندردش معاها
ميمي طيرت عليا نعاس وهربت عليا

احلام سعيييييييدة بنااااااااات

[oum sabrin]

صباح الخير يا وجوه الخير يا احلى ملكات جمعتكم مباركة حبيباتي كل واحدة باسمها
على سلامتك غاليتي فيفي اتمنى تكون كل امورك تمام
واش نقولكم لبارح تبلوكالي لميكرو ما حب يجوزلي والو قعدت كونيكتي بصح بلا فايدة قلبي كامل كان معاكم
واش نقولك يا ام حمزة ولادي دارو حالة في الليل ما رقدو ما خلاونا نرقدو زاد الميكرو قالها قريب طلعت ليك نقسر ههههههههه راني نخمم كيفاه نديرلهم في الحفلة لي قالت فيفي بدون اطفال هادي ما نضملكش ههههه تقبلوني
اختي ميمي على سلامتك ليك وحشة كبيرة عزيزتي اتمنى تكوني على احسن حال و بصحة جيدة
عزيزتي كرونو الحمد لله كي راكي بخير شكرا على سؤالك عنا دائما

[kika85]

ههههههههه هاني جييييييييييت بتزاكرو من وراياااااااااا ديرو حفلة وما تعرضونيش عيب عليكم??????
عسولاتي راكم كامل ملكات الله يبارك واللمة الي كنا فيها بفرحها وبحزنها والله احلى لمة يكفي اننا كنا نتقلقو على اي واحدة تغيب علينا ونسقسو على الي مرضت فينا ونفرحو لفرح كل واحدة فينا ربي يخليكم ملمومين كيما كنا دايما ويدوم لمحية والعشرة والفضل هادا يعود لله ولفيفي الي خلقت هاد الجو من الاخوة.....عجبتني كيفاش دورتها فصحة هههههههه
فيفي معليش نجيب بنتي نديرها في صاكي حتى هي صغيرونة ما تبانش مسكينة كانت تظل تلوي في الحاشية معايا ومن بعد ما تحضرش??? وعلاش مسكينة

[ام حمزة22]

المشاركة الأصلية كتبت بواسطة oum sabrin

صباح الخير يا وجوه الخير يا احلى ملكات جمعتكم مباركة حبيباتي كل واحدة باسمها
على سلامتك غاليتي فيفي اتمنى تكون كل امورك تمام
واش نقولكم لبارح تبلوكالي لميكرو ما حب يجوزلي والو قعدت كونيكتي بصح بلا فايدة قلبي كامل كان معاكم
واش نقولك يا ام حمزة ولادي دارو حالة في الليل ما رقدو ما خلاونا نرقدو زاد الميكرو قالها قريب طلعت ليك نقسر ههههههههه راني نخمم كيفاه نديرلهم في الحفلة لي قالت فيفي بدون اطفال هادي ما نضملكش ههههه تقبلوني
اختي ميمي على سلامتك ليك وحشة كبيرة عزيزتي اتمنى تكوني على احسن حال و بصحة جيدة
عزيزتي كرونو الحمد لله كي راكي بخير شكرا على سؤالك عنا دائما
صباح الخيرات ام صبرين
انا البارح كنت ندور وحدي ما لقيت حتى واحد نسهر معاع لوكان غير جيتي قسرنا وشربنا لاتاي مع بعض
اما عن الاولاد يوم الحفل خليهم مع باباهم فيفي راهر تحدر فيكم حفل بدون اطفال

المشاركة الأصلية كتبت بواسطة kika85

ههههههههه هاني جييييييييييت بتزاكرو من وراياااااااااا ديرو حفلة وما تعرضونيش عيب عليكم??????
عسولاتي راكم كامل ملكات الله يبارك واللمة الي كنا فيها بفرحها وبحزنها والله احلى لمة يكفي اننا كنا نتقلقو على اي واحدة تغيب علينا ونسقسو على الي مرضت فينا ونفرحو لفرح كل واحدة فينا ربي يخليكم ملمومين كيما كنا دايما ويدوم لمحية والعشرة والفضل هادا يعود لله ولفيفي الي خلقت هاد الجو من الاخوة.....عجبتني كيفاش دورتها فصحة هههههههه
فيفي معليش نجيب بنتي نديرها في صاكي حتى هي صغيرونة ما تبانش مسكينة كانت تظل تلوي في الحاشية معايا ومن بعد ما تحضرش??? وعلاش مسكينة

عسلامتك يا لا لا ما راناش نزاكرو خلاص وقت المزاكرة هدا وقت الحفل واعطاء ااجوائز ولوكان ما جيش بكري يوم الحفل تصيبي الصالة معمرة وما يصحلكش وين تقعدي
كيكا الا بنتم عاقلة جيبيها نحطوها بيني وبينك باه ما تفيقلناش فيغي

[ام حمزة22]

غاليتي فيفي الا كان اليوم ااحفل ما تبدايش بكري باه نقدر نحضر كي العادة اليوم نروح عند اهلي نشوفهم حتى خواتاتي راهم بايتين واختي نتاع الصحراء جات في هاد االعطلة من عوايدها جي غير مالعام للعام

لبنات الا قدرت ندخل ندرب طلة ونشوف الا بدات الحفل


تحياتي للجميع

[mimimouni]

اهلين بيكم
العزيزة ام حمزة اكيد الغالية متبداش حتان تخبرنا كامل نكونو باذن الله مجموعين
بوه عليك يا كيكا بنتك على العين والراس رانا كامل عارضينها تجي بالشان والطبع علاه تغميها فالساك مسكينة
تزهيلنا الحفلة
اختي زينب الفوز باللقب ماهوش راح يدير فرق لانو الهدف الاول للدورة هي التعلم
والحمد لله كامل تعلمنا وتطبيقك خير دليل ورائع يعنى كامل فزنا
وكيما قالت ام حمزة زينا بيوتنا باشياء حنا اللي صنعناهم
خاصة طقم الكريات السحرية هبل كامل لي شافوه حسيت بالفرحة كي نحطه في السني تاع القهوة