سؤال خطير الى الزوجات

[sonia32]

السلام عليكم
سؤال طرحته على نفسي منذ ان تزوجت ماهي الامور الايجابية وما هي الامور السلبية في الزواج ركزت على السلبيات فسؤولية العائلة مسؤولية عظيمة وثقيلة وتشعر الانسان بالاختناق خاصة المراة فوظائفها في العائلة كثيرة وربما القليلات اللواتي نجحن في هذا المجال.........
وسؤالي للمتزوجات هل تشعرن بهذا الاحساس هل تشعرن انكن لستن احرار
صدق من قال للذي تزوج لقد دخلت الى القفص الذهبي والقفص هو سجن لا يهم معدنه المهم انه انسجن الى الابد
الزواج نعمة لمن يعرف قيمتها

[mrmilano1984]

هههه انا الحمد لله سيليباتار وافتخر وعندي وحدة خدامة تخدملي في شؤون البيت لول حمد لله تكنس تغسل وتطيب كي نكون خدام لول ونخلصها مليح ونعاملها معاملة جد حسنة وتغسل لي حوايجي ونعطلها مصروف العيد الصغير والكبير وهي مطلقة علي فكرة تزوجت 4 اشهر وطلقت مسكينة ياحليل واج تاع 100مليون مع لخر طلاق وخراب بلا مانحكيو علاش طلقت كارثة لو نحكيو عندها برك 22 سنة مسكينة

[sonia32]

المشاركة الأصلية كتبت بواسطة mrmilano1984

هههه انا الحمد لله سيليباتار وافتخر وعندي وحدة خدامة تخدملي في شؤون البيت لول حمد لله تكنس تغسل وتطيب كي نكون خدام لول ونخلصها مليح ونعاملها معاملة جد حسنة وتغسل لي حوايجي ونعطلها مصروف العيد الصغير والكبير وهي مطلقة علي فكرة تزوجت 4 اشهر وطلقت مسكينة ياحليل واج تاع 100مليون مع لخر طلاق وخراب بلا مانحكيو علاش طلقت كارثة لو نحكيو عندها برك 22 سنة مسكينة

عفوا اخي لم افهم هل انت الذي تزوجت وطلقت ام الخادمة هي المطلقة

[hadjer english]

راني معاااك اختي sonia32 انا ماشي غي نحس روحي مربوطة ومخنوقة تاني ساعات نقول كون مانلقاش خدمة نهبل مسؤولية الزوااج اكثر بكثييييير مما كنت اتوقع انا ماندمتش على الزواج بصح ندمت للي ماخدمتش قبل مانتزوج صعب جددا ان تشعريين انك خلقت فقطط للأواني الفارغة والمطبخ الله يفرج علينا

[sonia32]

المشاركة الأصلية كتبت بواسطة hadjer english

راني معاااك اختي sonia32 انا ماشي غي نحس روحي مربوطة ومخنوقة تاني ساعات نقول كون مانلقاش خدمة نهبل مسؤولية الزوااج اكثر بكثييييير مما كنت اتوقع انا ماندمتش على الزواج بصح ندمت للي ماخدمتش قبل مانتزوج صعب جددا ان تشعريين انك خلقت فقطط للأواني الفارغة والمطبخ الله يفرج علينا

عندك الحق حتى انا امنيتي اني نخدم ربما كي نخدم ننسى واشتغل بشيء مفيد

[النجمة القطبية]

بصراحة اختى سونيا لم اشعر بما تقولين ابدااا
فمنذ متى كانت المسؤولية تخنق المراة بالعكس البيت مملكة المراة
واذا شعرتي بالتعب اختى سونيا ارتاحي خذي قسطا من الراحة او اطلبي من زوجك نزهة
ثم يا صديقتي لديك زوجا تحبينه وابنا هو قطعة منك وبيتا تخدمينه الا تشعرين بعد كل هذا انك في نعمة ما الذي يسوءك يا صديقتي
اذا كنتى تريدين العمل فلا باس اتفقي مع زوجك وليكن عملا لا يضيع بيتك لعل هذا ما يرهق تفكيرك
اختى في الله اعتقد ان عليك ان تبحثي عن السبب الحقيقي لتعبك
قد يكون امور اخرى اغلبها نفسية لاني لا ارى ان يكون الزوج والاولاد سببا لتعب الزوجة والا ما تزوجت امراة ابداا
لعلك تحتاجين للنزهة وتغيير الجو او التقدير من الزوج والاهل او هناك ما ينغص عليك ناقشي الامر مع زوجك لتصلي لحل يريحك
موفقة

[sonia32]

المشاركة الأصلية كتبت بواسطة النجمة القطبية

بصراحة اختى سونيا لم اشعر بما تقولين ابدااا
فمنذ متى كانت المسؤولية تخنق المراة بالعكس البيت مملكة المراة
واذا شعرتي بالتعب اختى سونيا ارتاحي خذي قسطا من الراحة او اطلبي من زوجك نزهة
ثم يا صديقتي لديك زوجا تحبينه وابنا هو قطعة منك وبيتا تخدمينه الا تشعرين بعد كل هذا انك في نعمة ما الذي يسوءك يا صديقتي
اذا كنتى تريدين العمل فلا باس اتفقي مع زوجك وليكن عملا لا يضيع بيتك لعل هذا ما يرهق تفكيرك
اختى في الله اعتقد ان عليك ان تبحثي عن السبب الحقيقي لتعبك
قد يكون امور اخرى اغلبها نفسية لاني لا ارى ان يكون الزوج والاولاد سببا لتعب الزوجة والا ما تزوجت امراة ابداا
لعلك تحتاجين للنزهة وتغيير الجو او التقدير من الزوج والاهل او هناك ما ينغص عليك ناقشي الامر مع زوجك لتصلي لحل يريحك
موفقة

والله يا اختي الانسان ماينطق الا عندما تصل به الى نقطة الانفجار وانا انفجرت فقررت ان اكتب لانه لا احد يسمعني ويشعر بي

[النجمة القطبية]

المشاركة الأصلية كتبت بواسطة sonia32

والله يا اختي الانسان ماينطق الا عندما تصل به الى نقطة الانفجار وانا انفجرت فقررت ان اكتب لانه لا احد يسمعني ويشعر بي

ربي يفرج همك اختى
صح العايلة الكبيرة مسؤولية ثقيلة
لكن ننصحك اختى اخدمي قدرك قدر صحتك كما يقول المثل لنفسك عليك حق
وحاولي تخلي زوجك يحمل عنك جزء من المسؤولية ويخفف عليك
وربي يرزقك الفرج عاجل غير اجل

[kamel76]

المشاركة الأصلية كتبت بواسطة hadjer english

راني معاااك اختي sonia32 انا ماشي غي نحس روحي مربوطة ومخنوقة تاني ساعات نقول كون مانلقاش خدمة نهبل مسؤولية الزوااج اكثر بكثييييير مما كنت اتوقع انا ماندمتش على الزواج بصح ندمت للي ماخدمتش قبل مانتزوج صعب جددا ان تشعريين انك خلقت فقطط للأواني الفارغة والمطبخ الله يفرج علينا

فهمت من كلامك و الله أعلم انك تريدين عملا للهرب من مشاكل الزوجية

[sonia32]

المشاركة الأصلية كتبت بواسطة kamel76

فهمت من كلامك و الله أعلم انك تريدين عملا للهرب من مشاكل الزوجية

العمل هو متنفس لنا ليس معناه الهرب والعمل يجعلنا لدينا قيمة

[hadjer english]

المشاركة الأصلية كتبت بواسطة kamel76

فهمت من كلامك و الله أعلم انك تريدين عملا للهرب من مشاكل الزوجية

أرييد العمل لأكون مستقلة ولي حياتي الخاصة غيير مرتبطة بأي احد حتى لوكاان زوجي

[*سندوسة*]

وعلاه راكم تخوفو فينا من الزواج ههه

ربي يكون معاكم اختي كنت نضحك برك بصح شوفي الايجابيات واستمتعي بحياتك خير ملي تقعدي تندمي على لي فات وعلى لي راه يفوت

[sonia32]

المشاركة الأصلية كتبت بواسطة سندوسة يسمين";3993409485][b][i][color="navy

وعلاه راكم تخوفو فينا من الزواج ههه

ربي يكون معاكم اختي كنت نضحك برك بصح شوفي الايجابيات واستمتعي بحياتك خير ملي تقعدي تندمي على لي فات وعلى لي راه يفوت[/color][/i][/b]

تضحكي علينا هاه درك تجربي و تشوفي كي يعود عندك صغير وتكون تعبانة و حابة ترقدي وهو نهار كامل وهو راقد وفي الليل يطلق السفارة واش ديري

[mrmilano1984]

لا لا لا اني عازب مش مزوج وهي المطلقة اي divorce مند فترة قصيرة راها تعمل عندي ومزية ماعندهاش ولد معاه سينون اشكال ثاني وراها حامدة ربي كي تطلقت تهنات من كابوس كبير مع زوجها المهم راها تخدم بعد ماعائلتها تشاجرت معاهم علي جال امر الزواج لول وراها عندي تعمل مند 4 اشهر وباخلاص ووفاء وجدية ونعطلها هدايا من داك ومصروف كي تسحق قالك عاملهمن بالمعروف الوليات لول

[النجمة القطبية]

المشاركة الأصلية كتبت بواسطة mrmilano1984

لا لا لا اني عازب مش مزوج وهي المطلقة اي divorce مند فترة قصيرة راها تعمل عندي ومزية ماعندهاش ولد معاه سينون اشكال ثاني وراها حامدة ربي كي تطلقت تهنات من كابوس كبير مع زوجها المهم راها تخدم بعد ماعائلتها تشاجرت معاهم علي جال امر الزواج لول وراها عندي تعمل مند 4 اشهر وباخلاص ووفاء وجدية ونعطلها هدايا من داك ومصروف كي تسحق قالك عاملهمن بالمعروف الوليات لول

يا اخي الكريم
اتق الله في نفسك
اولا اسلوبك في نوع من الاستهزاء والسخرية والا ما دخل لول هنا
ثم كيف توضف امراة مطلقة وصغيرة على قولك وانت اعزب وزيد تقول الحمد لله وكان دور المراة ينحسر في الخدمة
ثم من اين اتيت بتفاصيل حياتها وطلاقها هي حكاتلك مثلا
ولا ادري بما يخدم موضوع الخادمة القصة اعلاه