احتاج نصائكم

[sinyourita]

السلام عليكم
حابة نشكيلكم شوي بون انا لعام ليفات بلوكيت وحبيت نوصل للهدف تاعي مي للاسسف هبطت علي معدلي تصدمت ولحد الان مصدومة
درت تخصص علوم الاقصاد وللاسف معجبنيش كل يوم نروح نسجل حضوري ومعباليش اصلا واش يقراو حاولت نتبع ونفهم مي لقيت روحي نكره هذا البرونش
من جهة اخري حابة نعاود الباك مي مانيش حابة نكمل في لافاك بليز واش تنصحوني
نبلوكي مرة ثانية ونتبع حلمي
ولا نقرا في الجامعة ونعاود علما انو هذا الشيء صعيب جدا لانو حالة الاقامة كارثية

[Hou Da Lar]

شوفي نتي و طاقتك ادا تنجمي تقريلهم لزوج متبلوكيش و ادا منجمتيش بلوكي مي زبري روحك باه تجيبي كتر

[karouma33]

ننصحك لأني مجربها اذا كنتي ماراكيش حابة واش راكي تقراي ماكالاه تبقاي ضيعي وقتك فيه لأنك حتى لوكان نجحتي راح تبقاي تحسي في روحك مادرتي والو خاطر أصلا التخصص ماراكيش بغياتو و بحكم أنك في اقامة و بعيدة على دارك رح تجيك صعيبة أكثر أنا حسب رايي زيدي بلوكي العام و ديري الماكسيموم تيعك باش توصلي للمعدل لي تحوسي عليه ان شاء الله و في نفس الوقت ديري في حسابك انو وارد أنك ماتوصليش لاقدر الله زيدي ابحثي و سقسي و شوفي التخصص اللي أقرب ليك و العام الجاي ديريه باش ماتبقايش تضيعي في الأعوام و ربي يوفقك