|
|
|
|||||||
| قسم الطبخ و المأكولات لتبادل الخبرات في مجال الطبخ والأطباق المتنوعة الجزائرية و العربية ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
 |
|
|
أدوات الموضوع | انواع عرض الموضوع |
|
|
2014-04-20, 08:09
|
رقم المشاركة : 1 | ||||
|
وصفات ام محمد تاج
ليزافار والمخ مشرملين ( شفتو ندلل فيهم خخخخخخخخخخخ) امربعات بالليموووووون هباااااااااااااااااالنقي المخ مليح وليزافار قشريهم وقصيهم رونديلات والمخ قصيه طراف وحطيهم في مقلة فيها شوي زبدة وشوي زيت وملحي وشوي فلفل اسود وثوم اربع سنات حطيهم على النار كي يبدا يغلي نقصي وساعة ساعة قلبي ضرك يطلقو الماء تاعهم وخليهم يطيبو في غرضهم حتان يخثارو نحيهم واعصري عليهم عصرة قارص وزيني بالدبشة ولا المعدنوووس وشهية طيبة   عش العصفور ام محمد تاج العجينة: 3كيلات فرينة وكيلة سمن نصها مارغارين ونصها سمن ورشة ملح وزوج مغارف سكر قلاصي وبيضة ونلم بماء الزهر نلوزها ونخليها ترتاح مليح كل مارتاحت كل ماتعبكش في الخدمة نحلها ماشي رقيقة وماشي خشينة ونحطها في لي مول . الحشو: 200غ كاوكاو مقلي بالقشور و600غ مقشر ومقلي وثلاث مغارف سكر عادي وزوج مغارف مارغارين طرية وفاني ومغرف كبيرة اكستري تاع الكارامال ونلم بالبيض ومالازمش تجي جارية ولا يابسة ونخليها ليلة تبات وباقي الطريقة راهي موضحتها الحبيبة فلة في الرابط وكي طيب نعسلها مرتين وكي نحط المكسرات في التزيين نسخن شوي جولي وندهن برفق من فوق ونذرذر شوي بريو دوري وخلالالالالاص ولا نذرذر حبيبات فضية الصغيرة   فلفل مرقد في الكوكوط ام محمد تاج اغسلي ونقي الفلفل تاعك ونحيلو الراس والزريعة وقصيه قطع كبار وحطيه في الكوكوط وفرغي عليه كاس خل وكاس زيت ولي تحب زبت الزيتون دير نص كاس زيت عادي ونص كاس زيت الزيتون وملحي وخلطي مرة وحدة واغلقي الكوكوط وخليها على نار هادئة مدة 15 دقيقة وحلي عليها ونحيه من الكوكوط بلاصوص تاعو وستفيه في صحن غامق ومن جهة رابي طماطم وثوم كثري وشوي كمون وعدلي الملح تاع الفلفل اذا خاص زيدي في الطماطم خلطي مليح ولوحيها على الفلفل لازم يغرق وحركي بلطف باش الصوص تدخل بين الفلفلات وخلاص وحطيه يبات وهو كل مايبات يجي رووووو حميص الفووور روووووعة فرشي قطعة من ورق اللومينيوم وحطي فيها فلفلة حارة وفلفلة حلوة وثلاث سنات ثوم بالقشور وحبة طماطم كبيرة وشكلي الالومينيوم على شكل صحن باش ما تتوسخلكش الكويزينيار وحطيه في الفرن لتحت خلاص يعني على قاعدة الفرن واغلقي الفرن وساعة ساعة قلبيه حتان يتشواو مبعد نحيهم وقشريهم وقطعيهم رقيق والثوم اكيد قشريه وحطيهم في صحن وملحيهم وضيفي الخل وزيت الزيتووون صدقوني ممممممممممممم ولي ماتحبش تفرش الالومينيوم ماتفرشوش تحط ديراكت على قاعدة الفرن وانا ضربت عصفورين بحجر واحد الارنوبة طيب الفوق والحميص تحت ملاحظة اذا الطمطومة ماطابتش كي تنحي الفلفلات والثوم غلفيها بهذاك الالومينيوم ورديها طيب مليح وشهية طيبة وصفة الخبز للعسولة ام محمد تاج  حنونتي ديري الدقيق تاعك قيس قرصة كيما موالفة ندير معاها زوج مغارف لحظة وفنجال زيت وفنحال ماء الزهر وثلاث مغارف صغارخميرة الكسرة وزوج مغارف صغار سكر وزوج مغارف صغارملح وبيضة والماء الدافي للعجن والصراحة انا نعحن بالبيترا وحتى باليد يجي يهبل اعجني مليح وخليه يطلع ومبعد قرصية وديريلو البيض من فوق ورشيه بشوي سكر والجلجلانية انا ماكانتش عندي وخليه يطلع مليح وطيبيه على نار قاوية كاشير ام تاجوووووووووو كيلي خمس مغارف كبار روووز وحطيه يغلي وملحي شوي برك من جهة خبطي ثلاث بيضات ومعاهم خمس مغارف دقيق وباكي جومبو دجاج ورشة فلفل اسود ومغرف صغيرة كسبر ومغرف صغيرة راس الحانوت ومغرف صغيرة هريسة ونص مغرف كموووون وثلاث سنينات ثوووم كبار ورشة فلفل احمر حاارولي ماتحبش دير الحلو عادي كي يطيب الروز خليه يبرد شوي وخلطيه مع خليط البيض وضيفي الملون الاحمر وابداي لوحي الخليط في كيس السباغيتي ومرة الزيتون الاخضر ومرة فروماج مثلثات وهكذا حتان تكملي الخليط واغلقيه مليح بالخيط وحطيه يغلي ساعة والحمد لله بالمناسبة هاذ الكمية تقطعلك باكي سباغيتي بالتماااااااااام   لمشلوش طيبي الفطير تاعك يعني الشخشوخة ورولي مثلا كل اربع ورقات ولا خمسة مع بعضاهم وقيصم بالموس رقاق كي تكمليكامل الفطير تاعك حطيه يفور مرة والمرة الثانية بخيه بالحليب وماء الزهر وشوفي الطراوة تاعو يعني كلش كلش تفويرتين بالبخاخ تاعهم كي تفوريها لوحيها تتسمغ في الزبدة والعسل حسب الذوق وكاين لي يذوب في الزبدة والعسل شوي غرس وكي تسمغيه لوحي فيه كمشة جوووز وزينيه بقطع الجوز والسكر قلاصي وصفة بوسو لاتمسو لي ام محمد تاج زوج كيلات زبدة طرية نص كاس تاي حلب مع ماء الزهر مخلطين زاست تاع القارص كسب الذوق نص كاس نواد كوكو نص كاس كاوكاو مرحي رقيق والفرينة لمي بيها بصح العجينة تجي طرية بزاف ماتجيش يابسة شكليه حربوووش وقصيه مقروضات وحطيهم يطيبو كي يطيبو لوحيهه في ماء الزهر والسكر قلاصي حتان يتغطى كامل قاطو الفرماج للاخت ام محمد تاج 250 غ مارغارين طرية زيديلها اربع فرماجات لافاش كيري خبطي مليح ومبعد لميه بالفرينة شكليه الشكل لي تحبي وطيبيه وكي يطيب سخني عسل ولوحي الحبات في العسل وعاودي مرمديم فيالقوفريط مرحي وكي تجي تحطيه ذرذري عليه السكر قلاص بالصفاية وخطوط الشوكولاتة وصفة صابلي بالعسل  ثلاث بيضات ضربيهم مع زوج مغارف كبار سكر وخمس مغارف كبار عسل ورشة ملح ورشة فاني خبطي مليح حتان يذوب السكر وزيدي كاس متوسط زيت وثلاث مغارف معمرين زبدة طرية وراني ناكد حبيباتي راه عندنا ثلاث بيضات يعني الزيت يكون الكاس متوسط مايش كبير ونخبط مليح ونزيد باكي خميرة وثلاث مغارف نشا والفرينة حتان تتلم ندير العجينة في كيس ونخليها ترتاح عشر دقائق ونطبعها ونطيبها ونلصقها بالمعجون وعلى لحواشي نسخن شوي عسل وندهن على لحواشي ونلصق القوفريط مرحي من الاحسن ذوق الشوكولاطة قراتان الكبدة تاع الجاج والباطاطا لام محمد تاج في مقلة نقلي بصلة وثلاث سنينات ثوم كي يتقلاو نظيفلهم الكبدة تاع الجاج مقطعة مربعات ونملح وندير فلفل اسود وفلفل حار احمر نقص للنار باش تطلق الماء تاعها ونطفي يعني نخلي فيها الماء ونظيف معدنوس مقطع من جهة اخرى نقلي زوج حبات باطاطا كبار نقصها دوائر ونوجد لابيشامال تاعي في مول الفرن نحط البطاطا كامل ونحط عليها الكبدة بالصوص تاعها ونحط عليها لابيشامال ونطيبها مممممم كي تحمار لابيشامال نقطع القراتان مربعات ونحطو في الصحن وراح نلاحظو لاصوص خثارت وهبطت لتحت كي نحطها في الصحن نسيح عليها هاذيك لاصوص لي بقات في المول وشهية طيبة  بربوشة الشاوية رابي بصلة معاها زوج طماطمات وسنينات ثوم حطيهم في البرمة تاع التفوار لازم +ملح وزيدي شوي زيت ومورصو شحمة اذا حابة ومغرف صغيرة كليلة اختيارية اذا حابة وداويها غير بالكسبر فقط خليهم يتقلاو ومرقي غير شوي وغليها كي تغلي لوحي الخضرة تاعك لي تحبي بطاطا مثلا وجريوات ولفت وكابويا وفول يابس وكي تبدا تغلي فوري البربوشة تاعك في البرمة لي راكي طيبي فيها راهي راح تمد نكهة خطيرة للبربوشة فوري المرة الاولى وزيدي الثانية عادي وخلي المرقة تاعك تشرب مليح يعني يبقى عندك حوالي كاس ونص مرقة وقبل ماطفي النار لوحي فيها فلفل حار وطفي غلي حليب لحظة يجي بيها خيرمن الحليب العادي وخثريها مليح ولوحيها في المرقة وذوقي ملح البربوشة مع المرقة والبربوشة كي تفورالتفويرة الاخيرة صمغيها بشوي دهان جديد وخلاص بالصحة ولهنا حبيبتي واذا حابيتيها حمرا شوي عادي تقدري ديريلها نص مغرف كبيرة طماطم الباط تخرج تهبل ثاني   وهذا المطبق الخليجي والله هبال هبال ويصلح في دقيقة مثلا للعشا ولا كنتي حاصلةوالعجينة تبقى طرية ممممممممم تهبل تهبل  .  هاهو رابط المطبق ولحبيباتي بصح انا درت زوج بيضات وزوج كيسان فرينة والملح والماء حبيباتي والحشو درت شوي لحم مرحي ذبلتوةفي الزبدة والبطاطا مربعات مقلية وجريوات مقلية مربعات ومعدنوسبصلة مقطعة مربعات وفروماج وجريتها بالبيض حبيباتي هاذ الكمية قطعتلي 8 حبات ونصيحتي ديرو معاها حاجة مثلا تغميسة ولا صوص حارة وانا من رايي تمشي مع لي سووووب مممممممم نلى خاطر جات شايحة بصح البنة هبااااال ونصيحتي الثانية عمروها بالقارص راه لازمها ويمدلها بنة رهيبة وراهي وصفة ساهلة وتصلح للعش طريقة ام محمد تاج في التليلي 250غ مارغارين - 5 مغارف كاكاو- 2 كيسان سكر عادي- 2 كيسان فرينة - 2 خميرة وكاس ماء و6 بيضاتمرقو حبيباتي مرقة حمراء ولا بيضا في زوج يصلحو بالجاج ولا باللحم لحمر لكن الاختير وخثروها وخليو منها تقريبا زوج كيسان لزوم نجمرو التليتلي تاعنا ونكونو طيبنا الحمص ونحمرو اللحم تاعنا مع البطاطا مقطعة دوائر ولا براجات لزوم التزييين والبيض نغليه كي نفورو التليتلي وضرك تفوار التليتلي حبيباتي كي نجي ندير تليتلي ابيض نحي ثلث اشكارة تاع التليتلي ونحمرها في المقلة معها شوي زبدة حتان يحما رالتليتلي ونردو على باقي التليتلي الابيض ونزيت مرة وحده ونحطو يفور كي يفور نبخو بالماء ونخليه يتشرب مليح ونزيد نزيتو ونفورو ونزيد نبخو ونزيتو وهكذا حتان نوصل لتقريبا اربع تفويرات وحبيباتي كاين تليتلي يفور بسهولة وكاين اي يطول يعني التفويرةةالاخيرة ذوقو اذاةطرا خلالالالاص ملحوه وردوه يزيد يفور الفويرة تاع الملح من جهة صفيو المرقة تاعكم وحطو فيهاةالليتلي يتجمر وخلطو باش مايلصقش وكي تبقى لاصوص فيه غير شوي طفيو ولوحو مورصو زبدة وخليوه يكمل التجمار مممممممممم كي تجيو تسربيو حطو التليتلي في الصحن ورابيو البيض وحطو لحميصة والبطاطا محمرة واللحم محمر كيما حاطة في الصورة ولا كل وحدة ولمستها في التزييين حبيباتي كتش سؤال راني هنا نحبكم ياغاليات والعيب مايش في لي ماتعرفش العيب فلي تعرف وتبخل مع حبي وشوربة لسان العصفور ماناش مشهورين بيها ناس الشرق وماعندناش عجائن ختصة بلسان العصفور وكي نحب نوع ندير الشوربة بالتليتلي وتخرج رووووووعة عصير الموز على طريقة ام تاجوووووووو اربع موزات نقصهم ونحطهم في الميكسور ونزيدلهم زوج مغارف سكر وعصير نص قارصة وكاس حليب وكاس عصير رامي برتقال وبرتقالة كبيرة ومغرف كبيرة شانتيي غبرة ونخبط و خلالالاص والله جاوني الضياف شربو منو هبلو عليه النيقروووووووووو حبيباتي في كاسرونة حطي الزبدة والسكر والكاكاو وكاس الماء وحطيهم فوق النار حتان يغليو كي يغلي نحي قيس كاس وحطيه على جنب ولي بقى في الكاسرونة نحيها من على النارو ضيفي صفار البيض وخبطي بالباتور باش مايطيبش البيض والفرينة ولخميرة ومن جهة طلعي بياضالبيض مثل الثلج وضيفي برفق في خليط الفرينة وحطيه يطيب في مول مدهون بالزبدة والفرينة وكي يطيب قصيه في البلاطو مربعات واسقيه بالخليط التالي شفتي هذاك الكاس لي نحيتيه رديه نلى النار وزيديلو باطة شيكولا واسقي بيه النيقرو تاعك وشهي طيبة حبيباتي وراهي وصفة تهبل تهبل تهبل حبيباتي طاجين المخفي على طريقة امي الله يرحمها يارب حبيباتي نحتاجو مرقة بيضا عادي ونطيب فيها جيهة وحدة من صدر الدجاج وشوي لحم باش نشبحو بيه كي يطيب اللحم وتوجد المرقة نحي الصدر ونرحيه بالفرشيطة ونخلط معاه اربع فرماجات وشوي معدنوووس وفلفل احمر مرحي ونعجنهم باليد احسن ونخليهم بجيهة نقلي ثلاث بطاطات كبار على شكل دوائر ونحمرهم مليح ونحكم كمية من الصدر ونعملو خبزات ونحط كل خبزة على رونديلة بطاطا ونغلق برونديلا اخرى وهكذا حتان نكمل ونغلق البطاطات ونعدلهم باليد ونوجد بيض وفرينة وعدنوس وملح وفلفل اسود كيما نعملو بيض الالبروكلو بصح هاذي تجي شوي خاثرة ونغمس الحبات تاعنا ونقليهم ونحمرهم نجيو للتقديم نحط البطاطات ولازم نسخن المرقة مليح ونحط في الوسط زيتون او حمص لكي الاختيار ولازم نسيح المرق على المخفي تاعنا على مرتين باش تتشرب ونزين بالمعدنوس وعصرة قارص ممممممم والله مايتشبع على ضمانتي حبيباتي وهام الصور تبين اكثر ضرك نلحق الصور وااااع ههههههه إ.     .     دوبارة الغالية ام محمد تاج  فيوزة حنونتي الوصفة مزيج من مخماخاتي ومزيج من وصفة ام كوثر ومكيج من وصفة الحبيبة ام اياد الغالية وخرجتلي دوبارة والله زوجي ماصدقش بلي خدمتها حسبها مشرية راهي طبق الاصل شوفي حبيبتي ديري الحمص تاعك فيةالكوكوط وملحيه وغطيه بالماء ومغرف زيت باش مايفورش واغلقي عليه يطيب من جهة قطعي بصلة كبيرة ولا زوج صغار ورابي زوج طماطمات وثلاث سنينات ثووم كبااار ربيهم وحطيهم بجيهة واذا ماعندكش الاولاد الصغار قطعي فيها فلفل حار راهي بنتها في الفلفل الحار وزيدي قطعي القارص مكعبات وجديه ونجيو للدرسة في الميكسور حطي بصلة صغيرة ومغرف زيت الزيتون ومغرف زيت عادي وطماطمة ومغرف كبيرة طماطم الكونسارف ومغرف صغيرة هريسة وخبطيهم وحطيهم بجيهة كي يطيب الحمص تاعك نحي منو مقدار نص كاس بالمرقة تاعو وارحيه ورديه في الكوكوط مع الحمص لي طاب ولوحي خليط البصلة المقطعة والطماطم وذوقي الملح وزيدي زوج مغارف تاع الدرسة ومكعبات القارص ونص مغرف كبيرة كمووووون وخليها مثلا ربع ساعة قبلةالتقديم وديري الخطوة الاخيرة لي قتلك عليها وكي تقدميه حطي الحمص في الصحن وغرقيه بزيت الزيتوون ممممم نموت عليها ومغرف كبيرة درسة في النص واذا تحبوو الدبشه والمعدنووس ديري شوي انا تاوعي مايحبوهمش وااااااااااخ وخلالالاص احلى دوبارة لاحلة فيووووووووز الميرلو حبيبتي ام ماجد الميرلو ملحيه واقليه في شوي زبدة برك ونحيه وخليه يبرد مليح وقطعيه مربعات بلطف وشتي هذيك لاصوص لي قليتي فيها حطيها تسخن وصبي عليها لاكرام فراش ملحي وزيدي فلفل اسود وردي فيها مربعات الميرلو وخليها بجيهة وفوري الروز تاعك وسمغيه مليح بالزبدة ستار وحطي لكل واحد مقدار من الروز وفي الوسط حطي كمية من صوص الكرام مع الميرلو والله على ض مانتي هباال هبااال الوصفة تاع ام محمد تاج 2بيضات وزوج مغارف معمرين سكر عادي وفاني ومغرف صغيرة كاكاو ومغرف كبيرة زيت واربع مغارف حليب ونص باكي خميرة وحطيها في الكيسان ولا صحونة خاصين ومدهونين بالزبدة والفرينة وحطيه ثلاث دقايق وانا زدت ثلاث دقايق خريييين : كي طيب نحيها وذرذري عليها السكر قلاصي مسمنات ام محمد تاج حبيباتي نطيب المسمنات كل وحدة وحدها ونحطهم فوق بعضاهم باش يطراو ويجيو ساهلين للخدمة ونحل ورقة وحدة ونحط عليها الزبدة والسكر ونطبقها ونزيد نحل الورقة الثانية وندير عليها العسل ونحط عليها المطبقة ونطبق مرة اخرى ونحطهم يطيبووووو  حبيباتي الصورتوضح اكثر  . .    .   وصفة الترافل  العجينة: 500غ مارغارين طرية+ 400غ سكر قلاصي+ فاني +150 غ نشا+ 3بيض+ باكي خميرة وبشور ثلاث قارصااااات والفرينة لمي بيها واطبعيها دي ترافل وطيبيهم وكي يطيبو لصقي كل زوج حبات بالكريمة التالية وزيني بالقلاصاج التالي الكريمة: مارغارين طرية وعصير قارصة والسكر قلاصي حسب الذوق وملون اصفر خبطي كلش مع بعضاه حتان تتحصلي على كريمة حطيها تبردشوي وتتماسك ولصقي بيها القاطو وديريلو القلاصاج التالي القلاصاج: عصير زوج قارصات ومغر كبيرة زيت وفاني وزوج مغارف ما الزهر تاعو كانك تاكلي في تارت الليمووون ممممممممممم محجوبة البرنوس نحلو ورقة تاع مسمن وجهد ما طيب نقلبوها على بياض ونحط عليها تقريبا مغرف كبيرة حشوة المحجوبة ونزيد نحط عليها ورقة وحدة ونقلب ونزيد مغرف ونزيد عليها الحشو وورقة وحدة ونقلب وهكذا حتان تكملي انت وواشتحبي الخشن تاعها انا نستعمل في كل برنوووس خمس ورقات وهام ليكم الصور يفسرو اكثر وكاش سؤال راني في الخدمة    وهاذي النتيجة حبيباتي  خبز التوست لام محمد تاج 300غ فرينة وزوج مغارف مملوئين دقيق وزوج مغارف صغار خميرة الكسرة وباكي خميرة القاطوووو وزوج مغارف زييييت ومغرف صغيرة ملح ومغرف كبيرة سكر لميها بالما والحليب واعجني وخليها تخمر وكي تخمر عاودي ادلكيها بمغرف صغيرة زبدة وحليها بالقنوووط وروليها مليح وحطيها في مول الكايك مدهووووووون وخليها تتخمر حتان توصل لحواشي المول رشيها بالجلجلانية وحطيها طيب حتان تحماااار انتظرو ساندويتشاتي نياهاهاهاهاهاااااااااا تاع ااشرااااااار  .  .   .  .   مربعات الليمون لام محمد تاج العجينة: 250غ مارغارين طرية+ كاس سكر عادي+ 2 ملاعق أكل عسل كبار+ 3 ملاعق أكل حليب + 50 غ كاكاو أسود+ 2 ملاعق صغار ومملوئين بيكاربونات و4 بيضات ولمي بالفرينة ومبعد أقسمي العجينة الى قسمين وطيبي كل قسم على ظهر السنيوة وأثقبي وطيبيها والخشن ماترققيش بزاف وماتخشنيشبين بين وبين وكي يطيبو الطبقات حاذري راهم يتفتتو لازم كي تخرجيها وهي سخونة وطرية نحيها وحطيها في بلا وطيبي الطبقة الثانية وظهر السنيوة أدهنيه وديريلو شوي فرينة كي تكملي الطبقات تاعك أحشيهم بالكريمة التالية: نصف لتر ماء نقصي منو كاس وعوضيه بعصير الليمون وكاس سكر عادي و3 مغارف كبار نشاء وزوج صفار بيض وطيبيها حتان تخثار كي تخثار خليها تبرد مليح وأحشي بيها القاطووو والتزيين ذوبي الشوكولاتة وديريها على الوجه وزيني حسب الرغبة وشهية طيبة صوص بالكرام فراش ل ام محمد تاجحنونتي شتي صوص الجاج كي يطيب في الفرن مثلا في الألومينيوم ولا في الأكياس كي تفوت عليه ساعة نحي الصوص لي طلقتها الجاجة وصفيها وسخنيها وضيفي عليها لاكرام فراش غير تهز غلية وطفي وتكون عندك صوص بلاكرام فراااش منكهة ممممممممممممممم وحتى حنونتي كي تقلي اللحم ويتحمر مليييح هذيك الزيت المحرووقة لي تبقى في المقلة ضيفيلها شوي ماء تولي صوص بني ضيفيلها لاكرام فراااش وترجع عندك صووص حطيها على اللحم لي تقلى شاوارما من مطبخي وطريقتي لأربع أشخاص: 400غ فرينة ثلاث مغارف صغار خميرة الكسرة ومغرف صغيرة سكر ومغرف صغيرة ملح ومغرف كبيرة زيت أعجنيهم مليح ماتجيش جارية ومايجيش ناشفة مليحة حطيها تطلع وكي تطلع قرصيها أربع قرصات على الفرينة وشعلي طاجين الشخشوخة يسخن مليح على نار خفيفة كي يسخن أبداي حلي القرصات بالقنووط أي الحلال وهزيهم بواسطة الحلال وحطيهم يطيبو من الجيهتين وكي تنحيهم حطيهم في ساشي تاع النيلو باش يطراو ومايتكسروش كي تجي تروليهم التغميسة ياخي تعرفيها حنونتي وصدر الجاج قصيتو رقيق وتبلتووو وخليتو أربع سوايع ومبعد قليتو حختان نشف بطاطا مقلية كرم مقطع سلاطة مقطة فروماج للدهن مايوناز بصلة الشلوط حلقات ولافينيقرات كي تخلصي وتجي تروليها اسقيها بلافينيقرات مممممممم ورولي وأضغطي وقصي ودجيري في الألومينيوم باش ماتخرجش الحشوة من تحت نشالله نكون وفيت كاش سؤال راني هنا حقة كي تجي تحشيها أدهني سع القرصة بالفروماج وحطي باقي المقادير كيما تحبي وماتنسايش الفينيقرات راهي ماتخليهاش شايحة  دوزان العرضات شخشوخة لستين معرووووووووووض 18 نكيلو شخشوخة ماتخافوش راهي تبقى بصح الاحتياط واجب 65 سهمة لحم للاحتياط 11 نبصلة متوسطين 11 طماطم كبيرة حمراء 8 ريوس ثووووم 3 مغارف كبار فلفل أحمر حار مرحي 2 مغارف كبار فلفل أسود 6 مغارف كبار كسبر 6 مغارف كبار راس الحانوت والزيت عينك ميزانك على خاطر اللحم راح يطلق الدسم تاعو وباطة تاع كيلو طمامط كونسارف ونص باطة هريسة ورطل حمص يفوتلك و250 غ زبيب مفور ومبعد نحيه بجيهة وزيديلو مرقة الشخشوخة يغلي فيها نخليوه للتزيين برك كاش سؤال راني في الخدمة أم محمد تاج حبيبتي أم نهال الغالية شفتك كي حطيتي طلب وصفات بالكرام فراش والله نسيت نحطلك عندي شوي شوفي اول روسات: أرحي صدر الجاج مع بصلة صغيرة وثوم ومعدنوس وفلفل أسود وملح أكيد خلطيهم مليح وديريهم خبيزات كيما تحبي الحجم تاعهم وأقليهم حتان يطيبو ويحمارو وفي نفس المقلة صبي الكرام فراش تاعك عليهم وخليها تهز غلية وطفي وقدميها وزينيها بالشومبينيو والمعدنوووس ممممم يموت عليها زوجي ح والكوتلات بالكرام فراش: حطي لي كوتلات تاعك في الكوكوط ونقصي وملحي وديري شوي فلفل أسود وكي يبداو يطلقو الماء تاعم لوحي البطاطا الصغيرة تاعك وأغلقي الكوكوط بصح على نار هادئة خلالالاص مدة ربع ساعة ومبعد حلي عليها وأبداي قلبي في اللحم والبطاطا وقوي شوي للنار باش يحمارو مليح مبعد نحي كلش وهذيك الزيت وليدام تاع لكوطلات لوحي فيهم كرام فراش مخففة بشوي ماء وضر ترجع بني وخلطي مليح حتان تتجانس النكهات وزيني الصحن تاعك بالكوتلات والبطاطا وسيحي عليهم صوص الكرام فراش بوراك لاكرام فراش قلي بصلة صغيرة مع شوي لحم مرحي وملح وفلفل أسود كي يطيبو لوحي عليهم شوي معدنوس وخليهم بجيهة ومن جهة أخرى غلي حبة بطاطا وملحيها كي طيب صفيها مليح من الماء تاعها وأرحيها غير بالفرشيطة ضيفيلها أربع فرماجات ومعدنوس نموت عليه في البوراك وبيضة وملح وفلفل أسود ونص كاس كرام فراش راح يجيك الخليط جاري ماتخافيش ضيفيلو اللحم تاعك وحطيه في الثلاجة حتان يبرد مليح ويتماسك ومايش راح يتماسك بزاف ماتخلعيش كي يبرد حطي مقدار ثلاث مغارف من الحشو ولفي البوراكة تاعك وحطيها طيب وضرك كي طيب تحكم روحها لاكرام فراش ويصبح هكذا والله بنة هايلة وتغييير مممممم وماتنسايش القارص رووووعة مع لاكرام فراش غراتان بالشوفلور بالكرام فراش . قراتان الشوفلور باللاكرام فراش مممممممم مرقي مرقة بيضاء بشوي جاج وخليها تخثار حتان يولي عندك زوج كيسان مرقة واحد نحيه صفيه وزيديلو زوج مغارف فرينة ورديه يخثار كي يخثار ضيفيلو الفروماج روج كمية كبيرة ونص كاس كرام فراش ومعدنوس حسب أفراد العائلة يحبوه ولالالا وخلطي مليح حتان يتجانسو وخليه بجيهة كي يطيب الشوفلور تاعك يعني غليتيه في شوي ملح أقليه بخلطة البيض والفرينة وأقلي معاه شوي باطاطا لا أولادك كيما ولادي مايحبوش الشوفلووور ستفي البطاطا تاعك والشوفلور في صحن الفور وهذاك الجاج فتتيه عليهم ولوحي عليهم الكريمة لي خدمتيها وحطيها في الفور كي تحكم روحها أجبديها وبالشوي أسقيها بنص الكاس لي نحيتيه الثاني وعاودي رديها حتان تحمار مليح اذا حابيتيها ماتجيكمش ناشفة كي تخرجيها كملي نص الكاس تاع المرقة لي بقى انا صراحة خليتها ناشفة كيعاد معاه الشوربة بصح لوكان وحدها راني كملت سقيتها باش نجوزو بيها
|
||||
|
|
2014-04-20, 08:10
|
رقم المشاركة : 2 | |||
|
كفتة على طريقة ام تاجوووووووووو
حبيبتي نقلي اللحم تاع الدجاج مع بصلة متوسطة و5سنينات ثوم ومعرف زبدة ستار ومغرف صعيرة فلفل اسود وزوج مغارف صغار كسبر والملح نقلي الكل مليح ومبعد نمرق مالازمش نعمرها بالماء على خاطر الدجاج في دقيقة يطيب والكفتة ثاني ومن جيهة نحظر اللحم المرحي نحط اللحم المرحي نظيفلو مغرف زبدة ستار وباقة معدنوس حسب كمية اللحم لي عندك ونص مغرف صغيرة فلفل احمر حار ومغرف صغيرة فلفل اسود و5 سنينات ثوم مرابيين وبيضة ونملح ونزيد زوج مغارف كبار فرينة الفريك لازم انا ماتكونش عندي دايما بصح كي نجي ندير الكفتة نرحي شوي من الفريك ونغربل ونعجن الكل من الاحسن باليد ونكور حبيبات الكفتة تاعي وكي يطيب الدجاج نص طياب نضيف لي بول تاع الكفتة ويطيب كلش مع بعضاه تخثار مليح نحي اللحم تاع الدجاج نحمرو وهاي لاستوس لي تعلمتها من عند امي الله يرحمها كي طفي النار اعصري نص قارصة على الكفتة واحكمي عيدان المعدنوس لخشان ياخي الاغلبية نطيشوهم لا لا ديري باقة واربطيها بالخيط وارميها تطلق البنة تاعها كي طفي كلش في نفس وقت الطياب غلي الزيتون مليح ومبعد ضيفيه يغلي الغلية الاخيرة مع المرقة اذا حابة تقلي البطاطا وتزيني بيها ولا بيض معلي وشرائح الليمون والمعدنوس مقطع وتمتعي بلذة لا تقاوم والصراحة كفتة الاعراس ضرك نحط الصوووووورة  إضغط هنا لرؤية الصورة بحجمها الطبيعي. الفوندو على طريقة المتالقة ام محمد تاج لي كراب ام محمد تاجزهوووورة حنونتي حطيت السكر قيس ست مغارف كبار ورشة ملون ابيض وبديت نضيف الحليب غير بالشوي لازم يكون ثقيل لا يسيحلك وزدت شوي سكر وحدو درتلو الكاكاو والحليب باش نعمل الخطووووووط وبسسسسسس في الخلاط حطي كاس ماء مع كاس حليب ورشة فاني وزوج مغارف كبار سكر واربع مغارف كبار زيت وزوج بيضات وزوج كيسان فرينة خبطي كلش حتان يتجانسو وخليهم يرتاحو وابداي طيبي الحشوة: في مقلة حطي مغرف كبيرة مارغارين وست مغارف سكر ورشة فاني واربع مغارف ماء الزهر واربع تفاحات مقطعين مربعات وحطي كلش على نار هادئة حتان تخثار ويطرا التفاح كي طيبي لي كراب حلي بالوحدة وحطي الصوص التالية ومغرف من حشوة التفاح وطبقيهم وذرذري السكر قلاصي من فوق صوص الشوكولاطة: ذوبي باطة شوكولاطة عادية تاع الحليب وخلطي معاها باطة دانات شوكولا وفنجال حليب خلطي كلش حتان يتجانسو وبالصحة. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. الت طريقتي في الرشتة تاع صح مايش محرفة على خاطر انا نتمشى مع واش يحب زوجي وهي اصلها تجي مرقة بيضا وغير بالخردل والجريوات والحمص بصح انا هاذو مايدخلوش فيها خلالالاص ندير غير الحمص والبطاطا بالنسبة للتفوار حنونتي موالفة بتاع الدار وحتى المشرية يشكروها حبيبتي حطي الرشتة تاعك في الكسكاس وبدك ابداي رشي عليها الزيت وفوريها التفويرة الاولى كي تطرا نحيها وحطيها في قصعة واسعة باش ماتتكسرش وبخيها غير بالشوي وبواسطة صباعك وبحركة خفية حركيها باش يدخل فيها الماء وكي تتشرب الماء تاعها زيدي بخيها بالزيت ورديها تفور وكي تفور هاذ المرة صفي شوي من المرقة تاعك وبخيها بيها ومبعد زيتيها ورديها تفور هك بزايد عليها التفوار اذا راح ديريها مجمرة واذا راح تسقيها بالكسكاس زيديلها تفويرة ثالثة بالمرقة المرقة تاعها طراف لحم وداوي مرقة بيضا عادي وقليها مليح ومرقي وحطي الحمص يطيب معاها وكثري الخردل والجريوات واذا راح ديري البطاطا طيبيها وحدها على خاكر تطلق النشا تاعها وتلكزلك الرشتة خثري مرقتك مليح وحطي الرشتة تاعك تتجمر وحركيها بلطف وكي تتحمر لوحي فيها مورصو زبدة واذا راح تسقيها بواسطة الكسكاس حطي صحن وحطي عليه الكسكاس وحطي في الكسكاس الرشتة تاعك وسخني المرقة مليح وسقي وخلي المرقة تنزل خليها شوي دقائق وزيدي سقيها وهكذا حتان تتشرب وحدها حطيها في الصحن وزيني بالبيض مغلي والجريوات واللفت والحمص وبالهنا والشفا عليكم محقن ام تاجووووووووووو 5 بيضات كاس ونص سكر وفاني وبشور قارصة خبطي مليح حتان يطلع كي المايوناز ومبعد ضيفي كاس ونص زيت كي الخيط واستمري في التخباط ومبعط باكي خميرة على خاطر نحبو يحكم روحو ومايسيحليش بصح للكروكي ندير زوج باكيات خميرة ونلم بالفرينة والحمد لله   ام برهوومي حبوبي المحمر المرحلة الاولى في الكوكوط حطي فنجال زيت خليه يسخن ومن جهة تبلي اللحم تاعك غير بالدواوات يعني فلفل اسود وملح وراس الحانوووت وفلفل احمر حاااار حاولي دخلي الدواوات مليح في اللحم كي تسخن الزيت حطي الطراف تاعك وحمريهم من الجيهات مايش طيبيه غير حمريه وراح تشوفي الدواوات لصقو في الكوكوط ماتخلعيش عادي هاذي هي النكهة الرائعة كي تحمريه طفي النار وفي الميكسور رابي حبة طماطم وبطلة صغيرة وراس ثوووم ومغرف صغيرة هريسة وحطيه على اللحم وخليه ثلاث ساعات يتشرب مليح الدواوات تاعووووو وضرك تشوفي الدواوات تنحاو من قاع الكوكوط مبعد مرقيه بالماء قيس مايفوت مستوى اللحم وحطيه يطيب مليح حتان يتفصل على العظم انا درت لكتف رووووعة كي يطيب نحي المرقة بجيهة وطيبي فيها البطاطا ولااذا حابة روز مثلا صفيها وطيبي فيها روز ولا لي بات وفي الكوكوط كالعادة ردي اطراف اللحم تاعك يتحمرو من الجيهتين وذا اللحم تاعك مافيهش الشحم ديري زوج مغارف زيت في الكوكوط وحمريه لاصوص تاع اللحم طيبت فيها البطاطا وعاودت حمرتها في الزيت ومبعد صفيتها وحطيتها مرافقة للحم جات رووووعة     طريقة بوزلووووف في كوكوطة حطي طراف الراس تاعك وملحيهم مليح مليح انا درت ثلاث طراف درتلهم زوج مغارف صغار ملح ومغرف صغيرة فلفل اسود وثلاث مغارف راس الحانوت وزوج ورقات رند وغطيت الطراف بالماء وحطيتو يطيب يعني غلقت الكوكوط وطاب مليح حتان ذاب من جهة وجدي الدرسة تاعك في الميكسور حطي ست سنات ثوم ومغرف صغيرة هريسة ومغرف صغيرة طماطم الباط وحبة طماطم ومغرف صغيرة فلفل اسود وعصرة قارص وارحيهم وحطيهم في مقلة مع الراس كي يكون طاب قصيه طراف صغار قلي كلش مليح مليح كي يتشرب الدرسة نحيه وزينيه بالباطاطا طيبتها في مرقة الراس ورديتها في المقلة لي طيبت فيها الراس مع الدرسة وشهية طيبة حبيبتي والله كون جيتي قدامي نبعثلك مرة ومرتين وثلاث    بينيي وصفتي السهلة الاقتصادية نحط في جفنة رطل فرينة ونعمل حفرة ونحط زوج مغارف كبار سكر ومغرف ونص تاع قهوة ملح وشوي فاني وبيضة مخبطة وثلاث مغارف كبار زيت ومغرف كبيرة خميرة الكسرةونعجن بالماء مليح وراح تلصق في اليدين ولازم ماتجيش جارية تجي كيما عجينة البيتزا نخليها تتخمر ومبعد نحلوها ونطبعو دوائر ونزيد نخليهم يطلعو غير خمس دقايق ونبدا نقليهم في زيت سخون ونرمي الزيت على الحبات باش يتنفخو مليح ونمرمدهم في السكر الخشين ولا السكر قلاصي ولي حابة تحشيهم بالمعجون او شوكولاطة وبالصحة سهلة وسريعة وخفيفة وتقطع عررررررررررام سمعتي أم ياسووووووو عرررررررررررررااااام واقتصادية جدا جدا هههههههههه     تتبيل اللحم من أجل الباربيكيو نحط في الميكسور طماطمة وبصله وراس ثوم كبير وفلفلة حارة ومغرف صغيرة هريسة وفلفل اسود والملح مانكثرش على خاطر كي يتشوا نزيدو نملحوه وشوي معدنوس وتوابل خاصة للشواء وبس نحط اللحم تاعي طراف كبار في التتبيلة ونبيتهم والغد وة من ذاك نقطعهم قطع صغيرة ونديرهم في البروشات ونشويوهم على فكرة غدوة الرجال هوما لي يوجدولنا الشوا يااااااااي ههههههههههه والكروكي ممكن تعتامدو اي وصفة كروكي خاصة بيكم وهاي وصفتي البسيطة 5 بيضات كاس ونص سكر مغرف صغيرة فاني ورشة ملح خبطو مليح حتان يثقال الخليط وزيدو كاس زيت وصبوه كالخيط واستمرو بالخفق باش مايهبطش ويجي خفيف ومبعد باكي خميرة ولمي بالفرينة لازم تجي العجينة حاكمة روحها باش تسهل التشكيل اقسمي العجينة على اثنين وحدة زيدولها الكاكاو وبواسطة النيلو تاع السني حلي شوي من العجينة البيضاء وزيدو حلو شوي من العجينة السوداء وهزيها بالخف بواسطة النيلو راه يساعد وحطيها على البيضاء ورولي ثلاث دورات وحبسي واعدليها مليح وحطيها في بلاطو طيب بلا ماتدهني الوجه حمريه من فوق وكي تخرجيه وهو سخون ادهنية بمعجون المشماش سخون ادهني مليح مليح وذرذري الكاوكاو مرحي ومن الاحسن مرحي ومقلي بالقشووور مدلو بنة رهيبة  طريقة طياب الارنب ام محمد تاج نقي واغسلي الارنب تاعك وانقعيه في ماء مملح وفيه الخل مدة ساعتين ومبعد قطريه مليح وحطيه في الكوكوط وقطعي عليه بصلة وسنينات ثوم وملح وفلفل اسود وراس الحانوت وشوي زيت وزوج ورقات رند وحطيه يطيب كي يطيب حطيه في بلا تاع الفور وادهنيه بالدرسة التالية في الميكسور حطي بصلة وسنينات ثوم ومغرف كبيرة طماطم مصبرة ومغرف صغيرة هريسة وراس الحانوت وفلفل اسود وبهارات خاصة .تاع الدجاج وعصرة قارص ارحيهم مليح وادهني الارنب وغطيه بورق الومينيوم وحطيها تحمار من الجيهتين وخلالالاص. إضغط هنا لرؤية الصورة بحجمها الطبيعي. .     كريمة الفودج تاع بساط الريح ممممممم كيلو بات ا قلاصي بيضاء نذوبها على حمام مائي كي تذوب نضيفلها باطة نيستلي وثلاث مغارف لحظة غبرة ومغرف كبيرة اكستري تاع الكرامال وخلطي حتان تصبح عجينة طرية نحطها على وجه بساط الريح ونسوي الوجه مليح بالقنوط ونخليها تبرد راهي مممم لي ذاقها يحير واشي هي نياهاهاهااا شفتو مخماخاتي وكاين حلوة الفدج هاي ليكم نفس الطريقة وتقدرو ديرو حتى الشيكولا السوداء وفي البلاطو اعملو مزيج بين السوداء والبيضاء وتخرج على شكل رخام وخليوها تبرد ومبعد قصوها مممممم وتقدرو ديرو كل طبقة حدها ثاني مممممممم وصفة التيراميسووللمتالقة ام تاج اربع مغارف كرام شونتيي مع كاس حليب مخبطين حتان تطلع خلطي معاها زوج ياؤورت تاع الف الذوق لي تحبو انا درت فراز ومغرف كبيرة سكر قلاصي وزوج فرماجات لافاش كي ري ومن جهة غمسي قاطو بتي بوغ في القهوة وحطي طبقة قاطو ومبعد طبقة كرام ورشي الكاكاو بالصفاية وعاودي القاطو ومبعد لاكرام والكاكاو هذا ماكان والسر تاعو لازم يبرد مليح اقل شئ اربع ساعات وكي يبات مانحكيلكمش مممممم دايما نخبي وحدة كي يروحو يقرا نجبدها نتلزز بيها ههههه  papi للرائعة ام محمد تاج 4بيضات كاس سكر كاس زيت باطة ياؤورت كاس حليب 2 باكيات خميرة وكاس سميد وكاس فرينة ورشة ملح وفاني اولا نخبط البيض مع السكر والفاني مليح مليح ونضيف رشة ملح ونضيف الحليب والزيت والخميرة والفرينة والسميد ونحطهم في بلاطو مدهون بالزبدة والفرينة ونطيبو مثل المسكوتة ومن جهة نوجد شاربات خفاف وكي يطيب نسقيوه غير خفافي مايش كيما البسبوسة ونزين بالكاوكاو او النواد كوكو صدقوني لي يذوقو عندي يدي الوصفة يهبل يهبل . معمول بالفرينة ام محمد تاج تخبطي 250غ مارغارين طرية مع 100 غ سكر قلاصي وبرش ليمووونة ولافاني رشة مليحة وزوج بيضات ومغرف صغيرة خميرة والفرينة حتان تتلم وتجي طرية عندك تيبسيها الحشو: غرس مرحي وطري بالزبدة وجووووز مرحي كمية بزاف واعملي كويرات من الحشو واخدمي في مول المعمول وطيبيه لازم يجي اصفر مايحمارش لوكان يحمار ييبس الغرس وكي يطيب رشي عليه السكر قلاصي بالصفاية غربية شكل جديد ام محمد تاج   الوصفة كيما وصفة ام كوثر ومانبدلهاش ابدا بصح انا الفرينة نقليها على طريقة الحبيبة لايدي يعني هاذوك الثلاث كيلات نحطهم في بلاطو وفي الفور حتان تتشقق من فوووق والتحريف كاتالي زدتلها ملون ابيض مدلها لون يهبل يهبل شفتها مرة عند وحدة وعاندت وماحسدتش هههههههههه بصح هي كثرت الملون خرجت تحححفة وانا خفت نكثرو وتفسدلي العجينة كيعاد اول م عصير المشمش على طريقتي اغسلي المشمش مليح ونحيلو النواة وهاذوك الضربات الكوحل وحطيه في قدرة وغطيه بالماء وحطيه على نار قليلة يغلي وانتبهي كي يغلي راه يفيض يعني كي يبدا يطلع خلطيه برك ضرك تهبط الرغوة وشوفي كي تذوب الحبة تاع المشمش يعني طاب وارحيه بالبرا ميكسور واذا ماتوفرش بالطاس عادي وخليه يبرد وحطيه في اكياس والى المجمد نجيو لطريقة خلطو اذا المشماش تاعك ترحى مليح فلا داعي للتصفيتو واذا ماترحاش مليح نصفيوه ونضيفولو الماء والسكر وانت تتحكمي في الحلاوة تاعو والخثارة تاعوووو وكي تكملي في الاخير ضيفيلو عصرة قارص وبالهنا والشفا صدقوني منعش رووووووعة في السخانة ورمضاااان ولي تحب تزيد فيه باطة ياؤورت ولا فنجال سيرو الرمان يجي رووووعة  حبيباتي في قدرة ثقيلة من الاحسن مثل الكوكوط حطي كيلو مشماش مغسول ومنقي وكيلو سكر وغطي القدرة وخليها تبات ليلة كاملة الغدوة من ذاك تلقايه طلق الماء تاعو اعصري عليه نصف قارصة ورجعي هذاك النصف المعصور يطيب معاه وشعلي للنار قاوية وابقاي خلطي حتان يبدا يغلي ويذوب السكر خلالالالالاص كي تخلص هاذ المرحلة نقصيلو على نار متوسطة وخليه يطب وراح تلاحظي انو يفيض وتطلع الرغوة وهاذي اصعب مرحلة وتعب بزاف يعني ابقاي تخلطي حتان تهبط الرغوة واذا ما هبطتش طفي للنار كل ما يفيض خلطي وطفي للنار وهكذا حتان يحبس من الفيضان تاعوو كي يحبس الفيضان تاعو ساعة على ساعة خلطيه باش مايلصقش حتان يحمار وينقص الماء تاعو والسر لي تعرفيه بلي طاب ومايفسدلكش هو الرغوة البيضاء لي تبقى على السطح كي تروح يعني طاب وخبيه كيما تحبي متيفسدش على خاطر الرغوة البيضا هي لي تفسدو كي يطيب خليه يدفى غير شوي ونحي نصف القارصة وارحيه وهو سخون على خاطر كون يبرد مايترحاش والف هنا نلى قلوبكم حبيباتي نجيو لطريقة الحفظ تاعو نغسلو البلارة مليح ونشفوها من الماء مليح مليح ونحط المعجون وهو سخون يغلي فيها ونغلق بساشية نظيفة ونقلبها راسا على عقب ونخليه على هاذ الحالة حتان يبرد مليح ونرجع نقلبها عادي ونحطها في مكان مظلم وبارد يعني مايكونش سخون وفيه رطوبة مثل خزائن الكوزينة وكي يجي الشتا نخرج البلارة ونحطها في البالكون ولا في نافذة الكوزينة وخالتي نعتتلي طريقة بصح نادرا مانديرها وهي تشري باطة معجون مشماش وتخلطها مع المعجون تاعها وتخبيه على خاطر المعجون المشري فيه مواد حافظة ه الباطوووووووووط يامي يامي قلي مرقة حمرا وكثري البصل والطماطم والثوم لازم لازم واطراف اللحم هو من الاحسن تاع الخرووف يجي هباال وكثرو لحرور وطماطم الباط والهريسة وفلفل لحمر الحار هردت اولادي نياهاهاهاااا لازم الحاجة على اصولها وكي تتقلى مليح مرقو وديرو الخضرة طيب لي كاين الباطووط يحب الخضرة والحمص وطيبوها وتجي خاثرة وحارة وفي الاخير ديرو الفلفل الحار يطلق البنة تاعووو ونجيو للعجين ديرو دقيق وملح واعجنو بالما ماتجي يابسة وماتجي طرية كيما الشخشوخة تجي طرية وساهلة قرصوها قرصات صغار وخليوهم يرتاحو غير شوي وسخني الطاجين تاعك تاع الكسرة عادي وحلي كل قرصة بالزيت وحدها وطيبيها وكي تشوفيها بدات تتنفخ قلبيها باش تكمل التنفاخ تاعها وهاذا السر   كي طيبي ولازم هي سخونة حاولي تفصلي القشرة الاولى وفتتيها بيدك كيما الصورة    محمد حبوبي لي كان يصورلي يديا بالزيت وكي تفتتيه سقيه وحطيلها السقو قدامك كل مايشرب زيدي ممممممم والله فن  مقروظ المقلة بالزيت للسكرة ام محمد تاج سيدرا حنونني مقروووض المقلة بالزيت حالة اتشومييييير والسخفة تصنع المعجزات ههههههههه ثلاث كيلات سميد عادي يعني من الشكارة وكيلة زيت وملحي الدقيق وامحريه مليح مع الزيت وزيدي ماء الزهر وماتعجنيش غير لمي ويجيك طري داوي الغرس تاعك بشوي قرفة وزيت وماتجريهش خلالالالاص باش مايخرجلكش في القليان وكملي طريقتو كيما طريقة المقروض العادي وراه بالزيت راح يتعبك اخدمي بالنيلو تاع السنيواة باش يتخباو الشقوق سخني الزيت تاعك على نار متوسطة وكي تلوحي المقروض تاعك يطيب قويلها وطيبي على الوجهين وحمريه مليح ومبعد عسلييييه وخلالالالالالاص حنونتي كاش سؤال راني في الخدمة اتصلي حالا بالا |
|||
|
|
|
2014-04-20, 08:13
|
رقم المشاركة : 3 | |||
|
|
|||
|
|
|
2015-08-23, 22:07
|
رقم المشاركة : 5 | |||
|
ماشاء الله وصفات روعة يعطيك الصحة |
|||
|
|
|
2014-04-20, 08:26
|
رقم المشاركة : 7 | |||
|
يعطيك الصحة كلش درتيه هايل جزاك الله كل خير
|
|||
|
|
|
2014-04-20, 08:31
|
رقم المشاركة : 8 | |||||
|
ما شااااااااااااااااااااااااااااااااااااااااااااااااا ااااااااااااااااااء الله والله يا اماني خير ما عملتي وصفات ام تاج راهي في القمة وناجحة وامممممممممممممممممممم ربي يجازيها كل خيرياااااااااااااارب |
|||||
|
|
|
2014-04-20, 08:40
|
رقم المشاركة : 10 | |||
|
ربي يحفظكم جبيباتي مازال مكملتش راني كل مانلقى وصفة ليها في وصفات واش طيبني اليوم راني نحطها باه يستفادو الاخوات وانا اولهم |
|||
|
|
|
2014-04-20, 08:59
|
رقم المشاركة : 11 | |||
|
شكرا أختي راكي سهلت علينا البحث , بإذن الله تسهل أمورك |
|||
|
|
|
2014-04-20, 09:34
|
رقم المشاركة : 13 | |||
|
الله يبارك فيك راح تفرح بزاف ام محمد وديريلنا عرس هههههههههههههههههههه |
|||
|
|
|
2014-04-20, 11:15
|
رقم المشاركة : 14 | |||
|
واااووووووو يعطيك الصحة سهلتي علينا البحث ربي يسهل امورك يا رب |
|||
|
|
|
| الكلمات الدلالية (Tags) |
| أحمد, وصفات |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض المتطور
