تشيز كيك افي الفرن قتصادي .و مع الصور المفصلة.. رووووووعة والله

سماح أم أنس · 2013-04-11, 12:20

السلام عليكم
انا من عشاق التشيز كيك... و كيما هو معروف يتعمل بانواع معينة من الجبن ..اما كيري او فيلادلفيا .. و في زوج غاليين.. لذلك قررت نعمله بالياووغت ( الزبادي ) و جاني رووووووعة
نخليكم مع المقادير

بالنسبة لطبقة البسكوت
استعملت 200 غ من اي بسكوت تحبيه و معاها 3 معالق زبدة كبار و دوبيها ( جاتني الطبقة خسينة الي تحبها رقيقة دير 140 غ بسكويت فقط)

نخلطوهم مع بعض و نحطوهم في مول التشيز كيك هداك الي ينفتح و الافضل تكوني فرشتيه بورق الزبدة

نوزعوه مليح و نضغطو عليه بكاس يكون القاع تاعو مسطح

ندخلوه للفرن على درجة حرارة 160 لمدة 10 دقائق

دوكة طبقة الكريمة
-استعملت 5 ياووغت طبيعي الي مافيهش لبسكر بصح بشرط تكوني قبلها ب 4 ساعات حطيتيه في مصفاة رقيقة كيما الي تتخلو بيها الفرينة و خبيه يقطر من الماء الي فيه مليح مليح
- استعملت نص باطة جبن كيري يعني حوالي 100 غ على جال بنة الفرماج (يعني حوالي 6 حبات)
-نص كاس سكر او زيدي ادا حبيتي الحلاوة اكتر
-3 بيض
-بشور حبة قارص و العصير تاعها
- مغرفة فرينة او نشاء

نخلطو بداية الياووغت و الفرماج و السكر ..بعدها نزيدو القارص معصور و البشور و الفرينة

بعدها نزيدو البيض بالحبة و نخلطوه غير قيس ما يختفي

ممكن نزيدو شوية حليب او كرام فراش حوالي نص كاس ..انا اكتفيت بنص كاس حبيب.. و هذا شكل الخليط

نطوه في المول فوق طبقة البسكويت و نخلوهمدة 10 دقائق على درجة 220 و بعده نقصولو ل 150 مدة 40 دقيقة تقريبا

كي نشوفو القوام تاعه اشتد و الجوانب احمرت معناه طاب ..نطفو عليه و نخلوه نصف ساعة داخل الفور طافي
و هدا شكله كي خرجته

خليه يبرد و بعده حطيه في التلاجة مدة 4 ساعات على الأقل
زينوه بواش حبيته بالشكولاطة و لا جولي تاع القارص و لا الفراولة و لا خلوه هكداك
أنا حنا حطيتله مربى فراولة و خففته بشوية عصير تاع الفراولة و حطيتله مغرفة جيلاتين باه يحكم روحو و رجعته للفريجيدار

و النتيجة هايليك

أممممممممممم و الله يهببببببل

يا ويلي على البنة... هادي كي تم القضاء عليه

الي تحب تكون طبقة الكريمة اكتر تضاعف المكونات
و ممكن تعويض الياووغت بالبتي سويس و بلا ما نحتاج نقطروه من الماء في الصفاية..نستعملوه ديراكت

نتمنى يكون عجبكم ..جربوه و الله ما تندمو و بنته راهي خير من التشيز الي ما يطيبش 100 مرة

كريمة بسكرية · 2013-04-11, 12:25

باهي اعطيك الصحة

سماح أم أنس · 2013-04-11, 14:29

اقتباس:

المشاركة الأصلية كتبت بواسطة كريمة بسكرية

باهي اعطيك الصحة

الله يسلمك حنونة

اقتباس:

المشاركة الأصلية كتبت بواسطة sbmwhadz

ما لقيت واش نقول غير روووووووووعة

يسلمك خويا ..بارك الله فيك

اقتباس:

المشاركة الأصلية كتبت بواسطة oum anas 69

خرج هايل يعطيك الصحة ملائم جدا لفصل الصيف منعش و لذيذ

الله يسلمك أم أنس ..عندك الحق يجي رووعة في الصيف و خاصة في ليالي رمضان
بالمناسبة أنا تان راني أم أنس.

.ربي يحفظلنا أنوسات ديالنا و كامل وليداتنا

sbmwhadz · 2013-04-11, 12:27

ما لقيت واش نقول غير روووووووووعة

oum anas 69 · 2013-04-11, 12:33

خرج هايل يعطيك الصحة ملائم جدا لفصل الصيف منعش و لذيذ

مريم المتفائلة · 2013-04-11, 12:38

الله يبارك رائع مي الياوورت عادي تسلم الايادي

سماح أم أنس · 2013-04-11, 14:37

اقتباس:

المشاركة الأصلية كتبت بواسطة nasira12

الله يبارك رائع مي الياوورت عادي تسلم الايادي

يبارك فيك...مافهمتش واش قلتي بصح ادا قصدك على الياووغت أنا استعملت أكتيفيا ناتور activia nature راه يجي ماشي حلو..بصح ممكن تستعملي أي ياووغت تحبيه...بعطر الفانيليا أو الفراولة ولا كيما حبيتي ..بصح هنا تنقصي كمية السكر لأنه راح يجيك حلو

اقتباس:

المشاركة الأصلية كتبت بواسطة sarah..

هاااااااايل يعطيك الصحة امممممممم تسلم الايادي
جامي جربت الي يطيب نعرف غير الاخر
ان شاء الله نجربووو مشكوووووووووورة

جربي الي يطيب و راه تدمني عليه ..يجي بنين على الاخر..شكرا على ردك الرائع

اقتباس:

المشاركة الأصلية كتبت بواسطة faizarbh

مممممممممممممم يسلمو انا من عشاق التشيز كيك يعطيك الصحة

شرف ليا انك تردي على موضوعي أختي فايزة...أنا تان راني من عشاق التشيييييير كيك