les crepes تاعي

[wafaalgerie24]

اول مرة ندير ليكراب شفت فيديو في الانترنت والحمد لله طلعت بنتها هايل لكن كان عندي مشكل كي نقلبها ماتضحكوش عليا


اولا المقادير
بيضات وستة ملاعق فرينة وكاس حليب وسكر فاني وزبدة
ورشة ملح وانا ضفت شوية سكر ملعقتين باه تجيني حلوة



نكسر البيض



نضربو مليح






ضفت السكر فاني



دوبت اقل من النصف زبدة



نضيف الفرينة








ضفت الحليب وتخلطي




لازم مايخرجش عندك حبات الفرينة خلطي مليح او ضيفي شوية حليب


خليها تقعد نص ساعة


شوية زبدة ندهن بيها المقلة باه ماتلصقش




ادا عندك سباتيل تقلبي بيها خير وانا ماعنديش درت بهادي شوية مسطحة مي ماعرفتش انقلبها مليح وهادي مشكلتي ههههه































وهادي الكارثة خليتهالكم للاخير ههههه قلتلكم ماعرفتش انقلبها نتمنى تشجعوني

[صلاتي راحتي]

معليش ختي جاو ك هكذا مرة جايل يجوك شابين كلنا رانا نتعلمو ما كانش لنزاد معلم كي بنان هكذا هو الصح الى الامام

[أم محمد تاج]

حبيبتي هاذي أول تجربة نشالله الثانية والثالثة يجيوك خير ويعطيك الصحة

[touta2010]

حتى وحدة مزادت متعلما كلنا في الهوا سوا كما يقولو لكل حصان كبوة

جربي ومتفقديش الامل كلنا درنا كوارث هههههههههههههههههههههه

[wafaalgerie24]

ربي يعيشكك اخواتي على التشجيع

[الامل نور]

ما شاااااااااااء الله

[lamia zina]

اظن انهم نجحولك برافففففففففففففففففففففففو

[ام صفوة 73]

ماعليهش المهم خدمتيهم راكى فحلة

[« أبْجَدِيَّاتْ »]

أنا بالسّباتولا و نهردها هههه
بصّح راكي جبتيها و خرّجتيهم يهبّلو هادوك للي في الصَّحن
ما شاءالله عليك . و زيد يبانو بنان و خفاف بزّاف ،

حنا عادةً نديروهم مالحين بحشوة الخضر و اسكالوب الدّاند
بصّح يصلحو تاني مع الشوكولا و العسل *.*

صحّيتي خيّتي وفاء

[wafaalgerie24]

المشاركة الأصلية كتبت بواسطة « أبْجَدِيَّاتْζ »

أنا بالسّباتولا و نهردها هههه
بصّح راكي جبتيها و خرّجتيهم يهبّلو هادوك للي في الصَّحن
ما شاءالله عليك . و زيد يبانو بنان و خفاف بزّاف ،

حنا عادةً نديروهم مالحين بحشوة الخضر و اسكالوب الدّاند
بصّح يصلحو تاني مع الشوكولا و العسل *.*

صحّيتي خيّتي وفاء

ربي يحفظكم كامل وربي يحفظك اختي بزاااااااااااااااااااااااااااااف

[samira15]

أختي جاوك هايلين ونقولك حاجة انا مانقلبهومش بالسباتيل نقلبهم بيدي خير صح تحرقني شوية مي ماتتخسرش والشكل باش يجيك دائري كي تفرغي في المقلاة حركيها دائريا من كل الجهات وحاولي تسويها هدا ماكان وشكرا.

[wafaalgerie24]

المشاركة الأصلية كتبت بواسطة samira15

أختي جاوك هايلين ونقولك حاجة انا مانقلبهومش بالسباتيل نقلبهم بيدي خير صح تحرقني شوية مي ماتتخسرش والشكل باش يجيك دائري كي تفرغي في المقلاة حركيها دائريا من كل الجهات وحاولي تسويها هدا ماكان وشكرا.

بارك الله فيكي سميرةعلى التشجيع والنصائح الرائعة

[soussito]

ما كانش لي زاد منكرش امو متعلم
المهم حاولتي و ما تحبسيش عاوديها حتى ينجحولك مليح

[تغرينية]

يعطيك الصحة

[wafaalgerie24]

ربي يخليكم ويبارك فيكم