الى فيفي وسندس وكل الاخوات

على الاسلام غيورة · 2012-03-20, 19:02

كما وعدتكم اليوم احضرت لكم طريقة صنع لي ناب

نحتاج الى قماش يسمى عش النحلة هكذا نسميه ونحتاج الى ساتان بعرض 2 سم

وستان 0.5 سم من لونين احدهما يتناسب مع الستان الغليظ واليكم طريقة العمل التي اتمنى تكون واضحة

نقص القماش الى الشكل الي حابين يكون عليه الناب نتاعنا انا هنا شرحت بالدائري

ونقوم بقص شكل مماثل له تماما كما هو موضح في الصورة

ثم نقوم بوضع القطعتين فوق بعضهما البعض

وبطريقة تدوير القطعة التي من الفوق على التي من الاسفل نحصل على هذا الشكل

نحضر ابرة وخيط ونقوم بتثبيت القطعتين على بعضهما

وعلى كل الجوانب

كما هو موضح القطعتين ملتصقتين

نحضر الساتان الغليظة

ونقوم بتثبيتها على القماش بهذا الشكل

ونخيط بالابرة والخيط ومن ثم نثني الساتان ونخيط ونثني ونخيط

وعيني هي ميزاني تكون الثنيات متساوية

ناتي الى الدبلة التي توضع على الساتان

نحضر الساتان بسمك 0.5 سم ونحكمهم بهذا الشكل

ومن ثم ندخل دائرة في دائرة

ونثبت عملي بالابرة

وكل مرة ندخل دائرة في دائرة ونسحب حتى اتحصل على هذا الشكل

ومن الامام هذا هو شكله

ونقوم بتثبيته على العمل السابق بهذا الشكل

واليكم طاقمي كله الذي صنع بنفس الطريقة

وهذه علاقات مفاتيح متناسقة معاه

اتمنى يكون الشرح وافي كما اتمنى انهم يعجبوكم

وادعولي ربي يسرلي في صنع التروسو نتاعو ههه

السَّحابة البيضاءْ · 2012-03-20, 19:05

الله يبارك يا اختي ربي يسلملك يديك

عجبوني ياسر

نبوغ · 2012-03-20, 19:05

يعطيك الصحة وربي يبارك فيك

ام ابتهال و ياسر · 2012-03-20, 19:09

ماشاء الله ربي يبارك هايلين...........يعطيك الصحة

على الاسلام غيورة · 2012-03-20, 19:14

ردودكم اسعدتني واخجلتني شكرا لتواجدكم اخواتي الغاليات

واكرر اعتذاري لاختي فيفي على التاخر

حتى في العطلة راني نقري في دروس الدعم ههههههه

fifiarch · 2012-03-20, 19:19

ماشاء الله الخدمة هايلة
والنابروات تحفة
ربي يبارك
خدمتك متقونة ورائعة
ان شاء الله نخدمو كيفهم في التروسو
نتعلم الضفرة نتاع الدبلة هاذيك برك

fifi180 · 2012-03-20, 19:33

يعطيك الصحة يا شاطرة والله كفيتي ووفيتي ماشاء الله

sondse1 · 2012-03-20, 19:35

الله يبارك حنونتي

جاوك روعة
كنت رايحة نخدم كيفهم مع التروسو نتاعي
ان شاء الله كي نخدمهم نحطهم

حبيبتي فيفي الظفيرة ساهة خلاص ان شاء الله تعرفيلها

faizarbh · 2012-03-20, 20:02

الله يبراك روووعة

ابتهال 33 · 2012-03-20, 21:18

بارك الله فيك
اعمالك
هايلة
ما شاء الله

على الاسلام غيورة · 2012-03-20, 21:24

nouna-12 · 2012-03-20, 21:28

بارك الله فيكي
و يعطيييكي الصحة
الظفيرة خلاص تهنييت منها تعلمتها ههههههه
ان شاء الله نخدم كيفهم راهم سامبل و روعة في نفس الوقت
ممكن شحال نشروا باه يكفونا من قاش عش النحلة
و ممكن السعر نتاعه ان امكن

على الاسلام غيورة · 2012-03-20, 21:34

اشكرك اخيتي

ممكن ما تصدقيش اذا قتلك السلعة كامل ممكن 60 او 70 الف فقط

وقماش عش النحلة شريت قيمة 10 الاف برك وكفاتلي وفضل

اشراقة الامل · 2012-03-20, 21:42

اه واقيلا كيما راهي تقول ماما نخليو قراايا في جهة ونديروها اعمال يدوية!!!!الخوف عليا
طمعتوني بهاد الخدمة الشابة
بارك الله فيك

أم ماريا الحلوة · 2012-03-24, 11:22

الله يعطيك الصحة عجبوني بزاف
بقاتلي غير طريقة صنع الضفيرة نتعلمها و نصنع كيفهم