كيف تتصرف ايتها الكنة في هكذا موقف

[TOFNINE]

متزوجة 10سنوات ابعد عن اهلي واهله ب200كم
كل عام نروحو نعيدو عيد الاضحى عند اهله لان ام زوجي وحدها
جاء ولدها الاخر وسكن معاها والان معاها كنة
في هاد العيد عيدنا في دارنا مع وليداتنا
ومن بعد حوالي20يوم رحنا زيارة
والديه ماقالو والو لودهم
ومن بعد بدات امه تشتمني وتسبني وتعطيني واجبات الكنة نحو ام الزوج من طاعة وتنظيف وركوع كيما العادة دائما
لم افقد صبري ولم اقل شيئا
لكن ما فعلته بي وما سمعته منها مس كرامتي وهز بدني وامام كنتها الجديدة في الحصة 2اما الحصة الاولى بحضور ابناتها وكنتها
وعند عودتي للبت اخبرت زوجي بما فعلت بيا امه
شخصيا وحتى اليوم مازالت تلك الكلمات البذيئة اصبح وامسي عليها
انت وانت مكان زوجي مادا تعمل
وخاصة انت كزوجة كيف تتصرفين
علما انها لا يهمها على مدار السنة ذهبت او لم اذهب كيف كيف وكل زيارة الا وصفحة واجبات الكنة تتلى عليا لكن لا وجود لحقوق الكنة هده ولو الاحترام وحسن استقبالها ولو كضيف
قررت ان امورا كثيرة يجب ان تتغير من جهتي لانني انا من سمحت لكرامتي ان تداس تحت الاقدام مدة 10سنوات
انت اختي مكاني وفي موقف العيد فقط كيف تتصرفين وبصراحة تامة
ان من تحكي هده القصة اخت شقيقة لك وهذه هي التفاصيل واساليني اختي اي سؤال ساجيب بصراحة تامة
احس ان المرارة تفقست ولم يعد اناء صبري يتحمل اكثر من الاهانة

[أم ريتاج زهرة]

أختي الكريمة لازم الصبر على جال زوجك و الله غالب إسمها الأم لازم صبر و صبر و صبر و الله صدقيني كي ما ترديش عليها يجي النهار و اللي تهدر فيك غير الخير و تولي المياه إلى مجراها و يمكن أحسن و في الحياة الزوجية عندنا ما نشوفو و كوني صريحة معي أختي في الله لو كانت أمكي من خرج منها كلام أنم الزوج هل سترضيين أم تمرين مرور الكرام عذرا أختي على جوابي و الله أختي راني حاسة بيك مي ما هو الحل ؟؟؟ السكوت أحسن من الرد بالرد بالتوفيق أختي نتمنالك كل خير و طبقي رايي و بالنجاح المضمون بإدن الله عز و جل وزنيها و خودي رايي

[TOFNINE]

المشاركة الأصلية كتبت بواسطة أم ريتاج زهرة

أختي الكريمة لازم الصبر على جال زوجك و الله غالب إسمها الأم لازم صبر و صبر و صبر و الله صدقيني كي ما ترديش عليها يجي النهار و اللي تهدر فيك غير الخير و تولي المياه إلى مجراها و يمكن أحسن و في الحياة الزوجية عندنا ما نشوفو و كوني صريحة معي أختي في الله لو كانت أمكي من خرج منها كلام أنم الزوج هل سترضيين أم تمرين مرور الكرام عذرا أختي على جوابي و الله أختي راني حاسة بيك مي ما هو الحل ؟؟؟ السكوت أحسن من الرد بالرد بالتوفيق أختي نتمنالك كل خير و طبقي رايي و بالنجاح المضمون بإدن الله عز و جل وزنيها و خودي رايي

اختي ام ريتاج شكرا على الرد وراني 10سنين باه تقوليلي صبري والله جامي قالتلي كلام قاسي وغاضها الحال واقسم لك ايضا اتحدى اي وحدة تقولي يماها تسمعها هاد الكلا م وام زوجي هده عندها بنات والله تعاملهم كي الملكات وحقهم من كلشي وتزورهم ويزوروها بدون انقطاع يا ريت حسيت يوم واحد انها عاملتني بنت كنت نشفع ليها ونسامح امك تزعف عليك وهي تبغيك وتبغيلك التحسن من التصرفات الي تشوفها سيئة اما ام زوجي 10سنين اقلها انني كل عام نروح عندها في العيد ونخدم اكثر من عند داري ولا عند امي وكامل رجعاتو 00000000000000000000 ومرة وحدة ما رحتش نعيد عندها وليت بنت عشة ومانسواش بزاف

[لحن الحياة.]

مرحبا اختي مع اني مش كنة بصح كاينة حاجة
انت فالاول ولفتيهم تروحو ليهم كل اضحى كان المفروض يا اما تكون جابدة روحك من اول يوم يا اما مادام والفو كل عام تروحو تكملي هاك الى الابد
نظن نتي اخطاتي لانك كي تولفي اهل راجلك بحاجة ما تقدريش فجاة تنحيها
موفقة

[TOFNINE]

المشاركة الأصلية كتبت بواسطة jill

مرحبا اختي مع اني مش كنة بصح كاينة حاجة
انت فالاول ولفتيهم تروحو ليهم كل اضحى كان المفروض يا اما تكون جابدة روحك من اول يوم يا اما مادام والفو كل عام تروحو تكملي هاك الى الابد
نظن نتي اخطاتي لانك كي تولفي اهل راجلك بحاجة ما تقدريش فجاة تنحيها
موفقة

كنت نروح ومانرضات تعيد وحدها كنت نروح ونكري السيارة ونتغيب على خدمتي ونكري لخروفي نقل باه يوصل وكل ما نروح نقلع جلابتي وندخل للكوزينة ومن نريحش حتى من السفر
لكن انت محقة جدا عندي دار وراني بعيدة نقعد في داري ونحفظ ما تبقى من كرامتي
شكرا لك

[خالد عنابي2]

لا صبر لا والو هذه حماة متكبرة وناكرة للجميل

يجب عليكي ان تضعي حدا لهذا الامر وتخبري زوجك في العيد زيارة خفيفة ولا مكانش خلاص او يتكلم مع امه ويضع لها النقاط على الحروف

وليس من واجب الكنة ان تخدم الحماة بل من واجبها ان تخدم زوجها خصوصا انها لا تسكن معكما ولديها ابنها الاخر وكنة اخرى تسكن معها

[زهرة القدس 05]

المشاركة الأصلية كتبت بواسطة خالد عنابي2

لا صبر لا والو هذه حماة متكبرة وناكرة للجميل

يجب عليكي ان تضعي حدا لهذا الامر وتخبري زوجك في العيد زيارة خفيفة ولا مكانش خلاص او يتكلم مع امه ويضع لها النقاط على الحروف

وليس من واجب الكنة ان تخدم الحماة بل من واجبها ان تخدم زوجها خصوصا انها لا تسكن معكما ولديها ابنها الاخر وكنة اخرى تسكن معها

ما تقسحيش لقلوب حنونة اهدي للخير
انا عن نفسي كان ملي بدات تبهدل فيك حداها كون راك ندتي في وجهها وكي تحكي معاك قوليلها انتي على العين والراس مي متبهدلينيش حدا اي واحد وقولي لراجلك وش سرا وشكي وبكي واذا شافك صح مظلومة راح ينصرك
وزيدي مدام عندهم بنهم متزيديش تروحي والفيها هكا حتان توالف هي و راجلك وكل واحد يحكم قرد هههههههه
وكي تشوف فيك الفايدة تندم عليك

[TOFNINE]

المشاركة الأصلية كتبت بواسطة زهرة القدس 05

ما تقسحيش لقلوب حنونة اهدي للخير
انا عن نفسي كان ملي بدات تبهدل فيك حداها كون راك ندتي في وجهها وكي تحكي معاك قوليلها انتي على العين والراس مي متبهدلينيش حدا اي واحد وقولي لراجلك وش سرا وشكي وبكي واذا شافك صح مظلومة راح ينصرك
وزيدي مدام عندهم بنهم متزيديش تروحي والفيها هكا حتان توالف هي و راجلك وكل واحد يحكم قرد هههههههه
وكي تشوف فيك الفايدة تندم عليك

شكرا لك
لكن واش من فايدة لم افهم
لو كان رديت توصل الامور الى مالا يحمد عقباه

[نيفرتيتي.]

مش مجتم عليك تخدميها ةاد خدمتيها عندك اجر ولوجه راجلك
من رايي احكمي دارك وياربي توفقي بين اولادك وزوجك وخدمتك كي عادت ماهيش تاع قدر وبينهم بين ولدهم كان حب يروح

[TOFNINE]

اخي خالد ليس لهده الدرجة ابنها اتصل بها عدة مرات من بعد ما جرى ولم يفتح الموضوع معها البتة ولكنه اثلج صدري بكلمات انه طول الوقت الدي كنت اصرخ فيه وابكي واحكي عن معاناتي طوال 10سنوات كان صامتا ولخص الموقف في كلمات هي انها امه وهو يعرفها جيدا وادا ما تحدث معها في الامر سيزيد الطين بلة
وطلبت منه بر والديه ويتركني في حالي
هدا الامر مر عليه قرابة الشهر ولم انسه للحظة ويؤلمني جدا كيف سمحت لشخص مهما كان ان يتجرا ويبهدلني بدون ان ارفع فيه حتى عيني حسبي الله ونعم الوكيل والله مانسمح ليها مهما طال الزمن او قصر

[رقة زمان]

اسمحيلي ختي عجوزتك توصل تسبك لالا كنتي ماتسكتيش علاش دير هكا لقاتك نيه ومول النيه دايمن محقور ...من رايي اقعدي في دارك حتى ولو رحتي تزوريها زياره خفيفه فقط وانساي الي داراتو ووكلي عليها ربي ..ربي يهنيك ختي

[TOFNINE]

المشاركة الأصلية كتبت بواسطة رقة زمان

اسمحيلي ختي عجوزتك توصل تسبك لالا كنتي ماتسكتيش علاش دير هكا لقاتك نيه ومول النيه دايمن محقور ...من رايي اقعدي في دارك حتى ولو رحتي تزوريها زياره خفيفه فقط وانساي الي داراتو ووكلي عليها ربي ..ربي يهنيك ختي

لو كنت اعلم بما سيجري لي والله منروح لكن توقعت لومة زعفة لكن تقولي بنت العشة من بعد 10 سنين عشرة هذا تطاول ما بعده تطاول

[أم ريتاج زهرة]

المشاركة الأصلية كتبت بواسطة tofnine

لو كنت اعلم بما سيجري لي والله منروح لكن توقعت لومة زعفة لكن تقولي بنت العشة من بعد 10 سنين عشرة هذا تطاول ما بعده تطاول

اااااااااه هادي كثرت أنا حسبت زعفة و كلام خفيف و شنوفة صغيرة و لكن لهذا الحد باراكات ريحي في دلرك خير ما تسمعي كلام يعقدك و تهلاي في راجلك و ولادك و ربي يوفقك و ناس بكري قالو دارك ستارت عارك إمالا خليها تشبع من كنتها الثانية يجي النهار الكلام اللي قالتهلك العجوزة تسمعها من الكنة الثانية و قول حسبيا الله و نعم الوكيل تكفي و ربي يخلص أختي لي عودة باش نطمأن على أحوالك حبيبتي سلام

[TOFNINE]

المشاركة الأصلية كتبت بواسطة أم ريتاج زهرة

اااااااااه هادي كثرت أنا حسبت زعفة و كلام خفيف و شنوفة صغيرة و لكن لهذا الحد باراكات ريحي في دلرك خير ما تسمعي كلام يعقدك و تهلاي في راجلك و ولادك و ربي يوفقك و ناس بكري قالو دارك ستارت عارك إمالا خليها تشبع من كنتها الثانية يجي النهار الكلام اللي قالتهلك العجوزة تسمعها من الكنة الثانية و قول حسبيا الله و نعم الوكيل تكفي و ربي يخلص أختي لي عودة باش نطمأن على أحوالك حبيبتي سلام

صباح الخير ام ريتاج الحمد لله الحمد لله
اما الكنة 2 راها مستحملة وحتى هي صرافيها وراهي صابرة
عندها 5شهور ملي سكنت معاها

[خالد عنابي2]

المشاركة الأصلية كتبت بواسطة TOFNINE

اخي خالد ليس لهده الدرجة ابنها اتصل بها عدة مرات من بعد ما جرى ولم يفتح الموضوع معها البتة ولكنه اثلج صدري بكلمات انه طول الوقت الدي كنت اصرخ فيه وابكي واحكي عن معاناتي طوال 10سنوات كان صامتا ولخص الموقف في كلمات هي انها امه وهو يعرفها جيدا وادا ما تحدث معها في الامر سيزيد الطين بلة
وطلبت منه بر والديه ويتركني في حالي
هدا الامر مر عليه قرابة الشهر ولم انسه للحظة ويؤلمني جدا كيف سمحت لشخص مهما كان ان يتجرا ويبهدلني بدون ان ارفع فيه حتى عيني حسبي الله ونعم الوكيل والله مانسمح ليها مهما طال الزمن او قصر

كيف ليس لهذه الدرجة كلامك كله تناقض من جهة معانات 10 سنوات وتبهديلة وكاتبة موضوع ومن جهة اخرى ليس لهذه الدرجة ؟
وكيف اثلج صدرك بقوله انها امه وستزيد الطين بلة لو تكلم معها ؟ اين هو اثلاج الصدور هنا

امركي غريب جدا هل انتي تعانين فعلا مما يحدث لكي ام انكي مستمتعة بهذه التبهدايل ؟ فهمي روحك