المدفون بالطعام او بالكسكس ممممممم اكييييد من مطبخ lyzzabel

lyzzabel · 2014-08-10, 17:22

البسملة1

تفضلو غالياتي وصفة تقليدية لذييييذة جداااا وهي في الحقيقة اصلها من المغرب الشقيق،، و نحضروه أيضاً في مناطق الغرب الجزائري و انا قدمته بطريقة عصرية ،، و هذا الطبق نحضروه في المناسبات السعيدة او للضيوف

تفضلو المقادير و الطريقة مع الصور

اولا نحضر مرقة بيضا و نحتاج الى

قطع من اللحم الغنمي يفضل انهم يكونو من الفخذ حسب عدد الأشخاص انا درت تقريبا كيلو خاطرش عائلتنا الله يبارك ههههه
بصلة كبيرة او بصلتين صغيرتين
ثلاث حبات جزر متوسطين
حمص منفخ و مغسول
شوية زيت عادي
قطعة مارغرين
ملح، فلفل اسود، عود قرفة ، نصف م ص سكنجبير
ماء
Boudin او التعمير بالكفتة تلقوا رابط الوصفة هنا

https://www.djelfa.info/vb/showthread.php?t=1648229

و للكسكس نحتاج الى

كيلو كسكس
زيت الزيتون
زبدة او مارغرين
زبيب مغسول و منقوع في ماء سخوووووون
ماء

في كوكوطة نحط الزيت و المارغرين و قطع اللحم و البصل مقطع طوليا ما يهمش الحجم و نقلي على نار هادية مع التحريك و نضيف الملح حسب الذوق و الفلفل الأسود و القرفة و السكنجبير و نزيد نقلي ثم نمرق و نزيد الجزر و الحمص بعدما نكون درته في كيس صغيرو نقي طبعا ،، نحزمه مليح و نثقبه بالفرشيطة ،، و نخلي الكل يغلي و نغلق الكوكوطة

في هذاك الوقت نحط مقدار ست ملاعق ك زيت الزيتون على الكسكس بعد ما نكون حطيته في قصعة و نخلط مليح بيديا باش الزيت يدخل لكامل حبات الطعام ،، انا نستعمل عمر بن عمر متوسط كما هو موضح في الصورة

ثم نفرغ عليه مقدار من الماء انا لكل 1 كغ ندير لتر الا ربع من الماء و نخلط بيدي باش نشمخه مليح و مرة على مرة نحله بصباعاتي باش ما يلصقش مع بعضه حتى نشوفه شرب قاع الماء و كل حبة وحدها،، و نكون درت القدر فيه الماء يغلي على نار قاوية ثم نعمر الكسكاس بالطعام و نغطيه و نخليه يفور مليح و كل وحدة طبعا طريقتها ،، انا نفوره المرة الاولى و نعاوده مرة وحدة و نغطيه و نخليه يرتاح و نزيد نفوره مرة اخرى و ندهنه

شوفو كيفاش الطعام شرب الما كاااامل و نشف كل حبة وحدها

لما ينضج اللحم و الجزر نصفي المرق و ننحي اللحم و نحطه في صحن و نخليه يبرد شوية ثم ننقيه مالعظم لي فيه و الشحم و نفتته الى قطع متوسطة و نغطيه الى حين الاستعمال و أيضاً ننحي الكيس تاع الحمص و نخليه بجهة ،، و ما ننساش تاني البودان او التعمير باش نحيه كذلك

نأتي الان الى طريقة التقديم
في صحن التقديم نحط طبقة تاع كسكس طبعا مدهون و نسقيه بشوية مرق لي كنت صفيته

من بعد نغطيه باللحم لي فتته بطريقة منظمة

نزيد نغطي اللحم بطبقة تاع كسكس بعد ما خلطت معاه الزبيب و نسقيه أيضاً بشوية مرق

و نزين من فوق انا زينت باللوز ،، حمرته في مقلة مع شوية مارغرين،، و بيستاش او فستق حلبي في الوسط و جوز و كرز معلب او سوغيز كونفيت هههه و الحمص و البودان قطعته الى نصف دوائر كما هو موضح في الصور و كل وحدة و ذوقها في التزيين و طبعا حسب الموجود

مين تبدو تأكلوا تلقو قطع اللحم و هووووب مفاااااجاة للضيوف بعدما حسبوه مسفوووووف هههههه

و هذه صورة نهائية اخيرة مممممممم

نتمنى تعجبكم الوصفة و طريقة الشرح حبيباتي راني كثرت الصور باش تفهمو ،، علابالي بلي كاين بزاف لي ما يعرفوهش و خاصة المبتدءات في المطبخ

و اخيراً نقوللكم دعوة خير بزاف عليا و السلاااام خير ختااااام و الحمد لله رب العالمين

ريتاج تيارتية · 2014-08-10, 17:26

اممممممممممممم يهبل انا الحاجة اللي نديرها نهرب بالغرفية واللي قافزة تحكمني هههههههههههه
بارك الله فيك ليزا

touta2010 · 2014-08-10, 18:10

اقتباس:

المشاركة الأصلية كتبت بواسطة ريتاج تيارتية

اممممممممممممم يهبل انا الحاجة اللي نديرها نهرب بالغرفية واللي قافزة تحكمني هههههههههههه
بارك الله فيك ليزا

منين خرجتيلي انتي
تقول كنتي معاها هههههههههههه
كنتي حاكمتلها الزلافة هههههههه

ريتاج تيارتية · 2014-08-10, 18:54

اقتباس:

المشاركة الأصلية كتبت بواسطة touta2010

منين خرجتيلي انتي
تقول كنتي معاها هههههههههههه
كنتي حاكمتلها الزلافة هههههههه

ههههههههههه كنت جيعانة بانتلي ليزا روحت نجري هههههههههههه

أم إناس · 2014-08-11, 10:20

ما شاء الله رووووووعه روووووووعه
كلمة راءعة قليله فيك امممممممممواح
بارك الله فيك
راكي شهيتيني فييييييييه

lyzzabel · 2014-08-11, 10:52

اقتباس:

المشاركة الأصلية كتبت بواسطة أم إناس

ما شاء الله رووووووعه روووووووعه
كلمة راءعة قليله فيك امممممممممواح
بارك الله فيك
راكي شهيتيني فييييييييه

يا عمريييييي انت الارررررروع عزيزتي و اختي الصديقة ام انووووستي ،، ربي يخليييييك يا الحبيبة و هاكي مواااااحتييييييين هههه

touta2010 · 2014-08-10, 17:27

مممممممم هايل يعطيك الصحة والله شهيتيني
وبما لني اول رد الزلافة كلها لياههههههههه

ريتاج تيارتية · 2014-08-10, 17:41

اقتباس:

المشاركة الأصلية كتبت بواسطة touta2010

مممممممم هايل يعطيك الصحة والله شهيتيني
وبما لني اول رد الزلافة كلها لياههههههههه

وين ليك يااااو انا هربت بيها قبلك ههههههههههههههههه

lyzzabel · 2014-08-11, 15:55

اقتباس:

المشاركة الأصلية كتبت بواسطة touta2010

منين خرجتيلي انتي
تقول كنتي معاها هههههههههههه
كنتي حاكمتلها الزلافة هههههههه

اقتباس:

المشاركة الأصلية كتبت بواسطة ريتاج تيارتية

وين ليك يااااو انا هربت بيها قبلك ههههههههههههههههه

ههههههههه يالله الشاطرة فيكم تقفز بالطبق

lyzzabel · 2014-08-11, 16:43

ههههه حنان وحدك
اولا شكراااا على ردك الجميييييل
و ثانياااا هو يقولوله التعمير على جال مين يعتمر ،، سواءا في ساشي ولا فالدجاج راكي فهمتيها
و كيما قلت فالموضوع نديره غير فالمناسبات السعيدة و للضيوف و لي تبغي تزيخ عائلتها تاني تديره علاش لااااا هههههه
حقا le goût sucré salé c'est une sensation que tu devrais decouvrir mmmm
مواااااح حنووووونتي الحننننووووونة

lyzzabel · 2014-08-11, 17:58

Oooooook حناااان مالا تفاهمنااااا هههههه ،، وعلا بالكي انا مارانيش دايرة فيه السكر ولا حاجة حلوة من غير لي سوغيز كونفيت و الزبيب و لي ما يبغيهمش ما يأكلهمش وخلاااص كيما انا ما نبغييييش الزبيب نديره فالطعام مي ما نااااكلهش هههههه

Simassim · 2014-08-10, 17:29

هاااااايل يااختي تقريبا نفس طريقتنا

malek nour hane · 2014-08-10, 17:30

اممممممممممممممممممممممممممممممممممممممممم انا ناكل و نعاود...اني مازال ماشفتوش هههه نريزارفي من يديك اكيد روعة

اليكسندرا · 2014-08-10, 17:34

رائع...يعطيك الصحة

malek nour hane · 2014-08-10, 17:36

يعطيك الصحة ليزابل انا هاتيلي هذاك التعمير لي هبلنيييييييييييييييييييييييييييييييييي .....انا نعرف السفة تاع الدويدة يعني فارميسال مع السمان امممم.....يعطيك الصحة فحلة تاع الصح ربي يبارك فيك.....نتي منين بالضبط معسكر ولا...ربي يبارك كلشي من عندك هبااال