من عنده مشكلة في الاجهزة الكهرو منزلية هنا الحل ان شاء الله

[zaki10]

السلام عليكم ورحمة الله

من عنده مشكل في الاجهزة الكهرومنزلية هنا الحل إن شاء الله

[nani225]

بارك الله فيك

[omkadi amina]

عندي مشكل فال كوشه هي دات خمس شعلات هنا كلشي تمام مشكلتها داخل الفرن لازم نبقى حاكمه البوتو طول الوقت باش نطيب فيها ماشى غير ثواني ونحي يدي انا حابه نحي هاد العفسه ادا امكن والا طريقه اصلاحها ادا تكرمت

[zaki10]

المشاركة الأصلية كتبت بواسطة omkadi amina

عندي مشكل فال كوشه هي دات خمس شعلات هنا كلشي تمام مشكلتها داخل الفرن لازم نبقى حاكمه البوتو طول الوقت باش نطيب فيها ماشى غير ثواني ونحي يدي انا حابه نحي هاد العفسه ادا امكن والا طريقه اصلاحها ادا تكرمت

السلام عليكم
عندك مشكلة في السلك الذي يسمي ترموكوبل يكون امام النار لازم يقسو النار الي مقطوع لازم يتعاود سهل كما تنحيه تركبو يتباع في الحنوت الكنكيري

[نجاة الجزائر]

السلام عليكم اخي
اعاني من نفس مشكل الاخت انتاع الفرن الدي يطفى.هل استطيع اصلاحه بنفسي.زوجي لا يريد اخدها عند مصلح للادوات الكهرومنزلية.ممكن ارشادي.

[قاديرو22]

المشاركة الأصلية كتبت بواسطة omkadi amina

عندي مشكل فال كوشه هي دات خمس شعلات هنا كلشي تمام مشكلتها داخل الفرن لازم نبقى حاكمه البوتو طول الوقت باش نطيب فيها ماشى غير ثواني ونحي يدي انا حابه نحي هاد العفسه ادا امكن والا طريقه اصلاحها ادا تكرمت

سلام ا ختي المشكلة عندك في سلك النحاسي المتصل بالفرن قد يكون تالف

[imane khaled]

شكرا شكرا نشاء الله نلقى عندك الحل راني الان نغسل في الغسالة اوتوماتيك بدات تخرج في الماء من الباب الخارجي و من الدرج الصغير تاع الصابون وقفتها و عاودت شغلتها و نفس المشكل

[zaki10]

المشاركة الأصلية كتبت بواسطة imane khaled

شكرا شكرا نشاء الله نلقى عندك الحل راني الان نغسل في الغسالة اوتوماتيك بدات تخرج في الماء من الباب الخارجي و من الدرج الصغير تاع الصابون وقفتها و عاودت شغلتها و نفس المشكل

اغلقي الباب تع الغسالة مليح اما الدرج تع الصبون يكون معمر باصابون اكثر من الازم او قوة الماء بزاف قوية نقسي من الربوني

[imane khaled]

المشاركة الأصلية كتبت بواسطة zaki10

اغلقي الباب تع الغسالة مليح اما الدرج تع الصبون يكون معمر باصابون اكثر من الازم او قوة الماء بزاف قوية نقسي من الربوني

شكرا ليك خويا لكن جربت قاع هادو لي قتلي و نفس الشئ هل ممكن تكون خاسرة لانها جديدة و مازال خلاصها ما كملش مركة تاعها اينيام

[zaki10]

المشاركة الأصلية كتبت بواسطة imane khaled

شكرا ليك خويا لكن جربت قاع هادو لي قتلي و نفس الشئ هل ممكن تكون خاسرة لانها جديدة و مازال خلاصها ما كملش مركة تاعها اينيام

ليست مشكلة صعبة .اذا مزلها في garantie مالازمش اتشيها الي خلاصة افتحي الغطاء الي جاي من الفوق تلقاي الطيووات الي يجبو الماء الي علبة الصبون و تحت علبة الصبون تلقاي طيو كيبر لي هابط الي داخل الغسالة شوفي كاش طيو تناحا من بلاصتو ولا مقطوع اذا لقيتي كلش عادي افتحي التيو لي جاي تحت العلبة تع الصبون تلقايه بلاك معمر بالصبون نصفيه جيدا ان شاء الله يحل المشكل

[roma01]

ثلاجة نوع سامسونغ نوفورست الفريزر ( المجمد يعمل بينما الجزء السفلى لا يبرد وهل تحتوى على بطاقة ام carte mere ام لا الرجاء افادتنا وكم تبلغ كلة الاصلاح

[توفيق المدني]

المشاركة الأصلية كتبت بواسطة imane khaled

شكرا شكرا نشاء الله نلقى عندك الحل راني الان نغسل في الغسالة اوتوماتيك بدات تخرج في الماء من الباب الخارجي و من الدرج الصغير تاع الصابون وقفتها و عاودت شغلتها و نفس المشكل

جربيها بدون ملابس اشوفي الماء يتوقف اوتبقى تتعمر حتى تفيض
اذا فاضت تكون الاسباب كالاتي:
1- السوبريسور اذا كان البيت مجهز به مضبوط على ضغط عالي حيث الة الغسيل ماتقدرش تغلق الماء آليا
2- انبوب اداة ضبط مستوى الماء pressosta مسدودة
3- اداة غلق الماء معطوبة electrovane

[tirouche omar]

بدلي الجوان و نقي بلاسة الاومو

[بنت غليزان]

انا عندي ميكسور جديد جابتولي ماما من فرنسا خادمة بيه مي مش بزاااف مي كي جيت نخدم بيه شميت ريحة حرق و مابغاش يخدم هو داير كيما هاك

[zaki10]

المشاركة الأصلية كتبت بواسطة بنت غليزان

انا عندي ميكسور جديد جابتولي ماما من فرنسا خادمة بيه مي مش بزاااف مي كي جيت نخدم بيه شميت ريحة حرق و مابغاش يخدم هو داير كيما هاك

كي خرج منو الدخان يعني البوبناج تاعو تحرق لا تفتحيه خذيه ليخدم يعودلك البوبناج