السلام عليكم و رحمة الله تعالى و بركاته .
واش الحالة جماعة ان شاء الله لباس
مزال 16 يوم على موعدنا الرسمي لاجتياز الشهادة
الوقت لي مزال تع مراجعة + ملخصات + تمارين
بصح ماشي معناتو خلاص مهوش تع حفظ و فهم وحدات ربما مبديتهاش كامل و ....
لا هذا الوقت باش تعرف نقائصك و ما الفائدة ؟ باش تصححهم الآن
بدون خوف + توتر + خلعة + قلق + ارتباك + ....
فقط بالقليل من التفاؤل [ ماشي راقد و تتفائل ] + راحة نفسية + دعاء + استغفار
و أنت ناجح من الآن لان العامل النفسي يلعب دور كبير جدا كيما المنهجية في العلوم
![1](images/smilies/1.gif)
جبتلكم برنامج مكثف نوعا ما يخص النظاميين و الأحرار [ بالمناسبة نصيحة حبسوا دروس الدعم هادي فترة تع تقرا وحدك ]
و لازم الاستمرارية ثم الاستمرارية و الباك مراهوش شبح متخافوش متحاربوش بالسيف يوم 20 جوان برك اعرف وين تضرب القلم تاعك
بالرغم مع اني طالبة مثلكم نظامية و .... لكن الثقة جعلتني كاني جوزتو من قبل [ الحمد لله ]
من 3.30 صباحا الى 8.30
مادة حفظ
من 9.00 الى 12.30
مادة اساسية [ علمية ]
من 13.30 الى 15.00
مادة ثانوية
من 15.30 الى بعد العشاء
مادة علمية أساسية
للتذكير
الصلاة و الأحزاب في وقتها
و اقرا من قلبك ماشي تشد الكراس و راك تخزر فيه
لازم على الاكثر القلم يخلاص في 3 ايام
![1](images/smilies/1.gif)
+++
و انا منيش نفرض عليك هذا البرنامج مجدرد مساعدة لقيت فيها الخير جبتهالكم
و مكاش لي يحددلك المهام انت اقرا على حساب الاولويات تع المواد
منقلكش من ... الى ... حفظ 5 مصطلحات و درس رياضيات وووو
لا كل واحد فينا عارف اولوياتو و نقائصو لوحدو
+++
اسمحولي طولت عليكم بالهدرة
معليش ابتداءا من غدا على 3.00 تع صباح بعد صلاه الفجر و الحزب أي نبداو على 3.50 هكاك
الي يحب يشارك في التحدي مرحبا و اي استفسار او مشكل في الدروس او تمارين او ... نحن هنا
ربي يوفقنا