compotes pour bébé

oum radja · 2012-12-26, 15:46

السلام عليكم
كنت نحوس في صفحات منتدي الطبخ و لاحظت أنو رانا ناسيين الأطفال الرضع
هوما ثاني كي يتعداو الشهر الرابع نبداو نوكلوهم
و راني لاحظت انو معظم الامهات تدير لولادها البطاطا والزرودية في المرقة تاع الغدا و ترحيها و توكلهم
نفس الماكلا كل يوووووووووم تملل

ديري في كاسرونة
حبة طماطم
نص بصلة
2حبات ثوم
2حبات زرودية
حبة بطاطا
كاس جلبان أو لوبية خضرة أو بسباس
ملعقة زيت أو زبدة ملح
و ديري الما و خليها تطيب
من بعد ارحيها بالميكسور
و هاذ الكمية تكفيك يومين

و ممكن تزيديلها ملعقة زبدة أو حبة فرماج
هاذ الاكلات صحية جدا لطفلك
و بلا ما ننسو الديسار
قطعي 2 حبات تفاح أو الفاكهة الي موجودة
زيدي لها2 ملاعق كبار سكر ونصف كاس صغير ماء و ديريها فوق النار حتى تقرب تنشف
ارحيها بالميكسور و خليها تبرد تجي كيما la compote de fruit الي تتباع

oum sabrina · 2012-12-26, 16:44

merciiiiiiiiiiiiiiiiiiiiiiii

منال مانو · 2012-12-26, 16:51

شكرا ليكي

ommido · 2012-12-27, 11:47

بارك الله فيك

أم عائشة 10 · 2012-12-27, 11:57

يعطيك الصحة
عندك الصح هدا الجانب كاين فيه تقصير في انتظار المزيد
موفقة

ميرثا · 2012-12-27, 12:02

مشكورة اختي

صحيح القسم يخلو من قسم لمآكولات مرضى السكري

ونتاع الاطقال والرضع للاسف نتمناو يضيفوهم

achwak4 · 2012-12-27, 12:08

انا ندير لبنتي بصح بدون بصل وثوم وهل السكر مليح للرضع لان الفا كهة حلوة قليلا

oum radja · 2012-12-28, 14:10

اقتباس:

المشاركة الأصلية كتبت بواسطة achwak4

انا ندير لبنتي بصح بدون بصل وثوم وهل السكر مليح للرضع لان الفا كهة حلوة قليلا

شكرا على المرور اختي السكر مليح اذا كانت الفاكهة حامضة شوية

ام ملاك. · 2012-12-27, 12:23

يعطيك الصحة والله صح نسيناهم

الأمنيات · 2012-12-27, 13:18

جزائرية · 2012-12-27, 17:32

merciiiiiiiiiiiiiiiiiiii

zitoukar · 2012-12-28, 10:43

شكرااااااااااااااااااااااااااا

ام محمد اصيل · 2012-12-28, 16:15

شكرا اختي على الوصفة مفيدة جدا ولكن هل ممكن نمد لابني الرضيع ياكل كي يكمل اربعة اشهر لان الطبيب منعني اني ندخل اي اطعمة صلبة قبل الستة اشهر مع العلم لن ابني يستفرغ كل كمية الحليب اللي يرضعها والله مشكلة وسقسيت على هاد الحالة اخبروني ان عضلات المعدة غير مكتملة النمو وتنتهي هده المشكلة مع تقدمه في السن الخلاصة ابني في 30 ديسمبر يكمل 4 اشهر ويدخل في الخامس من فضلك ساعديني بوصفات وفكريني وش ممكن نمدله في هده السن لاني نسيت ابني الكبير عنده 4 سنوات وشكرا مقدما.

دعاءياسين · 2014-05-05, 12:30

[QUOTE=ام محمد اصيل;12565681]شكرا اختي على الوصفة مفيدة جدا ولكن هل ممكن نمد لابني الرضيع ياكل كي يكمل اربعة اشهر لان الطبيب منعني اني ندخل اي اطعمة صلبة قبل الستة اشهر مع العلم لن ابني يستفرغ كل كمية الحليب اللي يرضعها والله مشكلة وسقسيت على هاد الحالة اخبروني ان عضلات المعدة غير مكتملة النمو وتنتهي هده المشكلة مع تقدمه في السن الخلاصة ابني في 30 ديسمبر يكمل 4 اشهر ويدخل في الخامس من فضلك ساعديني بوصفات وفكريني وش ممكن نمدله في هده السن لاني نسيت ابني الكبير عنده 4 سنوات وشكرا مقدما.[/
من فظلك اختي اسم الحليب اللي تشربيه لوليدك انا كدلك ابني عندو خمسة اشهر كان كيما وليدك

إيمان احمد · 2014-05-04, 20:33

رررررررررررررروعة اختي