اللي تعرف تطبخ تدخل

[عاشقة برشلونة]

بليز بنات اللي تعرف كيفاه تتطبخ السفيرية تقولي
محتاجتها بلييييييييييييييييييييييييييز

[ام شرفو]

المقادير:
قطع دجاج أو لحم غنمي بعدد الاشخاص
1كمشة حمص منقوع في الماء ليلة من قبل
1بصلة كبيرة
3ملاعق أكل زيت
1ملعقة أكل مارغرين
1/2 ملعقة صغيرة فلفل أكحل
1/2 ملعقة صغيرة قرفة
ملح
بالنسبة للكريات:
3بيضات
200غ جبن أبيض
1 كاس خبز يابس مرحي (شابلور)او خبزيابس
شوية حبة حلاوة
كيفية التحضير:
في قدر ضعي الدجاج مقطع الى أطراف مع البصل المفروم والزيت والسمن والملح والفلفل الأكحل والقرفة، بللي بنصف لتر من الماء، في نصف طهي الدجاج ضفي الحمص المنقوع،استمري الطهي حتى يمكن نزع الجلد عن الدجاج، ثم أطفئي النار.في نفس الوقت نحضر الكريات.
بللي الخبز اليابس او المرحي واعصريه، ضفي اليه الجبن والبيض والملح والقرفة و حرة حلاوة تقدري تزيدي شوية خميرة القاطو اعجني الكل جيدا ثم كوني كريات، اقليهم في الزيت واتركيهم على حدى.

عند تقديم هذا الطبق، افرشي الكريات واسقيهم بالمرقة والدجاج.
بالصحة و العافية

[خولة1995]

والله شخصيا ما نعرفها وان شاء الله يفيدوك كيما ام شرفو

[عاشقة برشلونة]

بارك الله فيك اختي ام شرفو جزاك الله خيرا
لا بأس اختي خولة شكرا على الرد

[سامية الجزائر]

بارك الله فيك

[*أم كوثر*]

انا السفيرية لي نعرفها تختلف تماما على تع الاخت ام شرفو
لي نعملها انا تكون بالبطاطا
نفس الصوص لي قالت عليه ام شرفو
اما الكريات عبارة عن بطاطا مغلية مع الماء و المله و نرحيها و نقطع معاها بصل رقيق جدا و معدنوس و توابل و بيض حسب الحاجة وجبن قطع و نكورها و نمررها في فرينة تم في البيض تم في شابلورومن بعد نقليها في زيت غزير و نقطرها و تقدم مع الصوص
و الله اعلم ربما كيفيتين بنفس الاسم

[yasamine2009]

chokrana djazilan rana rbahna deux recette

[أم ياسين الزهراء]

اختي وكاين سفيرية وحدة اخرى وهي مرقى بيضة ومعاها شوي حميصة بالجاج وفي مقلى معمرى بالزيت تكسري حبة تاع البيض وديري قيس العائلة انتاعك المهم تقلي حبة بحبة وتحطيهم في المرقى تغلي شوي وطفي وكيتسربي اعصري القارص تجي روووووووووووووعة


وانا ندير احيانا سفيرية ام كوثرمع اضافة شوي الخميرة تاع القاطو في حشوة الباطاطا

[ام شرفو]

المشاركة الأصلية كتبت بواسطة *أم كوثر*

انا السفيرية لي نعرفها تختلف تماما على تع الاخت ام شرفو
لي نعملها انا تكون بالبطاطا
نفس الصوص لي قالت عليه ام شرفو
اما الكريات عبارة عن بطاطا مغلية مع الماء و المله و نرحيها و نقطع معاها بصل رقيق جدا و معدنوس و توابل و بيض حسب الحاجة وجبن قطع و نكورها و نمررها في فرينة تم في البيض تم في شابلورومن بعد نقليها في زيت غزير و نقطرها و تقدم مع الصوص
و الله اعلم ربما كيفيتين بنفس الاسم

انا تربيت في الجزائر العاصمة وهذا تطيبوه كيما حطيتو
وهذا الي حطاتو ام كوثر طبق عندو اسم اخر مانيش متفكراتو

المشاركة الأصلية كتبت بواسطة أم ياسين الزهراء

اختي وكاين سفيرية وحدة اخرى وهي مرقى بيضة ومعاها شوي حميصة بالجاج وفي مقلى معمرى بالزيت تكسري حبة تاع البيض وديري قيس العائلة انتاعك المهم تقلي حبة بحبة وتحطيهم في المرقى تغلي شوي وطفي وكيتسربي اعصري القارص تجي روووووووووووووعة

احنا نسميوها شطيطحة جاج

[عاشقة برشلونة]

شكرا جزيلا لكم بارك الله فيكم

[soussou_saida]

salam ana nedireha kima oum kawtar lakine andena yessemouha ma3kouda

[ninar16]

جامي اسمعت بيها بصح كي سمعتها بانتلي مليحة ]

[عاشقة برشلونة]

ايه ختي مليحة بزاف جربيها

[رهف فتاة]

انا تاني للي ديرها ماما مختلفة تماما شكرا على الوصفة خياتي

[عروبة2003]

السلام عليكم ورحمة الله تعالى و بركاته
ساضع وصفة السفيرية و التي قدمتها السيدة دليلة سليماني في اذاعة الجزائر
نحضر مرقة بيضاء عادية مكوناتها قطع دجاج- زيت - بصل - حمص - ثوم - ملح - فلفل اسود قرفة حسب الذوق والماء .
2 خبزات نضعهم في الحليب حتى يتشرب ونعصره جيدا ثم نضيف له بصلة مقطعة رقيق و ثوم مقطع و جبن ابيض ونرشه بقليل من ماء الزهر + 1 كيس خميرة الحلوة + البيض حتى تصبح العجينة خفيفة يعني من 4 الى 5 بيضات و ايضا حسب حجم البيض ثم ناخذ ملعقة من الخليط و نقليه في زيت ساخن حتى يتحمر من الجهتين و هكذا حتى نكمل كامل الخليط ونقدمه مع المرق الابيض و الحمص ونزين بالمعدنوس و شرائح الليمون و شهية طيبة .