تحضيراتي للشهر الكريم *متجدد بإذن الله*

[زينب 83]

اللهم بلغنا رمضان بارك لنا فيه

حبيت نفتح موضوع نشاركم بتحضيراتي للشهر الكريم ، لكن بعد تفكير قلت نفتح موضوع مشترك نجمعو فيه تحضيراتنا كامل ، يعني موضوع لجميع العضوات تستفادوا كامل منو ، و نتمنى من قلبي انو كل العضوات يحطو تحضيراتهم في الموضوع مهما كانت بسيطة لانو في الاخير قد نجد في النهر ما نجد في البحر

هذه تحضيراتي للشهر الفضيل سأضعها بالتدريج و كل ما نحضر شيء جديد سأضعه الى اخر يوم في شهر شعبان بإذن الله

انا أحب هذه التحضيرات لانها توفرلي وقت كبير للعبادة في شهر رمضان و كذا توفر وقت لزوجي ، يعني شهر رمضان أغلى من ان يقضيه الانسان في المطبخ او السوق ، لذا راح نحاولوا في تحضيراتنا تكون نيتنا توفير الوقت للعبادة في الشهر الكريم




قبل ما نحط تحضيراتي هذا رابط لتحضيرات استاذتنا دائمة الحمد لرمضان لي فات في موضوع الأخت ام راضية و اكيد هموما معلماتنارلي راح نتعلموا منهم الكثير ، ربي يحفظهم يا رب هوما و كل الغاليات لي قدموا للمنتدى الكثير الكثير ربي يجازيها كل خير


https://www.djelfa.info/vb/showthread...1576995&page=5

بسم الله

تصبير الطماطم

انا افضل تصبير الطماطم احسن من التجميد لانها تحافظ على الطعم و الرائحة كأنها جديدة و في نفس الوقت سهلة الاستعمال و تصلح لجميع الوصفات المحتوية للطماطم

هذا رابط طريقتي بالتفصيل

https://www.djelfa.info/vb/showthread...post3993376819







الثوم المجفف

الثوم المجفف رائع و نكهته قوية جيد جدا للصلصات و تتبيلات اللحوم و السمك و حتى المرق


نقشر الثوم و تقطعه الى شرائح ، انا لم أقطعه لكن من الاحسن تقطيعه







نسخن الفرن جيدا ثم نطفيه و ندخل الثوم كل ما يبرد الفرن نعاودو نسخنوه مليح و نعاودو نفس العملية لكن عند التسخين نخرج الثوم



بعد ما يجف الثوم و يصبح صلب نرحيه في رحاية القهوة و نخبيه في علبة







تقدرو تيبسوه في الشمس لكن يطول و يتغبر




تصبير القرنون

صبرت القرنون من جديد لانو الاول كلاوه ما شاء الله

https://www.djelfa.info/vb/showthread.php?t=1783641











معجون و صوص الفراز اممممممممم معلبة من دون ثلاجة


المعجون رائع لفطور الصباح و الحلويات خاصة الصابلي

اما الصوص فهي جيدة جدا للتحليات و الايسكريم و الباتيسري ، و حتى العصائر الطبيعية


هذه طريقتي في تعليب معجون و صوص الفراولة


https://www.djelfa.info/vb/showthread...post3993377998








تجميد الجلبانة او البازلاء

نقيو الجلبانة و نحطوها تغلى لمدة 5دقائق لقتل الأنزيمات الخاصة بتغيير اللون و الطعم ، ثم نحطوها في ماء بارد و نقطروها مليييييييييح و نحطوها في اكياس خاصة بالتجميد بعد ما نضغطو ملييييح و نخرجو كامل الهواء لي في الكيس ، علابالي بلي معظمكم يجمد في قارورات المياه و المشروبات لكن هذه الاخيرة راهي تستعمل مرة واحدة فقط بعدها تصبح ضارة جدا للصحة و تطلق مواد مسرطنة
كما انو الأكياس بهذه الطريقة راح ما تحكمش مكان في المجمد








تجميد القرنون

نقيو القرنون و نغطسوه في عصير الليمون المركز بعدها نغليوه 5 دقائق و نشفوه و نخبيوه بنفس طريق الجلبانة












تجفيف الطماطم

نغسلو الطماطم جيدا و نقصوها شرائح رقيقة و نتبلوها بالثوم و الملح و الزعتر و الإكليل و الفلفل الأسود و نحطوها في الخارج لكن في الظل و نخليوها تجف و تيبس

انا نحبها و نستعملها في البيتزا و خبز الفوكاشيا طعمها رائع







بعد ما تجف راح نحط الصورة و طريقة التخزين


تصبير البرتقال



هذي طريقتي في تعليب الفاكهة تماماً مثل التي تباع و بدون مواد حافظة و ملونات

انا عملت البرتقال و ممكن استعماله في العصائر و التحليات و التورتات و السيرو تاع البرتقال نقدرو نسقيو بيه البسبوسة و لي بابا و الجينواز وووووبزاف حلويات اللي تحتاج للشاربات




https://www.djelfa.info/vb/showthread...post3993450113





باقي تحضيراتي

صبرت الحمص احسن من تاع برى من دون مواد حافظة





هذي الطماطم المجففة خزنتها في زيت الزيتون رائعة للبيتزا و خبز الفوكاشيا




رقدت الفلفل بالطري التقليد مع كمون و ثوم




صبرت الليمون للطواجن امممممممممممم



جمت الفراز بالطريقة السليمة لي تحافظ على ذوقو و ريحتو و لونو






وجدت زرارع الخبز
سينوج حبة حلاوة و جلجلانية



خدمت حميس تونس حاااااااار و بنيييييييين









يتبع

[روضة 88]

بارك الله فيك على الموضوع الرائع .

[fado19]

يعطيك الصحة

[زينب 83]

المشاركة الأصلية كتبت بواسطة fado19

يعطيك الصحة

شكرًا حبيبتي

[Aya69]

يعطيك الصحة حبيبتي زينوبة ماشاء الله عليك ربي يحفظك متبخليش عليا والوا ان شاء الله يجعلها في ميزان حسناتك يارب
ان شاء الله يبلغنا رمضان امين يارب العالمين

[ام هبة العاصمية]

تعرفي كنت نسال كيفاش يخدموه وجا في وقتو هذا وقت العولة يعطيك الصحة يالفحلة

[ام هبة العاصمية]

عزيزتي زينب انا مضاريا نرحي الثوم و نوجدها ونحطها في المجمد نوجد لاصوص على طريقة الغالية ام كوثر ونحطها في المجمد للبيتزا ليلة رمضان انطيب كمية كبيرة حمص مع عضمة او طرف لحم باش ما تخذش الوصفة معي وقت خصوصا مثوم موضوع متميز ان شاءالله انكون من الفاعلة فيه و نحط بعض الافكار اللي تنقص على الواحد شكرا جزيلا

[عازفة الناي]

ماشاء الله رووووعة ومفيدة
انا تاني اليوم عملت الثوم بودرة بنفس الطريقة
ننتظرو المزيد من الافكار

[idron0]

الله يبارك أختي

[sofi5]

]الله يبارك أختي

[ابتسامة الامل]

شرف ليا انه اول مشاركة ليا تكون في موضوعك يا انشط عضوة في المنتدى ربي يخليك يا حرة لحراير

[زينب 83]

المشاركة الأصلية كتبت بواسطة ابتسامة الامل

شرف ليا انه اول مشاركة ليا تكون في موضوعك يا انشط عضوة في المنتدى ربي يخليك يا حرة لحراير

و حنا تشرفنا بيك اختي الغالية اهلًا و سهلا

[زينب 83]

المشاركة الأصلية كتبت بواسطة sofi5

]الله يبارك أختي

يبارك فيك اختي الغالية

[أم ريمة*]

شكرا زينب على المعلومات ربى يجعلها فى ميزان حسناتك الثوم البودرة فالبرج نديروه كل صيف يعنى عولت العام ونيبسوه فالشمس دابما فالدار القرنون موالفة نجمدو هذا العام جربت طريقتك انتاع التصبير ونزيد باذن الله نجرب تصبير الطماطم باذن الله جزاك الله خيرا

[أم محمد تاج]

موضوع رائع زنوووبة حبووووبة يالنحلة النشيطة وغدا باذن الله نحط تحضيراتي البسيطة اتحمليني هههههههههههههه