الشخشوخة البسكرية

[بنت من البنات]

السلام والرحمة اخواني شكون لي ميعرفش الشخشوخة البسكرية نقدملو الوصفة السحرية

[راجية الفردوس الاعلى]

السلام عليكم أختي ممكن تكتبيلي مكونات الشخشوخ البسكرية إذا امكن

[chekmoud]

ومتنسوش الشخشوخة انتاع سور الغزلان مخدومة بلهرماس

[بنت من البنات]

شوفي ياختي واش ديري في الاول جيبي ككوطة اوضعي فيها لحم بقري من الاحسن يكونو هبرات كبار ثم اضيفي لهم الفلفل الاحمر وراس الحنوت زيت وطماطيش نتع الباط ثم اسكرفشيلها 4 حبات بصل انا نقول 4 يكفو لوكن تكثريلها تعود مروقي ياختي الكريمة ثم اضفيلها الماء وفرمي عليها وكي يطيب لحم نحيه ليطيح واضيفي الخضر بطاطا الحبة على 2 والقارعة الحبة على 2 واضيفي الماء ياختي رايح نقلك حاجة كان عدت الككوطة متتقفلش ننصحك متلوحيش لحم لحطرش تقعدي معه لصالحنوت والملاح والبح هذي الرقة ام الكسرة استعمالي دقيق القنطرة وعجني مليح اضيفي الملاح ودلكي ثم لوزي بالزيت وطيبي فطير الحرير وشهية طيبة جربي وراجعي لحبر

[allamallamallam]

الشخشوخه هى اكله منتشره فى الشرق الجزائرى و هى عدة انواع

واشهرها هى الشخشوخه البسكريه

ثم تاتى بقية الشخاشخ

الشخشوخه البوسعاديه
الشخشوخه البريكيه
الشخشوخه الباتنيه
الشخشوخه الجبايليه
الشخشوخه الزابيه
الشخشوخه العموريه
الشخشوخه المسيليه
الشخشوخه السطايفيه
الشخشوخه الخنشليه
الشخشوخه القسنطينيه
الشخشوخه البرايجيه


,,,,,,,,,,,,,,,,,,,,,,,,,الى آخره من الشخاشخ

اما شخشوختنا حنا فى المغير هى نسموها الشخشوخه الرحمانيه و هى نوع من الشخشوخه الزابيه

و لعلمك هاته الشخاشخ لها نفس طريقة التحضير لكنها تختلف فى المرق و التوابل


و اشهر شخشوخه هى شخشوخة نهار العرس ؟؟؟؟ و يأكل من حضر العرس الشخشوخه فى اليوم الثانى للعرس هذه تقاليد قبيلة رحمان فى المغير .... وتختلف التقاليد من منطقه الى اخرى

ربي يحينا و ناكلوا شخشوخة عرس كل من فى المنتدى نشاء الله دون ان ننسى صاحبة الموضوع انشاء الله ناكلوا شخشوختها

[mima64]

بنينة مرحبا بلي جا لبسكرة وضاق شخشوختها

[رملاك]

السلااااااااااااام عليكم

أنا أختي برايجية و حنا في البرج تاني نديروا الشخشوخة

و لكن شخشوخة المسيلية مليحا بزاااااااف تعجبني و جميع ناس البرج يحبوها

و تقريبا نفس طريقة التحضير كيما قلتي

سلااااااااااااااااام..............

[راجية الفردوس الاعلى]

شكر أختي بنت من البنات على هذا التوضيح وشكر لأخ allamallamallam وبارك الله فيك وإن شاء الله ربي يحينا وناكلوا شحشوخة بنت من البنات وشكر عل التدخل الطيب أخت ايمان البرايجية بس أنا أكلة شخشوخة العمور وعجبتني بزاف وأعتقد أنا شخشوخة العمور هى المشهورة

[allamallamallam]

المشاركة الأصلية كتبت بواسطة راجية الفردوس الاعلى

شكر أختي بنت من البنات على هذا التوضيح وشكر لأخ allamallamallam وبارك الله فيك وإن شاء الله ربي يحينا وناكلوا شحشوخة بنت من البنات وشكر عل التدخل الطيب أخت ايمان البرايجية بس أنا أكلة شخشوخة العمور وعجبتني بزاف وأعتقد أنا شخشوخة العمور هى المشهورة

العفو ..اختى الكريمه

الشخشوخه اكله منتشره فى الشرق الجزائرى .....وهى وصلت الى غاية العاصمه

فى العاصمه يسموها شخشوخة البساكره ,,,,و يديروها نهار المولد النبوى



سلام

[« أبْجَدِيَّاتْ »]

وعليكِ السَّلامُ و رحمةُ الله..

أنا لحدّ الآن مَا شفتش شخشُوخة بَنّ من شخشُوخَة المسيليِّينْ
البسَاكرة نحبّ الدُّوبَارة الليِّ يديرُوهَا / ويعطيك الصحّة ع الوصفة ، و صحَّ فطورك ،،

[allamallamallam]

المشاركة الأصلية كتبت بواسطة « أبْجَدِيَّاتْζ »

وعليكِ السَّلامُ و رحمةُ الله..

أنا لحدّ الآن مَا شفتش شخشُوخة بَنّ من شخشُوخَة المسيليِّينْ
البسَاكرة نحبّ الدُّوبَارة الليِّ يديرُوهَا / ويعطيك الصحّة ع الوصفة ، و صحَّ فطورك ،،

ذقتى شخشوخة البساكره و لا مازال ؟؟؟؟؟؟؟؟؟؟؟؟؟

[« أبْجَدِيَّاتْ »]

المشاركة الأصلية كتبت بواسطة allamallamallam

ذقتى شخشوخة البساكره و لا مازال ؟؟؟؟؟؟؟؟؟؟؟؟؟

نعمْ ، لأنيِّ زايدة في بسكرة

بسكرَة ، العاصِمَة ، سطيفْ ، مسيلَة ، عناَّبة ، باتنَة ، أمّ البواقي ، بُرج بُوعريريجْ ، قسَنطينَة .. هادو كَامل شَخشَخت عندهم ، بصحَّ مَا لقيتش شخشُوخة خير من تاع المسيليَّة ، أمّا البسَاكرة نحبّ عندهم الدُّوبارة ، و أيضًا قسنطينة نحبّ دوبارتهم خير من شخشُوختهم . كلّ واحد و ذوقُو كيفاَش يا أخي

[rania nou]

هههههه انا بسكرية ونحب الشخشوخة تاع العراس مممم تسخفي فينا وحنا في رمضان

[amoros]

بسكره= دوباره
المسيله=شخشوخه
سطيف=بربوشه

[عبداللطيف1967]

لي رايح يتذوق ويعرف البنة الحقيقية للشخشوخة عليه بالشخشوخة انتاع لبازيد لحرار