فكررة راااااااااااا ائعة ادخلوا وشاركوني

oum hadjer · 2012-03-04, 16:23

شكون منا متخممش في لغده ولا لعشه نتغداو نخموا واش نديرو للعشاء , نتعشاو برك نخموا في لغده نتاع غدوه

سؤال محيرنا أكل : واش ندير للغده ولا للعشه ؟؟؟؟؟؟؟؟؟؟؟؟؟؟؟؟؟؟؟

أناحبيت نتعاونوا أكل ونعاونوا بعدانا واللي تدير حاجة للغداء ولا العشاء تكتبهنا و نهزوا على بعضانا ونتهناو من

التخمام شويه. والي تحب تزيد تمد الوصفة ماذابينا.

ونبدا أنا:
أنا درت اليوم للغده سوفلي ونزيد نمدلكم الوصفة الي تحب تجرب والله رايعييييييييييييين
المقادير نتاع زوج عباد أنا و زوجي:

العجينة: نصف كاس ماء ونصف كاس حليب حطهم يدفاو شوي ونجيب صحن نحط ملعقة كبيرة خميرة الخبز وملعقة صغيرة سكر ونحط الحليب والماء الدافي عليهم و نحرك نذوب خميرة و سكر ونزيد عليهم نصف كاس زييت وملح ونلمهم بالفرينة و منعجنهمش .ونبعد نشكلهم كريات صغار قد نتاع لمفرمسه ونغطيهم و نخليهم يرتاحو .
نروح نحظر الحشو نخدم صوص تومات ونقطع زيتون الاسود ،والاخضر ، الدبشة الفرماج ،الطو، البيض لمشرشم ، الحشو واش حبيتي انت.

وكي ترتاح العجينة نحللهم بالفرينة نديرهم دواور و نحط صوص تومات والحشو اللي تحبي و نصكر اي تولي عندي نصف دائرة ندهنهم من الفوق بصفار البيض معاه شوي حليب ونطيبهم في الفرن والله يجيو رايعييييييييييين

ونضك راني نخمم واش ندير للعشاء أغيثووووووووووووووووووني

ريحان الجزائر · 2012-03-04, 17:12

السلام عليكم و رحمة الله و بركاته عندك الحق أختي الطياب هذا ولانا مشكل و يزيدو يشرطو هههههههههههههههههههههه أنا اليوم درتلهم تليتلي بلاصوص حمرا و لعشا مانعرف هههههههههههههههههههههههههه بالاك لحميس لي نسميوها الشليطة بالكسرة حاجة خفيفة

سمراء الدنيا · 2012-03-04, 20:11

ممكن اختي تشوفي موضوعيhttps://www.djelfa.info/vb/showthread.php?t=885965

infirmiére · 2012-03-05, 21:11

هذا لعشة تع البارح batata mach'wiya salade ch'wa ta3 margaz o l'éscalope de dinde

infirmiére · 2012-03-05, 21:16

هدا لعشة تع اليوم شوربة بيضاء غراتان بطاطا

geroise · 2012-03-09, 23:18

يعطيك الصحة

oum hadjer · 2012-03-10, 14:20

اقتباس:

المشاركة الأصلية كتبت بواسطة geroise

يعطيك الصحة

ربي يعيشك ونتمنى انك تشارك في الموضوع

oum hadjer · 2012-03-10, 14:21

أنا اليوم درت عدس و درت شويه مقفول

infirmiére · 2012-03-05, 21:17

oum hadjer · 2012-03-05, 21:56

سلام عليكم اولا نرد عل سمرا الدنيا راك تقولي ذك بلي حبيت نسرق فكرتك بصه أنا والله ماقريت موضوعك حتا بعثتيلي الرابط. بلاك أنا نخموا كيف كيف ارجو السماح

oum hadjer · 2012-03-05, 22:04

يعطيك الصحة حتي l'infirmier عل المرور وكرا عل الوصفات الي دزيتيهم بصح مفهمتش واش درتي للعشه نتاع البارح . أنا درت اليوم للعشه محاجب جاو يسخفو يستاهلوا فمك

infirmiére · 2012-03-06, 14:33

اقتباس:

المشاركة الأصلية كتبت بواسطة oum hadjer

يعطيك الصحة حتي l'infirmier عل المرور وكرا عل الوصفات الي دزيتيهم بصح مفهمتش واش درتي للعشه نتاع البارح . أنا درت اليوم للعشه محاجب جاو يسخفو يستاهلوا فمك

okh'ti hiya li taybet daret batata mach'wiya salade ch'wa ta3 margaz o l'éscalope de dinde

سمراء الدنيا · 2012-03-06, 08:29

اقتباس:

المشاركة الأصلية كتبت بواسطة oum hadjer

سلام عليكم اولا نرد عل سمرا الدنيا راك تقولي ذك بلي حبيت نسرق فكرتك بصه أنا والله ماقريت موضوعك حتا بعثتيلي الرابط. بلاك أنا نخموا كيف كيف ارجو السماح

لا و الله العفو انا اللي كنت خايفة لا نكون سرقت فكرتك
و كي حبيت نشارك معاك جاتني صعيبة باش نعاود نحمل
الصور و نحطهم حطيت الرابط اسهل و باش ما تزعفيش
العشا نتاع غدوة نحطو هنا ان شاء الله
و بلاك لقلوب راها عند بعضها

oum hadjer · 2012-03-06, 12:46

والله يا اختي هديل غير صخفتيني في لبيري بلاصوص نتاع الكبدة نتاع الجاج واقيلا نديرها للعشه لاقحة والهنه

oum hadjer · 2012-03-06, 20:23

والله عندك الحق يااختي my lamis أنا البارح كنت رايحه ندير مقرونة قالي هذا لاه هذا كرهناها وليت درتلو محاجب بصح والله جاو فووووووووور