المخ الغنمي على طريقة زخرفة

[zokhrofa]

السلام نتمنى تكونو بخير

اليوم جبتلكم طريقة عمل المخ الغنمي


الطريقة

في طنجرة حطيت زيت و درسة يعني ثوم و ملح و كمون و فلفل احمر و فلفل اسود و شوية ماء

دايما نعاودلكم انو لي دير الدرسة فيها فلفل احمر لازم تضيف مغرف قهوة ماء باش مايوليش مر

بعدها زدت طماطم مصبرة خليتهم يتقلاو و مرقت

بعد ما يبدأ المرق يغلي خليه هكذاك خمس دقائق على نار متوسطة

قطعي المخ مربعات

ضيفيه للمرق خليه يطيب

كي تخثر شوية المرقة طفي

لي تحب تديد بيض تزيد لي ما تحبش تاكلو هكءاك

جداتنا كانو يزيدو البيض باش يكفي كل العائلة

بالصحة و الهناء ان شاء الله

ملاحظة اذا قدرت نرافق صورة فيما بعد ان شاء الله

[*رحيق الجوري*]

منحبش بوزلوف مديته مممممم‘

[zokhrofa]

ربي يجعلها صدقة مقبولة

[أم رقية نسرين]

صح عيدك زخرفة
نفس طريقتي فقط انا منحطش الكمون و الفلفل الأحمر
يعطيك الصحة

[wala]

صح عيدك زخرفة اكلك يبان بنيييين علي حساب الوصفات لاني كاين لي جربتهم وعجبوني بارك الله فيك

[zokhrofa]

طالبة الزينة عيدك مبارك وكل عام وانت بالف خير وينك غايبة؟ ولا ماتلاقيناش برك هههه

[zokhrofa]

اهلا اختي ولاء عيدك مبارك وكل عام وانت بخير

هذا خبر يفرح بزاف نقدر نعرف شكون فيهم لي جربتيه؟ اذا امكن طبعا

[بيان 5]

شكرا على الطريقة رغم اني مستحيل ناكلوا

[zokhrofa]

معيافة بيان ههههه لاحظت فيك هذا الامر ياك ماتاكليش لفت صح

[بيان 5]

صح والله ماناكلوا ههههههه

[غزالة الصّحراء]

تسلم اياديك أختي زخرفة على الطرّيقة المبسّطة والدّقيقة . بصحتكم.

[zokhrofa]

هههه شفتي بيان فقتلك

[zokhrofa]

اهلا اختي غزالة هذا ذوقك الحلو

[أوتار*]

اممممممممممم نموت عليه يعطيك الصحة انا نحبو بالبيض

[zokhrofa]

اوتار درتو لبناتي في اليوم التالي بالبيض باش نضاعف الكمية و ذقتو ذوق مش بطال ههههه