السلام عليكم
هذا الموضوع بطلب من العزيزة نهال
آسفة مكاش صورة خاطش كليتو كامل فالفطور هههههههههههه
المرة الجاية كي نديرو ادرج الصورة ان شاء الله
طريقة الكباب :
ندير في طنجرة الزيت تسخن مليح من بعد نرمي اللحم لي حبيتي غنمي ولا جاج
كي يتحمر مليح و يطلق ريحت اللحم المقلي نرمي البصل و نقص للنار حتى يتقلى البصل مليح
ندير البهارات : فلفل ابيض اذا ما عندكش ديري اسود شوييييييييية برك + قرفة عود + راس الحانوت اذا ما عندكش ديري غير كركم بدون ملح
كي يتقلاو شوية مرقي بالماء البارد و ماشي السخون حتى يتغطى اللحم و خليه يغلي 30د على نار قاوية من بعد 1سا على نار هادية كامل
كي تشوفي طاب اللحم
ارمي الجلبانة لي تكوني فورتيها مع شوية ملح و ديري الملح للأكل خاطش ما درناش في الأوّل
و خلي حتى طيب الجلبانة
و تنقص المرقة تبقى ربغها فقط
ضيفي البطاطا المقلية و فوقها بيض مع معدنوس مقطع رقيق
و خليه يترنخ 15 د
بالصحة و الهناء
اقتباس:
المشاركة الأصلية كتبت بواسطة ام احمدي
امممم تشهي باسكو درتها اليوم للفطور وجات رووووعة
يسلمووووو
|
( تقرير عن مشاركة سيئة )، و الموجودة أسفل كل مشاركة .
2017-09-14, 13:30
كباب على طريقة زُخْرُفَةٌ
العرض المتطور
