![]() |
|
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
آخر المواضيع |
|
العقبة رقم 3 كيف تنظم وقتك وتضع جدول للدراسة ومشكلة - النسيان -
مشاهدة نتائج الإستطلاع: هل استفدت | |||
نعم |
![]() ![]() ![]() ![]() |
26 | 100.00% |
لا |
![]() ![]() ![]() ![]() |
0 | 0% |
قليلا |
![]() ![]() ![]() ![]() |
0 | 0% |
المصوتون: 26. أنت لم تصوت في هذا الإستطلاع |
![]() |
|
أدوات الموضوع | انواع عرض الموضوع |
|
![]() |
رقم المشاركة : 1 | ||||
|
![]()
السلام عليكم ورحمة الله وبركاته مر وقت طويل ولم اكمل المواضيع اعذروني لظروف انا فيها واحتاج دعائكم فلا تبخلو علينا بصالح الدعاء في الغيب - المهم اتفكرونا في صلاتكم بدعوة تفرح القلب - عدرا ايلا لقيتو اخطاء في الكتابة اريد ان اتطرق لموضوع مهم جدا ليس فقط في الدراسة بل هو موضوع يستطيع تغير حياتك لو استوعبت ما اقول وهو وضع خطة لحياتك بعيدا عن موضوع الباكالوريا اغلب المشاكل النفسية والاظطرابات وحالات الْاكتئاب بسبب عدم وجود اهداف واضحة فيعيش الانسان بدون حياة وبدون هدف وهادا ما يتركه يشعر بالحزن والخمول اذا كيف نضع خطة للسنة الباكالوريا بسيطة جيب ورقة بيضاء و ستيلو قسمها على زوج اكتب في النص الاول ماذا اريد – النجاح بمعدل 16 . دراسة طب . نفرح والديا . نكون انسان مثقف مميز ... . نولي مرفه هههههههه وعلا ش لالا النص التاني اكتب فيه العوائق -منعرفش نظم وقتي . ننسا بزاف . نكره بلخف . يهبطلي المورال . نعيا بلخف . نستهلك وقت كبير . مشكلة في مواد اللغات . الرياضيات . مواد الحفظ ...... هادي اول خطوة وابقى تسي تلقى لكل مشكل حل صدقني ماديرش هكدا غير حياتك تيقى كيما راهي شحال من مرة حاولت تتغير ويقيت كيما راك على خاطر معندكش اصلا خطة بدون خطة صعيبة بزاف باش تتبدل بعدها تطبع ورقة لكل الاشهر التي تدخل في السنة الدراسية وتقوم بوضع العطلة تاع 15 يوم وتبدا تدير اهداف 1/ يومية /2 اسبوعية 3/ شهرية 4/ سنوية – الباك بامتياز وهادا واش نتمنالكم بلا منعرفكم بصح نتمناها ليكم - و بما انه قرب الدخلة نمدلكم مثال بعد الاسبوع الاول للدراسة تبداو كل يوم تحدد واش دير فيه تروح لشهر سبتمبر 7 يوم السبت وتكتب – رياضيات . فيزياء .علوم- مثال هادا نتا دير واش تحب وهنا نحدركم مديروش الوقت زعما من 5-7 رياضيات .... هادي غلطة لالا المهم تكمل المهمة تحب اقرى على 4 تاع اليل معليش المهم تكمل واش كاين في الورقة واش نتا راك كاتب وبعدها صباح يوم الاحد روح للورقة وشوف قال انا قريت رياضيات راجعت الدرس وحليت 5 تتمارين دير خط اخضر علامة صح على رياضيات قال مقريتش فيزياء و علوم دير خط احمر عليهم في اخر الاسبوع راح تلقى بزاف اللون الاحمر ههههههههههههههههه معنتها مدرتش بزاف عفايس كنت حاب ديرهم وهادا يخليك تعرف فا شراك مقصر وصدقوني ومديروش هكدا غير متعرف وين راك ناقص وين لالا وتبقى عشوائي حياتك قاع غير منتظمة و كمل هكداك الاسبوع 2و3و4و5 ....... و ف كل شهر شوف التقدم وشوف العقبات الجدد لي جاوك ايضا يجب ان تقوم بتعليق الورقة لي كتبت فيها الاهداف و العقبات باش كل خطرة تتفكر واش راك حاب باش متفقدش الحماس وكل شهر تعاود دير وحدة جديدة صح كملنا في الجدول ودرنا جدول شباب ودرنا خطة للعام و زيدو ف الجدول الحوايج لي راكم حابينها . رياضة . تعلم لغات . طبخ للنساء هههههه المهم فهمتو واش حبيت نقول ماشي غير للباك لانه كي ديرو الباك هو كلش راح تخسوه وعلابالي الاغلبية صراتلو أي حاجة تحبها فوق الازم تروح عليك مادية او معنوية تسما مدلو قيمتو متمدش اهتمام زائد صح مشكلة النسيان راح نمدلكم حوايج ساهلين فقط ركزو 1* الخريطة الذهنية لازم تتعلمو ديروها اكتبو في جوجل برك راح تتعلمو كيفاش ساهلة بزاف مي صدقوني غير تولي ليكم متعة راني ماستر 2 او مازلت نستعملها على خاطر متكرهش او زيد تحفظ بلخف وين لقيتوها 2* ديرو في بالكم مخكم قادر يستوعب 10000 مرة ملي راكم تخدمو بيه بصح برك نتوما معرفتوش كيفاه نمدلك مثال اغلبنا صراولو حوايج كي كان صغير او مازالو متفكر عليهم بالتفاصيل . او تان الاشياء السيئة التي قام الناس بفعلها لنا مازلت متفكرها بالتفصيل وعلاش على خاطر راهم مدمجة بالعواطف على بيها صعيبة باش تنساهم على بيها نقوللكم قدما تفورصيو على مخمكم راح تولو متقدروش تحفظوا كثر واكث لازم دايمن ب الراحة وتكون حاب تقرى ونتا علابالك شحال من خطرة زعما تاريخ صغير بقيت غير تعاود فيه وتحاول تحفظو وكي دخلت للامتحان لقيت روحك نسيتو وعلاش راني قتلك تسما – الدراسة براحة . بحب . باستمتاع . بشغف التفوق راح تتغير نظرتك نحو الدراسة كي تغير نتا من مشاعرك اتجاهها 3* استعمال خطة 5 واشنو هادي تان هادي تقولك نتا ليوم حفظة درس او حليت تمرين استغرقت 20 دقيقة بعد 3 ايام لازم تعاود تحلو وتستغرق 15 دقيقة بعد اسبوع راح تستغرق 5 دقائق و بعد 15 يوم تقرا الحل برك متعاودش تحلو بهادي راح يترسخ التمرين او الدرس علاجال هادي نسيت باش نقولكم في الجدول ديرو وقت المرراجعة وهو 1 ساعة يا قبل النوم يا بعد الاستيقاظ مباشرة ونتوما خير المهم لازم يكون اخيرا حبيت نقوللكم فرضا انكم درتو قاع واش قلت او مادرتوش غير وقت المراجعة راح تلقاو روحكم دورو في دائرة مفرغة تلقوا مور شهر ين الاولى ولا مور الفصل الاول نسيتو كلش نهايت وليتو متعرفوهاش ووعلاش ركزتو على المذاكرة برك ونسيتواهم حاجة وهي المراجعة على جال هادا تلقاو الناس تمرض ملخوف وتتخلط عليهم ويكرهو لقراية ف نص العام و يحبو يتهناو من الباك يقولك ياو نديه ب10 المهم نتهنى من هاد المعانات وعلاش على خاطر داخلين ومكاش تخطيط المهم كاش اسئلة راني هنا متنساوش / حبوا انفسكم . ديرو الخير . افرحوا . ابتسموا وادعولنا بالخير
|
||||
![]() |
![]() |
رقم المشاركة : 2 | |||
|
![]() السلام عليكم |
|||
![]() |
![]() |
رقم المشاركة : 3 | |||
|
![]()
|
|||
![]() |
![]() |
رقم المشاركة : 4 | ||||
|
![]() اقتباس:
ومتخافوش لن يستغرق وقت 1 ساعة او 45 د قيقة او 30 دقيقة كافية لكن يجب ان تكون يوميا و نتوما قسموا وقتكم على حسب واش يساعدكم المهم متحلش مرة وحدة وتقول راني قريت بيسك راح تنسى تنسى لكن دير ف الشهر لازم تكون اي حاجة حليتها ولا حفظتها تكون في الشهر راك مريت ب 4 خطوات لي قلتهملكم ارجو اني قدرت نوصلك الطريقة اي استفسار راني هنا ماكان حتى مشكل |
||||
![]() |
![]() |
رقم المشاركة : 5 | ||||
|
![]() اقتباس:
شـكـــــرا
|
||||
![]() |
![]() |
رقم المشاركة : 6 | |||
|
![]() بارك الله فيك الاخ الفاضل .. |
|||
![]() |
![]() |
رقم المشاركة : 7 | |||
|
![]() السلام عليكم شكرا اخي |
|||
![]() |
![]() |
رقم المشاركة : 8 | ||||
|
![]() اقتباس:
نعم بالتايد يكفي لكن شيى فقط انا قلت شهري لانو الهدف ليس معدلات الفصول بل الهدف هو الباك لي راح يجي في اخر السنة كاين فرق عام الباك ماشي كيما العوام الفايتةة غير الفصول |
||||
![]() |
![]() |
رقم المشاركة : 9 | |||
|
![]() بارك الله فيك و اسئل الله رب العرش العظيم ان يحقق لك سؤلك و يفرج عنك همك ، افدتنا افادك الله اخي |
|||
![]() |
![]() |
رقم المشاركة : 10 | |||
|
![]()
|
|||
![]() |
![]() |
رقم المشاركة : 11 | |||
|
![]() اخي نسقسيك في اي تخصص تدرس؟ |
|||
![]() |
![]() |
رقم المشاركة : 12 | |||
|
![]() نعم اختي ميكانيك اينارجيتيك - طاقويات - ماستر 2 بجامعة باب الزوار |
|||
![]() |
![]() |
رقم المشاركة : 13 | |||
|
![]() شكرااااا جعلها الله في ميزان حسناتك |
|||
![]() |
![]() |
رقم المشاركة : 14 | |||
|
![]() شكرا لك موضوع رائع |
|||
![]() |
![]() |
رقم المشاركة : 15 | ||||
|
![]() اقتباس:
لا شكر على واجب المهم تنجحو وتتفوقو بالنسبو للراحو انا منكدبش عليك مريض بظروف قاسية وصعبة متتصوريش عام الباك تسما مكنتش لاتي قاع بالقراية كراس معنديش كي الناس الدروس مندخلش حتى علوم طبيعية اهم مادة مكاش دروس خصوصية ملاح الخ الخ المهم قريت غير شهرين الخرين تقريبا اتسما مكنتش نريح بزاف فقط فترات النوم والحمد لله عييت بزاف وربي وفقني الحمد لله اما انتم فلاترهقو انفسكم يكفي الدراسة 4 الى3 ساعات يوميا هادا يكون كافي لكن يجب ان يصل الى 6ساعات في الاشهر الاخيرة ساهلة مع الوقت تولو تقراو نهار كامل او متكرهوشش سقسو المجرب هههههه كنت نقرا شوية يحكمني راصي الدوخة وووووو درك وليت نهار كامل قراية او نورمال |
||||
![]() |
![]() |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc