احلى عصير star au lait غني بالنكهات و صحي مئة بالمئة

om kamilia · 2015-06-15, 22:50

بسم الله الرحمن الرحيم

اذا كما ذكرت ذوق ستار بالحليب المعروف باه تشريه تقدرو تديروه في الدار بمكونات بسيطة و خاصة مليح في رمضان اقتصادي , غني بالالياف و الكالسيوم و زيادة بنين بنين.

المقادير لي نحتاجوها

عصير المشماش المركز

علبة ياوورت انا استعملت ذوق اجاص

سكر حسب الذووق

ماء باارد

راكو تتشوفو اسهل منو مكاش

اولا طريقة عمل مركز المشماش

ننقو المشماش من النواة ونغسلوه ,نديروه في طنجرة ونفرغو عليه الماء حتى يغطيه يغلي حتى يطيب و يبقى خاثر كي يبرد نجوزوه في الروبو او blender ونتحصلو على هذا السائل الخاثر انا خبيت منو في المجمد

في هذه المرحلة كما تحبو تخلطو المياه مع ملاعق المركز حسب الكثافة لي تحبوها تقدرو ديرو 4 ملاعق اكل في 1

لتر ماء وتضيفو ا علبة ياوورت او 2 بذوق الاجاص وبالطبع نزيدو السكر حسب الحلاوة لي تحبوها و لآ لقيتو العصير

ثقيل ضيفو ا الماء البارد

, كما قلت لكم كل وواحد و الذوق تاعو و الى الثلاجة يزيد يبرد و تتجانس المكونات و الله روعة روعة وجربو تشوفو

دعوة منكم برك قيس ما طلعت الصور و كتبت الموضوع هههه

فقط حبيت نزيد ملاحظة اختارو الياوورت ذو النكهة القوية , و لآ اضيفو عطر الجاص راهم متوفرين

انتصار فاطنة · 2015-06-15, 23:10

راني اديت الكاس شكرا على الوصفة

أم ملك · 2015-06-15, 23:10

هايل أم كاميليا تسلمي و ربي يرزقك الذرية السليمة المعافاة و يكبر كاميليا على طاعتو
و رمضان كريم

om kamilia · 2015-06-15, 23:16

انتصار بصحتك و الله جربتو صدفة واكتشفت الذوق حتى شربت منو باه عاودت نصور مزية بقالي شوية في الكاس
[color="rgb(75, 0, 130)"]ام ملك حبيبتي غيبة واشراكي رمضن كريم ليك و لكل المسلمين و شكراعلى الدعاء[/color]