مقارنة لاندكروزر مع نيسان باترول هبال تاع هبال

[kimiboro09]

السلام عليكم أعزائنا إن شاء الله راكم بخير مع الحجر الصحي
ليوم جيتكم بزوج سيارات الكثير من الناس تظن أنها غير مسموح إمتلاكها من الشعب لكن للأسف لا، المشكل أنها غالية بزاف إذا كانت جديدة وقوية بزاف فيها ميكانيك خارق للعادة تلقاها ماشية 1 مليون كم محرك عمره ما إنفتح. حالياً تويوتا لاندكروزر نقصت عدد السلندرات من 8 إلى 6 مع زيادة الطاقة والكفاءة، هذا يعن إقتصاد ف الوقود بنفس القوة
الموديل القوي في لاندكروزر هو VXR على عكس ما يظن البعض أنه موديل GXR فيها 8 مقاعد ومقصورة كبيرة الله الله وزادت تويوتا كملت الباقي مع منصة جديدة بزاف TNGA قوية. الحاجة لي عجبتني أنها لا تسوق في أوروبا تماماً يعني موجهة لدول الشرق الأوسط وأمريكا وآسيا وإفريقيا.
نيسان باترول 2022 كيف كيف قوية فيها شوي تصميم مأخوذ من إنفينيتي ومحرك 8 سلندرات.
باش دير مقارنة بين لاندكروزر وباترول 2022 صعيبة شوي لأنهم في 2 الله يبارك وبرغم ما يقوله البعض أن نيسان أفضل إلا أنني أفضل تويوتا لاندكروزر (تخيل راك فالصحراء ووصلت لمكان خالي مفيهش الإتصال وحصلت بيك اللاندكروزر في فخ رملي متحرك ومقدرتش تخرجها) أمر صعيب بصح تويوتا خممت فيك ودارت نظام زحف crawl control system يعني تخرج من السيارة وتفعله وتخليه يخرج اللوطو وحده وكي يكمل تركب وتروح، للعلم النظام يخرجها في حوالي 2 إلى 5 دقائق يعني مكاش خوف عليك ولا على السيارة لأنها ذكية بزاف مثلاً نديرو كنت تسوق وتعبت رقدت السيارة فيها نظام مراقبة عيون السائق وتوقفها حالة ملاحظة أنه متعب أوتوماتيكيا.
راح عهد السيارة التقليدية محرك، مقصورة وعجلات وجا عهد جديد وحبيت نشارك معكم هاذ المعلومات لأنها قيمة والإنسان لازم يعمر راسه ولو شوي
نتمنى تكونوا إستفدتوا من المعلومات وشاركونا معلوماتكم حول تحديثات السيارات
الأمر الأخير أنه أرخص موديل في السيارتين 2022 يوصل لحوالي مليار وثمنمية مليون بصح حسب رأيي أنها سيارات ما توصلها لا مرسيدس أم إل لا بورش كايين في كلش