واش نقدر ندير ب14 افيدوني

[هيثم سعيدان]

السلام عليكم
الحمد الله نجحت ب14.15
لكن وش نقدر ندير بيه
بزاف اللي قالولي عمر كلش مدارس عليا

بصح محروقات تصحلي و لا اها

و كانش حاجة اخري مليحة علي فكرة انا تقني رياضي هندسة مدنية
تقدر تقول عندي الاولوية

[bouss2013]

السلام عليكم


اولا وقبل كل شئ الف مبروووووووووووك


احمد الله على النجاح


واخير ادعو الله حتى يوفقك للتخصص الذي تريده فليس المعدل الذي سيضمن لك الاختيار وانما مشيئة الله عزوجل

[Hadil97]

مبرووك النجاح
بما انك تقني هندسة مدنية ربما هندسة معمارية في قسنطينة يكون اختيار جيد

[med 23]

هندسة معمارية

الاقسام التحضيرية للعلوم والتقنيات / العلوم الاقتصادية

[هيثم سعيدان]

و مبعد وش ندير بيها هندسة معمارية

انا لا اعرف شئ

[bouss2013]

السلام عليكم


قبل كل شئ الف مبروووووووووووك


عند التسجيلات الاولية سيتضح لك اكثر التخصصات التي يمكنك اختيارها


نصيحة مني اخي هيثم صلي صلاة الاستخارة وتوكل على الله ووفقك الله في تخصصك

[ninja2016]

malheureusement
متقدر دير بيه والو
اذا كنت تقني ولا رياضيات بالاك يصحلك بيترو شيمي
انا جبتو لعام لي فات ب 14 ورعاودته هاذ العام

[وفاء التبسية]

وي محروقات مليحة ياسر و حتى المدارس العليا بصح بالنسبة لطفل نشوف محروقات خير

[محمد الامين 9]

بعد التسجيل على مستوى الموقع يعطوك ورقة كبيرة فيها جميع التخصصات المتاحة لك
بعدها شوف مليح و سقسي مليح
المهم الطب اذا راك باغيه راه بعيد عليه ب 14 ( كل عام اللي يجيبو 14 يتكلو على الطب و ينسو الاختيارات الباقية و بعدها يقعدو في الطعن .. الخ )
يعني ننصحك اذا راك باغي الطب ديرهم في اول 3 تخصصات و ادرس جيدا التخصص الرابع و الخامس

بالنسبة للعمل المدرسة العليا للاساتذة فيها تعاقد ( اي العمل مضمون بعدما تكمل دراستك )
لكنها صعبة شوية اذا راك باغي تكمل قرايتك ( دكتوراه )

حسب ما اتذكر كاين مدرسة تاع الهندسة الالكترونية - تخصص مليح

الهندسة المعمارية تقدر تديرها بالمعدل تاعك
لكن بعدما تكمل دراستك ( الماستر ) يلزمك شوية عرف باش تبدا تخدم مهندس معماري

[محمد الامين 9]

+
المحروقات حتى هي تخصص مليح بزاااف
بصح كاين زوج
تاع سكيكدة اكيد تقدر تدخلها ب 14 ( لكنها صناعة بيتروكيميائية ) فيها شوية صعوبات بعدما تكمل

تاع بومرداس مليحة لكن المعدل الله اعلم اذا تطيحلك

[اكرام.]

اناا لا اعرف شيئااااا عن المدااارس العليااااا علماا انني شعبة علوم تجريبية ..

ممكن تحدتوني عنهااااا؟؟.. و شاا نتخرج بيها ممبعد؟؟

[محمد الامين 9]

المشاركة الأصلية كتبت بواسطة اكرام.

اناا لا اعرف شيئااااا عن المدااارس العليااااا علماا انني شعبة علوم تجريبية ..
ممكن تحدتوني عنهااااا؟؟.. و شاا نتخرج بيها ممبعد؟؟

المدارس النظام بها كلاسيكي مختلف عن lmd
وقرايتها معترف بها اكثر
كاين اللي تخرج مهندس
وكاين اللي تخرج استاذ

المدراس التحضيرية تقرى عامين ثم تفوت امتحان شامل اذا ربحت تزيد تقرا 3 سنين باش تخرج مهندس ( كاين مدارس متعاقدة مع الدول الاوربية ) باش تخدم و تكمل القراية
وحتى الشركات الجزائرية تدي منهم

[abir mimi]

انا ننصحك تقرا سنتين تحضيري وتفوت امتحان وتنج وممبعد تقرا 3 سنواات في الحراش خييير تخلص مهندس دولة وتزيد تلقى روحك عندك ماستر خير الاختصاص المليك كيما هندسة صناعية انا نضن خير من المحروقات لانو هداك نضام ال ام دي وهادي تقريبا نضام قديم لانك تتخرج مهندس دولة وزثيد من ناحية العمل اغلب الشركات متعاقدة مع المدرسة المتعددة التقنيات بالحراش تقدر تقول العمل مضمون بالتوفييييق

[هيثم سعيدان]

المشاركة الأصلية كتبت بواسطة abir mimi

انا ننصحك تقرا سنتين تحضيري وتفوت امتحان وتنج وممبعد تقرا 3 سنواات في الحراش خييير تخلص مهندس دولة وتزيد تلقى روحك عندك ماستر خير الاختصاص المليك كيما هندسة صناعية انا نضن خير من المحروقات لانو هداك نضام ال ام دي وهادي تقريبا نضام قديم لانك تتخرج مهندس دولة وزثيد من ناحية العمل اغلب الشركات متعاقدة مع المدرسة المتعددة التقنيات بالحراش تقدر تقول العمل مضمون بالتوفييييق

مفهمتكش زيد وضح اكثر

[bouss2013]

السلام عليكم
انا متخرج مهندس دولة في الالكترونيك من المدرسة الوطنية المتعددة التقنيات بالحراش في النطام القديم اي درست خمس سنوات في المدرسة حتى سنتي الجذع المشترك ام الان بعد دراسة عامين في مدرسة تحضيرية تجري امتحان مسابقة للدخول للمدرسة لوطنية المتعددة التقنيات بالحراش لتتخصص فيها