حذار من ْ ان تقعوا في هذا الخطا!!

[biba_g]

السلام علـــــــــــــيكم


اليومْ..لم يتبقى سوى ربع ساعة على انتهاء اختبار العلوم الاسلامية ومباشرة بعد ان طلبت ورقة اضافية قمت بملا الفراغات الموجودة في الصفحة2...ثم سالت ان كان هذا جائز فاتضح ان الامر غير جائز وعلي اعادة الورقة في ربع ساعة وانا لم اكمل الاجابة بعد .
.
ماوقع لي هو موجة كبيرة من الادريالين اجتاحت جسمي وقررت ان "اسمح في الشريعة" هذا وش كتب ربي
انهيت الكتابة بخط جد رديء ويختلف عن خط الورقة الاضافية
.
.الاهم الان ان لا تقعوا في نفس الخطا
.
و انا احتاج لدعائكم الان اخاف ان تعطى لي علامة0..حقا تبدو ورقتي وكانني غششت اضافة الى ان احد الاساتذة اخبرني بعدما رقمت الاوراق انها محاولة غشْ
.

." المورال راه في 0000000000000000"

[نور الهدا]

يخوف فيك
بما انه ما حكم عليك حتى حاجة يعني لا محاولة غش لا والو
انا ليوم عشية قالولنا ما تجيبوش هاتف و انا جبتو قتلهم خلوه عندكم قالولي هذي محاولة غش اففففففف يخي شعب

[dali rami]

هذا واش كتب ربي اختي
معليش حاولي تنساي واش صرالك في الشرعية وركزي على المواد القادمة للتعويض
كان الله في عونك

[biba_g]

ان شاء الله ياربي مايكون غير الخيرْ. اختي هدى "راني نصبر في روحي "

++

الفراغات هاديك الخاصة في حالة قدمت الورقة بيضاء
.
مانعرف واين كام مخي في هذاك الوقت؟؟

[manothebest]

السلام عليكم
أخيتي بيبا { ما تديريش على البعض، لأني شفت بعيني واش يصرا، مام اللي قالت على الهاتف كاين جمايع العام اللي فات سمحولهم باه يدخلوه وكاين اللي قعد عن الأساتذة و كاين اللي عندو وكاين اللي وراولهم عيني عينكـ........يعني شعب مريض ما تديروش عليه}
إذا اكملي المواد الباقية وربي يوفقكـ فيها

[نور الهدا]

ما تخافيش اختي ما تخليهاش تأثر عليك ما يصرا والو
تعرفيهم يخوفو فيكم و يهبطو مورال برك
قالولي ما تجيبيش صاك غدوة و انا فيا طبيعة نرد هدرة قتلها يسمى الة حاسبة و مدور و اقلام نجيبهم في جيبي ولا واش

[manothebest]

المشاركة الأصلية كتبت بواسطة نور الهدا

ما تخافيش اختي ما تخليهاش تأثر عليك ما يصرا والو
تعرفيهم يخوفو فيكم و يهبطو مورال برك
قالولي ما تجيبيش صاك غدوة و انا فيا طبيعة نرد هدرة قتلها يسمى الة حاسبة و مدور و اقلام نجيبهم في جيبي ولا واش

هههههههههه قتلتيني بالضحك
ايه، كاين ناس سبحان الله! ما عندي ما نقول فيهم
نورمالمون تجيبي الصاك نورمال وكاين دار خاصة يحطو فيها المحافظ مع أرقام يلصقوهم كل واحد عندو الرقم وكي يخرج يديه

[نجلاء السلفية]

المشاركة الأصلية كتبت بواسطة manothebest

هههههههههه قتلتيني بالضحك
ايه، كاين ناس سبحان الله! ما عندي ما نقول فيهم
نورمالمون تجيبي الصاك نورمال وكاين دار خاصة يحطو فيها المحافظ مع أرقام يلصقوهم كل واحد عندو الرقم وكي يخرج يديه

نعم عادي اختي
حنا المحفظة نحطوها في القسم وين نفوتو ،و الهواتف كاين لي يخلوهم عندهم ،،عادي جداً

[biba_g]

ياربي يستر هذا مكانْ.....كنت لباس علي نخدم براحة تامة "سبحان الله مغير الاحوال" في اخر لحظة تنقلب كلشْ.
.
" المشكل استاذة تقولي اكتبي براحتك وحدة تقولي ازربي مانزيدلكش الوقت واحد يقولي اواه هاذي محاولة غش ..ورئيس المركز حار واش كاين 3 اساتذة قدامي وانا نزرب وحالتي حالة " واحد الضغط يا لطيف الطف بينا
..الخلعة اليوم عندها ما دات مني ههه
..
+.
.ادي مقلمة احسن ياهدى واحد مايقلقكْ

[نور الهدا]

مقلمة ترفدلك الة حاسبة ؟ مستحيل تاعي كبيرة ياو ندي صاك و تيليفون زكارة و لي يحل فمو نتفاهم معاه

[إبرآهيمـ]

بسيطة .
ملآ الفرآغ في الص 2 = ورقة بيضآء ’, وورقتك لم تكن بيضآء + بمآ أنك أمضيت في الاخير ، فالمصحح إجبآري عليه تصحيح ورقتك ،،
هذيي الأموور تحدث فلآ تقلقي (:

[minaflower]

و ماديري والو في بالك
ربي يوفقك أختي انت و كل المترشحين

[YOUSEF-ALG]

انا راني حاايو لعواام كاامل مزيرة الحراسة كما هاك ولا غير العام هذا
مام حنا اجراءات كبيرة لازم لاكارط ديما فوق الطاولة
-----------
انا قلقوني ثاني في الادب جاتني حارسة في نص الامتحان وانا خيرت موضوع وندمت يعني مقلق قاتلي اعطيلي المسودة نقراها قلتها كفاش عطيتهالي انتم وضربتو 10 دقايق انتم تفتشو فينا ونزيد نعطيهالك المهم ناضت كاامل في الكلاسة ههه
ولات راحت وسكتت وزعما انا شاك كشما تديرلي في الورقة خخخخخ

[*Mahmoud*]

بخصوص ترقيم الأوراق احنا قالونا نورماااال ....ولا تاني هي حالة غش ؟؟؟؟

[createur80]

اختي بما انك كتبتي و ماسلمتيش الورقة بيضاء فلا تخافي المصحح سيتفهم انه مجرد خطا
+ حنا دينا الصاك عادي بصح مخلاوناش ندخلو بيه حطيناهم فلمدرج وبالارقام يعني تنظيم في تنظيم ومام لي جابو البورطابل دارولهم ارقام للهواتف تاعهم وحطوهم فوق البيرو وجاز اليوم عادي والحراس كانو ملاح معانا
اذا كانو الحراس متشددين حاولو متدخلوش معاهم في نقاشات لان هذا ياثر عليكم نتوما ماشي هوما وراح يضيعلك الوقت حتى اذا ظلموكم حاولو تلبو اوامرهم ياك سمانة و تفوت