~~صابلي تاج السلطان~~

*أم ثازيري* · 2015-07-13, 04:10

[COLOR="rgb(255, 140, 0)"][COLOR="rgb(255, 140, 0)"]قصة صابلي تاج السلطان :
اليسون جابت الوصفة و فائزة حرفت التزيين و انا عطيتو اسم!!!! المهم المشاركة هههه
راني صورتو بالتفصيل الممل و شكرًا لكل من اليسون و فائزة [/COLOR][/COLOR]

ضرك نحط بالشوية الصور و من بعد الوصفة ان شاء الله

بسم الله نبداو المقادير :
200 غ مارغرين
3 مغارف كبار سكر قلاصي
50 غ لحظة
2 صفار بيض
30 غ كاكابيشو (حلوة الترك)
50 غ نوازات محمصة و مرحية
70 غ جلجلانيه محمصة و مرحية
ملعقة كبيرة نشاء
نص باكي خميرة
فرينة
عطر البندق
التحضير ~~
خلطي المارغرين و السكر جييييييدا
اضيفي الصفار و كملي خلطي
اضيفي اللحظة و حلوة الترك و زيدي النوازات و الجلجلانيه المرحيبن و خلطي
زيدي عطر البندق و ملعقة النشاء و الخميرة
لمي بالفرينة و ماتيبسيش العجينة بزااااف باه ماتفتتش
شكليها كويرات بوزن 33 غ
و حطيهم في المول السيليكون و الى الفرن
طيبيهم و من بعد نحيهم و خليهم يبردو
القلاصاج ~~
ديري حمام مائي و ذوبي الشيكولا بعد ماتقسميها طراف
ماتحركيهاش خلاااااص خليها تذوب في عقلها دون اي إضافات
كي تحسيها ذاااابت قيسيها بالبانسو اذا لقيتيها سايحة ابداي تدهني بيها المول نتاع السيليكون بعد ماتكوني نظفتيه
حطي الحبة فوق الشيكولا و الى الثلاجة
خليها تنشف مليييييح و ماتكثريش تطلي عليها لامو اذا حاولتي تنحي الحبة قبل ماتنشف الشيكولا رايحة تفسدلك
بعد ماتنحي الحبات من المول زينيهم بنستلي كراميليزي او بالكراميل و حبات من الحلوى الفضية