السلام عليكم ورحمة الله وبركاته
صح فطوركم وربي يتقبل صيامنا وقيامنا ويعتق رقابنا من النار امين يارب
هادي بعض الحلويات خدمتها في رمضان نحطها لكن بلاك تعجبكم وتخدموها للعيد
1_صابلي بالنوادكوكو
العجينة:500غ زبدة طرية و250غ سكر ناعم نخلطهم جيدا ونضيف 4بيضاة ونخلط وفانيلا ونضيف 500غ نشاء وكيس خميرة ونضيف الفرينة حتى تتحصل على عجينة صابلي نحلها ونقطعها بشكل دائري ونطيبها
الحشو:300غ شوكولا بيضاء نذوبها مع 3ملاعق حليب ونصف ملعقة زبدة ونضيف ليها 500غ نواد كوكو مرحي ونضيف 100غ سكر نتحصل على عجينة ونخليها تتماسك ثم نحلها فوق بلاستيك ونقطع بنفس السكر اي دائري
ناخذ 2حبات قاطو وحبة من الحشو ونلصق بالمعجون الحشو يكون في الوسط وحبة قاطو من فوق وحبة من تحت ثم ندهن الحواشي
بكريمة بالزبدة ثم نرمدها في نواد كوكو ونصب ملعقة شوكولا بيضاء من فوق ونزين بخطوط من الشوكولاوحلوى فضية
كريمة بالزبدة:250غ زبدة +250غ سكر ناعم ونص كاس ماء نخلطهم جيدا في الخليط ثم نضيف نصف كاس زيت ونخلط حتى تطلع
ملاحظة:لي مايحبش الحلاوة ممكن نقص كمية السكر في العجين والحشو
هادي العجين
هادي الحشو
وهنا نلصق كل زوج حبات مع حبة من الحشو في الوسط
ثم ندهن الجوانب بكريمة الزبدة ونمررها في نواد كوكو ونصب شوكولا بيضاء
من فوق ونزيد نعمل خطوط بالشوكولابيضاء ونحك حبة حلوى فضية
وهادي النتيجة
2_ المشيمشة
قاطو اقتصادي وبريزونتابل
كاس زيت وكاس سكر مخلط نص ناعم ونص عادي نخلطهم
جيدا حتى يدوب السكر ونضيف 4بيضاة وفانيلا وملون
برتقالي وقشور ليمون او برتقال ونخلط جيدا ونضيف
كاس نشاء وكيس ونصف خميرة حلويات ونضيف الفرينة
حتى تتحصل على عجينة مثل الصابلي نشكلها كور صغار
وندخلها للفرن
نلصق كل 2حباة مع بعض ونخليها تتماسك ثم نغطسها
في معجون المشماش مخفف بشوي ماء زهر وفيه ملون
برتقالي ثم نرمدها في سكر احرش مخلط معاه نواد
كوكو مرحي او ممكن نرمدها في سكر احرش فقط او
ممكن نرمدها في نواد كوكو حسب الرغبة ثم نزينها
بورقة من عجينة السكر ونرشق حبة فرميسال شوكولا
او نعمل غصن صغيربعجينة السكر سوداء
3_الغريبة
250غ زبدة طرية انا استعملت لابال وكاس زيت وكاس سكر ناعم نخلطهم جيدا حتى يولو كريمة نضيف ملون ابيض ونضيف ملعقة فاني وكاس نشاء ونخدمهاجيدا ونضيف 5كيسان فرينة ونعجن
جيدا الا بقت مرملة ممكن اضافة ملعقتين زيت ونحلها في بلاستيك
ونطبع بطابع دائري مشرشف وثم نعمل خطوط بالسكين والتزيين حسب الرغبة انا اخذت من العجين واضفت زقوقو مرحي وشكلت وردات حطيتها في الوسط ونزين بحبة حلوى فضية
وندخلها للفرن ساخن ونحطها في الاعلى مدة 15دقيقة ثم نخرجها ونخليها حتى تبرد تماما باش نحيها بسهولة وماتتفتتش
4_قريوش العين
4كيلات فرينة وكيلة زبدة دايبة وقرصة ملح نخلطهم ونحكهم باليد مليح ومن بعد نضيف الماء زهر حتى تتحصل على عجينة ملساء وطرية مثل عجينة البقلاوة نقسمها كريات ونحطها في كيس ونخليها ترتاح عالاقل ساعتين
باستعمال النشاء نحل العجينة مستطيل ونذرذر عليها كمية مليحة من النشاء ونثنيها ثنيات صغار ونضغط مانخليش الهواءحتى نتحصل على حربوش في اخر العجين ندهن بشوي ماء باش ماتتحلش ونقطع بالسكين قيس اصبع ثم ناخذ بالحبة نضغط من الوسط بالاصبع ونحلها بالحلال لازم اللفات تكون من الجوانب حتى نخلص كل الكمية نقليها في زيت ساخن على نار هادئة السر في طريقة القلي نحط الحبة في الزيت راح تهبط وبعد تطلع نقلبها ثم نوقفها على جنب ونرمي عليها الزيت راح تتفتح وتتورق
نخليها تستقطر من الزيت ونعسلها عند التقديم نصب عليها غير من فوق بالملعقة لانها هشوشة ياسر
اخيرا كملت ان شاء الله يعجبكم وتستفادو ودعوة خير تكفيني ولكم بالمثل اخواتي
( تقرير عن مشاركة سيئة )، و الموجودة أسفل كل مشاركة .
2016-06-26, 23:15
صابلي+مشيمشة+غريبة+قريوش اتفضلي مرحبا بيكم
العرض المتطور
